<p>ក្រុមអ្នកស្រាវជ្រាវអំពី UFO (ឧបករណ៍ ឬថាសហោះ ដែលមិនស្គាល់អត្តសញ្ញាណ) នៅឯតំបន់<br />Winnipeg ប្រទេសកាណាដា បានធ្វើការវិភាគទៅលើ ការ “មើលឃើញ UFO” ចំនួន ១៤.៦១៧<br /> ករណី នៅកាណាដា ក្នុងរយៈពេល ២៥ឆ្នាំកន្លង។ លទ្ធផលបង្ហាញថា UFO តែងបង្ហាញខ្លួន នៅ<br />វេលាម៉ោង ២២ និងពាក់កណ្ដាលអធ្រាត្រ ដែលភាគច្រើន នៅក្នុងខែកក្កដា និងខែសីហា រៀង<br />រាល់ឆ្នាំ។</p>
<p style="text-align: center;"><a class="thickbox" title="" href="/FileManager/Commons/2014/8/19/ufo6-19-08-2014--13-30-17.jpg"><img src="/FileManager/Articles/mce/2014/8/19/ufo6-19-08-2014--13-30-17.jpg" alt="" /></a></p>
<p>ក្នុងចំណោម ១៤.៦១៧ ករណី គឺមានដល់ទៅ ៣% (ប្រហែល ៤៦៧ករណី) ត្រូវបានគេរាយ<br />ការណ៍ថា បានជួបមនុស្សមកពីភពក្រៅ ជាងនេះ ក៏មានរបាយការណ៍ខ្លះថា ត្រូវមនុស្សភពក្រៅ<br />លួចមើល និងប្រុងចាប់យកទៅជាដើម។</p>
<p>បណ្ដាទីក្រុង ដែលត្រូវបានចាត់ទុកថា ជា “កន្លែងក្ដៅ” ដោយមាន UFO បង្ហាញខ្លួនច្រើនជាង<br />គេបំផុត គឺទីក្រុង Toronto, Winnipeg, Vancouver និង Calgary។ អ្នកស្រាវជ្រាវ Chris Rutkowski <br />បានឱ្យដឹងថា ក្រុមស្រាវជ្រាវ Ufology Research នៅWinnipeg ថ្វីបើមិនទាន់ភ័ស្ដុតាងគ្រប់គ្រាន់ ដើម្បីបញ្ជាក់អំពីវត្តមានរបស់មនុស្សភពក្រៅ ដែលបានមកកាន់ផែនដី ប៉ុន្ដែ ការងារដែលក្រុម<br />នេះបានវិភាគ ក៏មានសំនួរជាច្រើន ត្រូវបានលើកឡើង។</p>
<p style="text-align: center;"><a class="thickbox" title="" href="/FileManager/Commons/2014/8/19/ufo7-19-08-2014--13-33-24.jpg"><img src="/FileManager/Articles/mce/2014/8/19/ufo7-19-08-2014--13-33-24.jpg" alt="" /></a></p>
<p style="text-align: center;">មានអ្នកខ្លះ អះអាងថា ខ្លួនធ្លាប់បានឃើញ មនុស្សភពក្រៅ</p>
<p style="text-align: center;"> </p>
<p>Chris Rutkowski ថ្លែងនៅលើទំព័រ Cbc ថា ៖ “នោះគឺជាបាតុភូមិដែលមានពិត វាគឺជាប្រការដែល<br />នាំឱ្យមនុស្សជាច្រើន រាយការណ៍ថា បានឃើញមនុស្សភពក្រៅ។ ខ្ញុំជឿថា អ្នកវិទ្យាសាស្ដ្រ គួរ<br />តែស្វែងយល់ឱ្យបានច្បាស់ជាងបច្ចុប្បន្ន ទៅលើអ្វីដែលបាន និងកំពុងកើតឡើង ព្រោះថា ទិន្ន<br />ន័យទាំងនេះ បង្ហាញថា បាតុភូតទាំងនោះ មិនមែនជាប្រការដែលស្ថិតនៅក្រៅផ្នែកវិទ្យាសាស្ដ្រ<br />នោះទេ”។</p>
