<div class="ja-content-main">
<div class="article-content">
<p><strong>កំពង់ចាម ៖</strong> រថយន្តដឹកកម្មករ ប្រមាណជាង៦០នាក់ បានក្រឡាប់នៅ ម៉ោងប្រមាណជា ៨និង២០នាទីព្រឹក ថ្ងៃទី១ ខែកក្កដា ឆ្នាំ២០១៤ តាមបណ្តោយផ្លូវ ជាតិលេខ៦ ពីស្រុកបាធាយ មកធ្វើការ នៅរោងចក្រ ក្នុងស្រុក ជើងព្រៃ ខេត្តកំពង់ចាម ។</p>
<p>នៅកន្លែងកើតហេតុ លោកអភិបាល ស្រុកជើងព្រៃ កំពុងចុះទៅពិនិត្យមើល ជាក់ស្តែង ហើយពុំទាន់ មានរបាយ ការណ៏អំពីការស្លាប់ និងរបួសនោះទេ ។</p>
<p>រហូតមកដល់ម៉ោង ១១និង៣០នាទី ព្រឹកថ្ងៃទី១កក្កដា នេះ ករណីក្រឡាប់ រថយន្តដឹកកម្មករ នៅស្រុកជើងព្រៃ របួស ៦៦នាក់ ស្រីទាំងអស់ ក្នុងនោះ កំពុងសង្គ្រោះនៅមន្ទីរពេទ្យជើងព្រៃ ៣៤នាក់ ដោយមានម្នាក់របួសក្បាល ត្រូវដឹកមកមន្ទីរពេទ្យខេត្តកំពង់ចាម ។ រីឯ ៣២នាក់ទៀត គ្រាន់តែរបួសបន្តិបន្ទួច ត្រូវគ្រូពេទ្យ ឲ្យថ្នាំដើម្បីសម្រាក ព្យាបាលនៅផ្ទះរៀងៗខ្លួន ។</p>
<p>នគរបាលមូលដ្ឋានបានឲ្យដឹងថា អ្នកបើកបររថយន្តក្រឡាប់ មានឈ្មោះ ផល ភាព អាយុ៣០ឆ្នាំ ហើយដឹកកម្មករ ចេញពីភូមិស្វាយព្រៃ ឃុំត្របែក ស្រុកបាធាយ ទៅធ្វើការនៅរោងចក្រ ដេរស្បែកជើង ៕</p>
<p>សមត្ថកិច្ចមូលដ្ឋាន បញ្ជាក់ថា ករណីក្រឡាប់រថយន្ត ជារួមមិនមានអ្នកស្លាប់ ឬរបួសធ្ងន់ធ្ងរទេ ៕</p>
<p><img src="http://image.dap-news.com:81/dap-news/dap-images/2014/June/id-010/chanroth014-june-215.jpg" alt="" width="500" /></p>
<p><img src="http://image.dap-news.com:81/dap-news/dap-images/2014/June/id-010/chanroth014-june-216.jpg" alt="" width="500" /></p>
<p><img src="http://image.dap-news.com:81/dap-news/dap-images/2014/June/id-010/chanroth014-june-217.jpg" alt="" width="500" /></p>
<p style="text-align: right;"><br />ផ្តល់សិទ្ធិដោយ៖ ដើមអម្ពិល</p>
<div></div>
</div>
</div>