<p><span style="color: #000000;"><strong>ភ្នំពេញ៖</strong> ព្រោះតែជាតិអាល់កុលពង្វក់គ្រប់គ្រងស្វារតីលែងបាន បុរស រួមនិងនារីស្រស់ស្អាតម្នាក់ បានបើករថយន្ត Lexus LX570 របស់ខ្លួនទៅកៀររថយន្ត Toyota Prius ហើយព្យាយាមបើករត់ តែត្រូវបានភាគីម្ចាស់រថយន្ត Prius រួមនិងមិត្តភក្តិ ប្រដេញតាមស្ទាក់ជាប់។ ទីបំផុតម្ចាស់រថយន្តបង្កហេតុយល់ព្រមប្រគល់ថវិកា ៤០០ដុល្លារ ជាសំណង ដើម្បីបញ្ចប់រឿង។</span></p>
<p><span style="color: #000000;">មន្រ្តីនគរបាល បានឲ្យដឹងថា ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីម៉ោង ១២ និង៤០នាទី យប់ឈានចូលថ្ងៃទី១៤ ខែកញ្ញា ឆ្នាំ២០១៥ ស្ថិតលើផ្លូវលេខ២១៥ ក្នុងសង្កាត់វាលវង់ ខណ្ឌ៧មករា។</span></p>
<p><span style="color: #000000;">បើតាមមន្រ្តីនគរបាល បានឲ្យដឹងថា នៅមុនពេលកើតហេតុ បុរសម្នាក់ រួមនិងនារីស្រស់ស្អាតម្នាក់ ជិះរថយន្ត Lexus LX570 ពាក់ស្លាកលេខ ភ្នំពេញ 2V-0555 ជាមួយអាការៈស្រវឹង។ លុះដល់កន្លែងកើតហេតុ បានកៀររថ យន្ត Toyota Prius ពណ៌ទឹកប្រាក់ គ្មានស្លាកលេខ មួយគ្រឿងក្នុងទិសដៅស្របគ្នា បណ្តាលឲ្យខូចខាតទ្វារ ផ្នែក ខាងឆ្វេង នៃរថយន្តមួយចំហៀង។</span></p>
<p><span style="color: #000000;">ក្រោយបង្កហេតុគ្រោះថ្នាក់ហើយ ម្ចាស់រថយន្ត Lexus LX570 មិនបានឈប់ដោះស្រាយគ្នាទេ បែរជាព្យាយាម បើករត់។ ឃើញរថយន្តបង្កបើករត់ ភាគីខាងរថយន្ត Toyota Prius បានបើកដេញ តែដេញមិនទាន់បានទូរស័ព្ទ ហៅមិត្តភិក្តយករថយន្តមកជួយដេញ ៤គ្រឿងទៀត ដេញស្ទើរតែជុំវិញក្រុងភ្នំពេញ ទីបំផុតរថយន្ត ដែលបើករត់ នោះ ត្រូវដេញចាប់បានមកវិញ នៅជិតកន្លែងបង្កតែម្តង។ ក្រោយពីដេញចាប់បានខាងរថយន្ត Lexus ព្រមសង សំណងដល់ខាងរថយន្តរងគ្រោះ ចំនួន ៤០០ដុល្លារ ដើម្បីបញ្ចប់រឿង៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/14/9-14-2015-10-18-10-am-14-09-2015--10-25-24.png"><span style="color: #000000;"><img src="/FileManager/Articles/mce/2015/9/14/9-14-2015-10-18-10-am-14-09-2015--10-25-24.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/9/14/9-14-2015-10-18-32-am-14-09-2015--10-25-38.png"><span style="color: #000000;"><img src="/FileManager/Articles/mce/2015/9/14/9-14-2015-10-18-32-am-14-09-2015--10-25-38.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/9/14/9-14-2015-10-18-48-am-14-09-2015--10-25-48.png"><span style="color: #000000;"><img src="/FileManager/Articles/mce/2015/9/14/9-14-2015-10-18-48-am-14-09-2015--10-25-48.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>