<h1>កុំព្យូទ័រ ៖ ការវាយប្រហារតាមប្រព័ន្ធអ៊ីនធឺណិតជាសកល បានចាប់ផ្ដើមរាតត្បាត កាលពីថ្ងៃសុក្រ ដោយបានប៉ះពាល់ស្ថាប័នជាង ២០០,០០០ នៅក្នុង ១៥០ ប្រទេស។ នៅក្នុងប្រទេសអង់គ្លេស ការលួចយកទិន្ន័យ បានវាយលុកឯកសារប្រតិបត្ដិការព្យាបាលរបស់សេវាសុខាភិបាលជាតិប្រមាណ ៤៧ ដែលនាំឱ្យមានការលុបចោលការវះកាត់ និងត្រូវបញ្ជូនអ្នកជំងឺត្រឡប់ចេញពីបន្ទប់សង្គ្រោះបន្ទាន់វិញ។</h1>
<p><span style="color: #000000;"> វីរុស WannaCry" ransomware ទំនងជាបានប្រើកំហុសបច្ចេកទេស នៅក្នុងកម្មវិធី Software របស់ក្រុមហ៊ុន Microsoft ដែលបានរកឃើញដោយភ្នាក់ងារសន្តិសុខជាតិ និងយកមកប្រើដោយពួក Hacker ដើម្បីរាតត្បាតយ៉ាងឆាប់រហ័ស នៅទូទាំងបណ្តាញ ដោយធ្វើការចាក់សោបណ្ដាឯកសារនានា នៅក្នុងកុំព្យូទ័រ។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/5/17/1-17-05-2017--15-44-12.png"><img src="/FileManager/Articles/mce/2017/5/17/1-17-05-2017--15-44-12.png" alt="" /></a><br /></span></p>
<p><span style="color: #000000;">អ្នកជំនាញផ្នែកសន្តិសុខ បានចាត់វិធានការបញ្ឈប់ការវាយប្រហារ ដោយការបិទម៉ាស៊ីនកុំព្យូទ័រកាលពីថ្ងៃសៅរ៍ ក៏ប៉ុន្តែវីរុសនោះ នៅតែបន្តបំផ្លិចបំផ្លាញ។</span><br /> <br /><span style="color: #000000;"> កម្មវិធី ransomware ដែលតម្រូវឱ្យបង់ប្រាក់ជាបន្ទាន់ បន្ទាប់ពីបានបើកការវាយប្រហារតាមអ៊ីនធឺណិត បានក្លាយទៅជានិន្នាការកើនឡើងកាន់តែច្រើន ក្នុងចំណោមពួក Hacker ដែលកំពុងរិះរកវិធីរកប្រាក់រហ័ស។</span></p>
<p><span style="color: #000000;"><strong>តើអ្វីជា </strong><strong>Wanna Decryptor?<br /> </strong>Wanna Decryptor ដែលត្រូវបានគេស្គាល់ផងដែរថា WannaCry ឬ wcry គឺជាកម្មវិធី ransomware ជាក់លាក់មួយ ដែលមានសមត្ថភាពចាក់សោទិន្នន័យទាំងអស់ នៅលើប្រព័ន្ធកុំព្យូទ័រ និងបន្សល់ទុកឱ្យ Users តែ Files ពីរប៉ុណ្ណោះ: ទី ១ គឺការណែនាំពីវិធី ដែលត្រូវធ្វើបន្ទាប់ទៀត ហើយទី ២ គឺកម្មវិធី Wanna Decryptor នេះតែម្ដង។</span><br /> <br /><span style="color: #000000;"> នៅពេលដែលកម្មវិធី Software នេះត្រូវបានបើក វាប្រាប់អ្នកប្រើប្រាស់កុំព្យូទ័រថា ឯកសាររបស់គេ ត្រូវបាន encrypted និងទុកពេលវេលាឱ្យពួកពីរបីថ្ងៃដើម្បីបង់ប្រាក់ជាការដោះដូរជាមួយនឹងឯកសារទាំងនោះ ដោយព្រមានថា បើមិនដូច្នេះទេ ឯកសាររបស់ពួកគេ នឹងត្រូវលុបចោលទាំងអស់។ វាតម្រូវឱ្យបង់ប្រាក់តាមរយៈប្រព័ន្ធ Bitcoin ដោយណែនាំពីរបៀបក្នុងការទិញយកឯកសារនោះមកវិញ និងផ្ដល់អាសយដ្ឋាន Bitcoin ដើម្បីផ្ញើប្រាក់។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/5/17/2-17-05-2017--15-44-25.png"><img src="/FileManager/Articles/mce/2017/5/17/2-17-05-2017--15-44-25.png" alt="" /></a><br /></span></p>
