<p><span style="color: #000000;"><strong>(ភ្នំពេញ)៖</strong> ក្រសួងការងារ និងបណ្តុះបណ្តាលវិជ្ជាជីវៈ បានចេញមកបញ្ជាក់ថា ឧប្បត្តិហេតុគ្រោះថ្នាក់ចរាចររថយន្តដឹកកម្មករបុក គ្នានៅស្រុកសំរោងទង ខេត្តកំពង់ស្ពឺនាព្រឹកមិញនេះ អ្នកស្លាប់បានកើនឡើងដល់ ៥នាក់ ខណៈអ្នករងរបួសមានចំនួន ៦៨នាក់។</span></p>
<p><span style="color: #000000;">នៅម៉ោងប្រមាណ ៦៖៣០នាទីព្រឹកថ្ងៃទី១២ ខែមករា ឆ្នាំ២០១៦នេះ រថយន្តដឹកកម្មករ-កម្មការិនី ពីរគ្រឿងបានបុកគ្នានៅលើផ្លូវ ជាតិលេខ៤១ ក្នុងភូមិជ្រៃត្រកួន ឃុំរកាកោះ ស្រុកគងពិសី ជាប់ព្រំប្រទល់នឹងស្រុកសំរោងទង។</span></p>
<p><span style="color: #000000;">គ្រោះថ្នាក់នេះ បណ្តាលឲ្យកម្មករ២នាក់ បានស្លាប់ភ្លាមៗ នៅកន្លែងកើតហេតុ និងម្នាក់ស្លាប់ពេលដឹកបញ្ជូនទៅសង្រ្គោះ តែរហូមកដល់ម៉ោង ១១ព្រឹកនេះ អ្នកស្លាប់បានកើនដល់ ៥នាក់ហើយ ខណៈអ្នករងរបួសមានចំនួន ៦៨នាក់។ នេះបើតាមការបញ្ជាក់របស់ក្រសួងការងារ។</span></p>
<p><span style="color: #000000;">នៅក្នុងលិខិតនេះ ក្រសួងការងារ បានចូលរួមរំលែកនូវសេចក្តីទុក្ខក្រៀមក្រំ ក្តុកក្តួល សោកស្តាយ អាឡោះអាល័យ ជាទីបំផុតជា មួយក្រុមគ្រួសារ និងញាតិមិត្តទាំងអស់របស់ជនរងគ្រោះ ហើយ បង សួងដល់វិញ្ញាណក្ខន្ធកម្មករ-កម្មការិនី ដែលទទួលបានមរណ ភាព បានសោយសុខក្នុងសគតិភពកុំបីឃ្លៀងឃ្លាត និងជូនពរឲ្យរងរបួសបានជាសះស្បើយ។</span></p>
<p><span style="color: #000000;">កម្មករ-កម្មការិនី ដែលជួបគ្រោះថ្នាក់នេះ បម្រើការនៅរោងចក្រ NOUW CORP ជាសមាជិកបេឡាជាតិរបបសន្តិសុខសង្គម (ប. ស.ស) ហើយជាគ្រោះថ្នាក់ការងារ រាល់ការព្យាបាលរហូតដល់ជាសះស្បើយជាបន្ទុករបស់ ប.ស.ស ។ អ្នកស្លាប់ ប.ស.ស ផ្តល់ ៤លានរៀលសម្រាប់ចាត់ចែងពិធីបុណ្យសព និងមានផ្តល់បន្ថែមទៀតនូវរបបឧបត្ថម្ភក្រុមគ្រួសារ ប្តី ប្រពន្ធ កូន ជនចាស់ជរា ឪពុក ម្តាយ ជីដូន ជីតា ជាដើម។</span></p>
<p><span style="color: #000000;">លោក ជាវ ប៊ុនរិទ្ធ បានឱ្យដឹងថា ខណៈពេលនេះក្រុមការងារប.ស.ស មួយចំនួនកំពុងនាំយកថវិការំលែកទុក្ខក៏ដូចជាថវិកាចាត់ ចែងបុណ្យសព ជូនដល់គ្រួសារសពកម្មករដល់ផ្ទះរបស់ពួកគេ។</span></p>
<p><span style="color: #000000;">ជនរងគ្រោះដែលស្លាប់បាត់បង់ជីវិត ត្រូវបាន ប.ស.ស បង្ហាញអត្តសញ្ញាណ ៤នាក់ហើយ ទី១- ឈ្មោះ ស៊ីម ខុម ភេទស្រី អាយុ ៣៣ឆ្នាំ រស់ភូមបឹងព័ទ្ធ ឃុំស្តុក ស្រុកគងពិសី, ទី២-ឈ្មោះ ណុប លីម ភេទស្រី អាយុ៣៩ឆ្នាំ រស់នៅភូមិបឹងព័ទ្ធ ឃុំស្តុក ស្រុក គងពិសី , ទី៣-ឈ្មោះ ស្រីប៉ិច រស់នៅភូមិភ្នៅ ឃុំព្រៃញាតិ ស្រុកគងពិសី និងទី៤-ឈ្មោះ អ៊ីវ សុខមុំ អាយុ ៣៧ឆ្នាំ រស់នៅភូមិព្រះ ម្លប់ ឃុំភារីមានជ័យ ស្រុកបរសេដ្ឋ៕</span></p>
<p><a class="thickbox" title="" href="/FileManager/Commons/2016/1/12/1111-12-01-2016--13-11-26.jpg"><img src="/FileManager/Articles/mce/2016/1/12/1111-12-01-2016--13-11-26.jpg" alt="" /></a></p>
<p><a class="thickbox" title="" href="/FileManager/Commons/2016/1/12/1-12-2016-8-25-29-am-12-01-2016--13-11-36.png"><img src="/FileManager/Articles/mce/2016/1/12/1-12-2016-8-25-29-am-12-01-2016--13-11-36.png" alt="" /></a></p>
<p><a class="thickbox" title="" href="/FileManager/Commons/2016/1/12/1-12-2016-8-25-43-am-12-01-2016--13-11-48.png"><img src="/FileManager/Articles/mce/2016/1/12/1-12-2016-8-25-43-am-12-01-2016--13-11-48.png" alt="" /></a></p>
<div id="fb-root"></div>
<script type="text/javascript">// <![CDATA[
(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = "//connect.facebook.net/en_US/sdk.js#xfbml=1&version=v2.3"; fjs.parentNode.insertBefore(js, fjs);}(document, 'script', 'facebook-jssdk'));
// ]]></script>
<div class="fb-video" data-allowfullscreen="1" data-href="/214423065556870/videos/vb.214423065556870/216843135314863/?type=3">
<div class="fb-xfbml-parse-ignore">
<blockquote><a href="https://www.facebook.com/214423065556870/videos/216843135314863/"></a>
<p>គ្រោះថ្នាក់ចរាចរនៅកំពង់ស្ពឺ</p>
Posted by <a href="https://www.facebook.com/Sheet-214423065556870/">Sheet</a> on Monday, January 11, 2016</blockquote>
</div>
</div>
<p style="text-align: right;"><span>ផ្ដល់សិទ្ធដោយ៖ ហ្រេ្វសញ៉ូវអាស៊ី</span></p>