<p>ក្រុមអ្នកស្រាវជ្រាវបានជ្រើសរើសយកព្រឹត្តិការណ៍ចំនួន ១០ ដែលត្រូវបានគេឃើញថា មាន<br />មនុស្សលោកបានជួបនឹងមនុស្សភពក្រៅ ៖ ឆ្នាំ ១៩៨៩ មនុស្សមួយចំនួន នៅកសិដ្ឋាន ជាយក្រុង<br /> Montreal បានរាយការណ៍ថា ពួកគេបានឃើញពន្លឺធំមួយ និងសម្លេងលាន់ឮខ្លាំង ព្រមទាំងមាន<br />រាងរង្វង់មូល ពណ៌បៃតង នៅលើវាលស្រែ។ ពន្លឺពណ៌បៃតង់នេះ បានធ្វើឱ្យស្មៅនៅក្បែរៗនោះ <br />បែរជាមានពណ៌ផ្សេង និងងាប់។</p>
<p style="text-align: center;"><a class="thickbox" title="" href="/FileManager/Commons/2014/8/19/ufo5-19-08-2014--13-25-44.jpg"><img src="/FileManager/Articles/mce/2014/8/19/ufo5-19-08-2014--13-25-44.jpg" alt="" /></a></p>
<p style="text-align: center;">ពន្លឺជារង្វង់មូលនៅលើអាកាស ក្នុងរូបភាពនេះ ត្រូវគេជឿថា ជា UFO</p>
<p style="text-align: center;"> </p>
<p>ឆ្នាំ ១៩៩២ គ្រូពេទ្យម្នាក់ នៅតំបន់ Winnipeg អះអាងថា ខ្លួនបានឃើញសត្វ ២ តូចៗ ដូចទៅនឹង<br />មនុស្សភពក្រៅ ខណៈនាងកំពុងធ្វើដំណើរត្រឡប់មកពីធ្វើ។ មុននេះ ក្នុងឆ្នាំ ១៩១៥ ការឈ្លាន<br />ពានបែបស្រមោលមួយ នៃ UFO ក៏ត្រូវបានគេយល់ថា អាចនឹងកើតឡើង បណ្ដាលឱ្យប្រជាជន<br />ទូទាំងតំបន់ Parliament Hill ត្រូវបិទភ្លើងទាំងអស់ ជៀសវៀងការប្រមាញ់ពី UFO ។ ឆ្នាំ ១៩៧៧<br /> ស្ដ្រីម្នាក់ នៅ Montreal ក៏ជឿថា ខ្លួនបានឃើញថាសហោះមួយគ្រឿង ហោះពីលើដំបូលផ្ទះអ្នក<br />ជិតខាង ក្នុងនោះ មានសត្វចម្លែកចំនួន ២ ស្ថិតក្នុងសម្លៀកបំពាក់រឹងរាង។ល។</p>
<p style="text-align: center;"><a class="thickbox" title="" href="/FileManager/Commons/2014/8/19/ufo8-19-08-2014--13-50-26.jpg"><img src="/FileManager/Articles/mce/2014/8/19/ufo8-19-08-2014--13-50-26.jpg" alt="" /></a></p>
<p style="text-align: center;">អ្នកខ្លះ ជឿថា UFO គ្រាន់តែជាស្នាដៃរបស់មនុស្ស ព្រោះថា យន្ដហោះមួយចំនួន ក៏មានរាងចម្លែក<br />ស្រដៀង UFO ផងដែរ</p>
<p><br />UFO របស់មនុស្សភពក្រៅ គឺជាបាតុភូតចម្លែកមួយ ដែលមកទល់នឹងពេលនេះ មានមនុស្សជា<br />ច្រើនជឿថា វាពិតជាមានមនុស្សភពក្រៅពិតប្រាកដ។ ក្រុមអ្នកវិទ្យាសាស្ដ្រជាច្រើន ក៏កំពុងតែ<br />ស្វែងរកជីវិតនៅភពផ្សេងៗ ក្រៅពីផែនដី ដូច្នេះ អំឡុងពេលដែលមិនទាន់មានការបញ្ជាក់ ទទួល<br />ស្គាល់ពីអ្នកវិទ្យាសាស្ដ្រ គេឃើញថា មានព័ត៌មានជាច្រើន ទាក់ទិននឹង UFO ត្រូវបានគេចុះផ្សាយ<br /> ធ្វើឱ្យមហាជន មានការភ្ញាក់ផ្អើល៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ CBC/<span class="irc_dsh"><span class="irc_hl irc_hol"><span class="irc_ho" dir="ltr">Metronews</span></span></span><br /><br /></p>