<p><span style="color: #000000;">ក្រុមហ៊ុនសន្ដិសុខកុំព្យូទ័រភាគច្រើន មានឧបករណ៍ឌីគ្រីប ransomware ដែលអាចចៀសវៀងកម្មវិធី Hack នេះបាន។ កម្មវិធី Hack ដ៏រាតត្បាតនេះ ត្រូវបានគេប្រើ នៅក្នុងការវាយប្រហារតាមអ៊ីនធឺណិតទ្រង់ទ្រាយធំ ដែលប៉ះពាល់ដល់ស្ថាប័ននៅទូទាំងពិភពលោករួមទាំងសេវាសុខាភិបាលរបស់អង់គ្លេស និងក្រុមហ៊ុន Telefonica នៅក្នុងប្រទេសអេស្ប៉ាញ។</span></p>
<p><span style="color: #000000;">អ្នកជំនាញអ៊ិនធឺណិតវ័យក្មេងម្នាក់ បានចាត់វិធាការបញ្ឈប់ការរីករាលដាលនៃការវាយប្រហារដោយចៃដន្យ ដោយការបិទម៉ាស៊ីនកុំព្យូរទ័រ នៅពេលដែលគាត់ បានធ្លោយទិញ Domain អ៊ីនធឺណិត ដែលមានតម្លៃថោកជាង ១០ ផោន។</span></p>
<p><span style="color: #000000;"><strong>តើត្រូវធ្វើយ៉ាងណាប្រសិនបើកុំព្យូទ័ររបស់អ្នកត្រូវបាន </strong><strong>Hack ? </strong><strong>តើអ្នកគួរបង់ប្រាក់តាមការស្នើសុំរបស់ពួក </strong><strong>Hacker </strong><strong>ឬទេ?<br /> </strong>ជនរងគ្រោះដោយការ Hack នេះ មិនត្រូវបង់ប្រាក់ដើម្បីលោះយកឯកសារមកវិញនោះទេ ព្រោះវាជាការលើកទឹកចិត្ត ឱ្យពួក Hacker បន្ដការវាយប្រហារទៅទៀត។ បើទោះបីជាជនរងគ្រោះ បានបង់ប្រាក់តាមការស្នើសុំរបស់ពួក Hacker ក្ដីក៏មិនអាចធានាបានថា ឯកសារទាំងអស់ នឹងត្រូវបញ្ជូនត្រឡប់មកកាន់ពួកគេវិញជាដោះដូរនោះដែរ។</span></p>
<p><a class="thickbox" title="" href="/FileManager/Commons/2017/5/17/3-17-05-2017--15-44-39.png"><img src="/FileManager/Articles/mce/2017/5/17/3-17-05-2017--15-44-39.png" alt="" /></a></p>
<p><span style="color: #000000;">ផ្ទុយទៅវិញ អ្វីដែលគប្បីធ្វើគឺត្រូវ Restore ឯកសារទាំងអស់ ពីការ Back-up មកវិញ។ ប្រសិនបើវិធីនេះ មិនបានផលទេ វាអាចមានឧបករណ៍មួយចំនួន ដែលអាចឌិគ្រីប និងស្រោចស្រង់ទិន្នន័យមួយចំនួនមកវិញបាន។</span></p>
<p><span style="color: #000000;">គួរបញ្ជាក់ផងដែរថា កម្មវិធី Ransomware តែងតែតម្រូវឱ្យអ្នកប្រើប្រាស់កុំព្យូទ័រ បង់ប្រាក់ពី ៤០០ ផោន ដល់ ១,៣៧៥ ផោន ប៉ុន្ដែក៏អាចតម្រូវឱ្យបង់ជាប្រាក់ដុល្លារផងដែរ ប៉ុន្ដែត្រូវធ្វើឡើងតាមរយៈប្រព័ន្ធ Bitcoin។ ប្រព័ន្ធរូបិយប័ណ្ណឌីជីថលនេះ មានការពេញនិយមប្រើប្រាស់ ដោយឧក្រិដ្ឋជនតាមប្រព័ន្ធអ៊ីនធឺណិត ពីព្រោះវាមិនមានច្បាប់គ្រប់គ្រងត្រឹមត្រូវ និងមិនអាចតាមដានបាន៕</span></p>
<p><span style="color: #000000;"><br /><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2017/5/17/mkn-17-05-2017--15-45-00.png" alt="" /></a><br /></span></p>
<p style="text-align: right;"><span style="font-size: 12px; text-align: right; color: #000000;">ប្រែសម្រួល ៖ សារ៉ាត</span></p>
<p style="text-align: right;"><span style="color: #000000;">ប្រភព ៖ Telegraph</span></p>