<div class="article-content">
<p><strong>បន្ទាយមានជ័យ ៖</strong> ស្ត្រីមេម៉ាយ អ្នកលក់ផ្លែឈើនៅជាយដែនប៉ោយប៉ែត ខេត្តបន្ទាយមាន<br />ជ័យ ម្នាក់ទិញ រទេះពីគេមួយគ្រឿង ដើម្បីដឹកផ្លើឈើលក់ពីរនាក់កូនស្រី យកកម្រៃមកផ្គត់<br />ផ្គង់ជីវភាពគ្រួសារ ក្រោយពីប្តីស្លាប់ចោលជាច្រើនឆ្នាំតែបែរជាទិញចំរបស់ចោរ ពេលដែល<br />គាត់កំពុងតែដឹកផ្លែឈើលក់ ស្រាប់តែត្រូវ ម្ចាស់ដើមគេឃើញក៏បានមកទារវិញនិងបានបង្ក<br />ឲ្យមានការកកស្ទះ ចរាចរណ៍មួយសន្ទុះធំ លើកំណាត់ ផ្លូវជាតិលេខ៥ មុខវត្តប៉ាលិលេយ្យ<br /> ក្នុងភូមិក្បាលស្ពាន សង្កាត់/ក្រុងប៉ោយប៉ែត ខេត្តបន្ទាយមានជ័យ។</p>
<p>ស្ត្រីដែលទិញចំរទេះចោរនេះមានឈ្មោះ ឆាយ ណឺយ អាយុ៥៣ឆ្នាំ រស់នៅភូមិក្បាលស្ពាន<br />២ សង្កាត់/ ក្រុងប៉ោយប៉ែត ។ចំណែកជនរងគ្រោះ ម្ចាស់រទេះមានឈ្មោះ សឿម ទិត្យ ភេទ<br />ប្រុស អាយុ៣៧ឆ្នាំ ជាប្តីនិងឈ្មោះ ស៊ីម ណូក ភេទស្រី អាយុ៣៤ឆ្នាំជាប្រពន្ធ ជនរងគ្រោះ<br />ទាំង២នាក់នេះ រស់នៅភូមិផ្សារ កណ្តាល សង្កាត់ផ្សារកណ្តាល ក្រុងប៉ោយប៉ែត ។</p>
<p>ឈ្មោះ សឿម ទិត្យ និងឈ្មោះស៊ីម ណូក បានអះអាងថាពួកខ្លួនបានបាត់រទេះ កាលពីយប់<br /> ថ្ងៃទី២៧ ខែសីហា ឆ្នាំ២០១៣ វេលាម៉ោង២ទាបភ្លឺកន្លងទៅ ខណៈដែលផ្ញើនៅក្នុងបរិវេណ<br />វត្ត ផ្សារកណ្តាល ក្រោយ ពីដឹងថា ចោរលួច លោកក៏បាននាំគ្នាដើររកដែរ តែមិនឃើញ<br />សោះ លុះដល់ថ្ងៃទី ០៩ ខែកញ្ញា ឆ្នាំ២០១៣ វេលាម៉ោង ៤ល្ងាច ពេលលោកមកធ្វើធ្មេញ<br /> នៅហាងមួយមុខវត្តបាលិលេយ្យ ក៏ប្រទះឃើញស្រីខាងលើកំពុងដឹកផ្លែឈើលក់ ទើបមាន<br />ការឃាត់ទុក ផ្អើលឆោឡោពេញផ្លូវតែម្តង ។</p>
<p>ស្រ្តីឈ្មោះឆាយ ណឺយ វិញបានឲ្យដឹងថា គាត់បានទិញរទេះនេះពីគេនៅម្តុំក្រោយផ្សាររ៉ាថ្មី<br /> ក្នុងតម្លៃ ២៥០០បាត ដើម្បីដឹកផ្លែឈើលក់ ទើបតែបាន ៥ថ្ងៃទេ ។ហើយគាត់ក៏មិនដឹងថា<br /> រទេះដែលគាត់ទិញមក នេះ ចោរលួចពីគេមកលក់ឲ្យដែរ ។</p>
<p>ជុំវិញករណីនេះ លោក ហម ម៉ុត មេបញ្ជាការ អ.ហ ក្រុងប៉ោយប៉ែតបានឲ្យដឹងនៅថ្ងៃទី១០<br /> ខែកញ្ញា ឆ្នាំ ២០១៣ ពិតជាមានករណីនេះ កើតឡើងមែន ហើយលោកក៏បានបញ្ជាកម្លាំង<br />ក្រោម ឱវាទ ចុះទៅអន្តរាគមន៍ដែរ តែដោយម្ចាស់រទេះ សុំមិនប្តឹងផ្តល់ សុំត្រឹមតែរទេះ<br />ត្រឡប់ទៅវិញនិងបញ្ចប់រឿងជាមួយស្ត្រីអ្នកលក់ផ្លែឈើខាងលើព្រមព្រៀងគ្នា បញ្ហាក៏ត្រូវ<br />បានបញ្ចប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0685.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0686.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0687.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0688.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0689.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>