<div class="article-content">
<p><strong>ភ្នំពេញ ៖</strong> ស្ត្រីលក់គ្រឿងទេសម្នាក់ ត្រូវបានក្រុមចោរ រឹតកសម្លាប់ នៅក្នុងផ្ទះយ៉ាងអាណោចអាធម័ ហើយយកទ្រពសម្បត្តិនៅក្នុងផ្ទះ កាលពីវេលាម៉ោង ជិត១រំលងអធ្រាត្រ ឈានចូលថ្ងៃទី២៥ មេសា និងផ្អើលដល់សមត្ថកិច្ចវេលាម៉ោង៥ទៀបភ្លឺ ស្ថិតក្នុងភូមិសែនសុខ២ សង្កាត់ឃ្មួញ ខណ្ឌសែនសុខ ។</p>
<p>នគរបាលមូលដ្ឋានបានឲ្យដឹងថា ស្ត្រីរងគ្រោះមានឈ្មោះ ឡាំ សុខពិធី អាយុ២៩ឆ្នាំ មុខរបរលក់ដូរនៅផ្ទះរបស់ខ្លួន មានប្តីឈ្មោះ ម៉ា រិទ្ធី អាយុ៣០ឆ្នាំ ធ្វើការនៅមណ្ឌលកែប្រែគ្រឿងញៀន រាជធានីភ្នំពេញ ព្រមទាំងមានម្តាយស្ត្រី រងគ្រោះនិងក្មួយប្រុសម្នាក់ នៅជាមួយផងដែរ ។</p>
<p>តាមការរៀបរាប់របស់ម្តាយស្ត្រី រងគ្រោះ បាននិយាយថា មុនពេលកើតហេតុ កូនរបស់គាត់និងក្មួយប្រុសម្នាក់ បានដេកលង់លក់ក្នុងដំណេក ដូចធម្មតា ដោយពុំមានឈ្លោះប្រកែកគ្នា ឬថ្នាំងថ្នាក់ ជាមួយអ្នកណាម្នាក់កាលពីព្រឹកនោះទេ ចំណែកកូនប្រសារ(ប្តីស្ត្រីរងគ្រោះ) ក៏មិននៅផ្ទះដោយទៅយាម នៅមណ្ឌលគ្រឿងញៀន ។</p>
<p>សមត្ថកិច្ចបានឲ្យដឹងថា ទ្រព្យសម្បត្តិដែលបាត់បង់រួមមាន លេបថបមួយគ្រឿង ទូរស័ព្ទដៃ២គ្រឿង លុយ១លាន៤សែនរៀល និងលុយដុល្លារជាង៣០០ដុល្លារ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2014/April/id-015/T-0198.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/April/id-015/T-0199.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/April/id-015/T-0200.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/April/id-015/T-0201.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>