<p><strong>ភ្នំពេញ៖</strong> ក្នុងរយៈពេលចុងក្រោយនេះ គេតែងសង្កេតឃើញថា ការបង្កើត Account Facebook ដើម្បី ស្រូបយកការទាក់ទាញ នូវប្រជាប្រិយភាព និងការគាំទ្រ ព្រមទាំងការបង្ហាញ ពីទិដ្ឋភាព ប្លែងៗតាមរយៈការ ថតរូបភាពបង្ហោះ នៅលើ Pege ផ្ទាល់ខ្លួន កំពុងជាទីពេញនិយម សម្រាប់ មហាជន ស្រទាប់យុវវ័យទូទៅ មិនថាក្មេងចាស់ប្រុស-ស្រីទេ។</p>
<p>ជាងនេះទៅទៀត គេក៏កំពុងងាកទៅចាប់អារម្មណ៍ខ្លាំង លើតារាចម្រៀង និងសម្តែងស្រី-ប្រុស ល្បី ៗរបស់ខ្មែរ បានបង្កើត Account Facebook សំរាប់ការឆ្លើយឆ្លង និងស្វែងរកការគាំទ្រ ដោយ បញ្ចេញរូបថត លេងម៉ូដសំលៀកបំពាក់ ការលេងស្ទីល សិចស៊ី មើលទៅគួរឲ្យញាក់សាច់ រួមនឹង ការលេងខ្លួន ដោយការប្រើប្រាស់ នូវសំភារៈមានតម្លៃៗជាដើម ។</p>
<p>ជាការកត់សម្គាល់ បើទោះបីជាពួកគេ បានបង្កើត Account Facebook ក្នុងគោលបំណង ទាញការ ចាប់អា រម្មណ៍ ពីបណ្តាអ្នកគាំទ្រ ដែលជា Friend ក៏ពិតមែន ប៉ុន្តែវាក៏ពុំទាន់បានបំពេញ នូវសេចក្តី ត្រូវការ ដែលជាគោលដៅចំបង របស់តារាប្រុស-ស្រីមួយចំនួននោះឡើយ ។ ផ្ទុយទៅវិញពួកគេ បែទៅបង្កើតបន្ថែមនូវ Account មួយទៀត ដែលគេហៅថា Fan Page (ទំព័រអ្នកគាំទ្រ)។</p>
<p>ខណៈមានទស្សនិកជន ជាអ្នកគាំទ្រខ្លះ បាននឹងកំពុងផ្តោត ការចាប់អារម្មណ៍ខ្លាំង ចំពោះ សកម្ម ភាពទាំងឡាយ ដែលតារាៗខ្មែរ កំពុងតែយកហ្វេសបុក ជាគោលដៅបង្ហាញភាពស៊ីវីល័យរបស់ខ្លួន ដើម្បីឆក់ទាញយក ទីផ្សាល្បីឈ្មោះនេះដែរ ក៏មានការបញ្ចេញទស្សនៈរិះគន់ ចំពោះទង្វើមិនសមគួរ លើសកម្មភាពរបស់ក្រុមតារាចម្រៀង និងតារាសម្តែ ងប្រុស-ស្រីខ្មែរមួយចំនួនតាមរយៈការ ថតរូប បែបលក្ខណៈស៊ីវិល័យ ដោយការស្លៀកពាក់សិចស៊ីខើចលើខើចក្រោម បញ្ចេញក្បាលសុដន់ និង គល់ភ្លៅ រួចយក មកដាក់បង្ហោះនៅលើ Account Facebook និង Fan Page របស់ខ្លួន ជាថ្នូរដើម្បី ទាញយកការចាប់អា រម្មណ៍ឆ្ពោះទៅភាពល្បីឈ្មោះ។</p>
<p>ផ្អែកតាមសម្តី ពីមជ្ឈដ្ឋានមហាជន អ្នកគាំទ្រខាងក្រៅ បានលើកឡើង ដោយសម្តែងអារម្មណ៍ មិនសប្បាយចិត្ត ក្រោយបាន ឃើញរូបភាពខ្លះៗ របស់តារាស្រីមួយចំនួន របស់ខ្មែរ ដែលបាន បង្ហោះ បញ្ចេញបង្អួតរាងសិច ស៊ី មើលទៅហាក់ដូចជាជ្រុលហួស ភ្លេចប្រពៃណី របស់ខ្លួន។ ប្រភពខ្លះក៏បានស្នើផងដែរទៅដល់ក្រសួង ដែលមានតួនាទីមើលការខុសត្រូវ ទៅលើតារាៗខ្មែរ ដែលកំពុងធ្វើខ្លួន ប្រាសចាក ពីវប្បម៌ខ្មែរ ឱ្យមានវិធានការក្តៅ និងហៅទៅអប់រំ ជាដើម។</p>
<p>ជាមួយគ្នានេះដែរ ក៏មានប្រភពមួយចំនួន បាននឹងកំពុងតែនិយាយរិះគន់ ដោយចំៗ ទៅលើតារា ស្រីខ្មែរ ដែលតែង បានថតបញ្ចេញភាពសិចស៊ី បង្អួតមហាជន មានដូចជា នាង សេង សូណា កញ្ញាឃិត សំ សុម៉ាលីស កញ្ញា ឆយី និងកញ្ញា ប៊ុន ផៃលីន កញ្ញា គង់ វង្សយ៉ាទី ជាដើម ។</p>
<p>សព្វថ្ងៃនេះ មានតារាប្រុស-ស្រីរបស់ខ្មែរ មួយចំនួន បាននឹងកំពុងតែយកបណ្តាញ ទំនាក់ ទំនង សង្គមហ្វេសបុក និង Fan page ផ្ទាល់ខ្លួន មកធ្វើជាគោលដៅ ឬហៅបានម្យ៉ាងទៀតថា ជាឈ្នាន់ ដើម្បីទាញរកការគាំទ្រ និង ប្រជាប្រិយភាព លើទីផ្សាសិល្បៈ ក្នុងស្រុកតាមរយៈរូបភាពផ្សេងៗគ្នា ដោយមានតារាខ្លះ យកភាពសិចស៊ី និងការប្រើប្រាស់ សំភារៈថ្លៃៗ មកបញ្ចេញ លើហ្វេសបុក ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-065/PISETH-083.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-065/PISETH-084.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-065/PISETH-085.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-065/PISETH-086.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/27561-2014-02-12-09-56-49.html"><span style="color: #0000ff;">ដើមអំពិល</span></a></p>