<p><strong>ភ្នំពេញ ៖</strong> ជនសង្ស័យជាជនជាតិវៀត ណាមម្នាក់ ត្រូវបានជនរងគ្រោះជាម្ចាស់តូប លក់មាស<br /> នៅក្នុងផ្សារចាស់ រួមទាំងអាជីវករ ផ្សេងទៀតនិងប្រជាពលរដ្ឋនៅកន្លែងកើត ហេតុ បានដេញ<br />ចាប់ប្រគល់ឱ្យសមត្ថកិច្ច បន្ទាប់ ពីជននេះ បានធ្វើសកម្មភាពបន្លំយកគ្រឿង អលង្កាក្រឡៃ ទៅ<br />ដូរយកគ្រឿងអលង្កាសុទ្ធ ប៉ុន្ដែត្រូវម្ចាស់តូបដឹងទាន់ ។</p>
<p>ហេតុការណ៍បង្កឱ្យមានការភ្ញាក់ផ្អើល បន្ទាប់ពីមានមនុស្សម្នាជាច្រើននាក់ នៅក្នុង ផ្សារចាប់<br />ឃាត់ខ្លួនបុរសជនជាតិវៀតណាម ខាងលើនេះ បានកើតឡើងកាលពីវេលាម៉ោង ១៥និង៣០<br />នាទីរសៀលថ្ងៃទី២២ ខែមករា ឆ្នាំ២០១៣ ស្ថិតនៅម្ដុំផ្សារចាស់ ក្នុងសង្កាត់ ផ្សារចាស់ ខណ្ឌ<br />ដូនពេញ ។</p>
<p>យោងតាមប្រភពព័ត៌មានពីសមត្ថកិច្ចមូល ដ្ឋាន ដែលទទួលជនសង្ស័យពីជនរងគ្រោះ បានឱ្យ<br />ដឹងថា មុនពេលកើតហេតុជនសង្ស័យ ឈ្មោះវៀត រឹងធា ភេទស្រី អាយុ២៦ឆ្នាំ ជន ជាតិវៀត<br />ណាម បានចូលទៅសួររកទិញ គ្រឿងអលង្កានៅតូបលេខ៥ ក្នុងផ្សារចាស់ ដោយនាំយកប្លាទីន<br />កាឡៃ ក្នុងគោលបំណង បន្លំយកគ្រឿងអលង្កាសុទ្ធ ។</p>
<p>សមត្ថកិច្ចបានបន្ដថា នៅពេលដែលចូល ទៅរកទិញគ្រឿងអលង្កានៅតូបជនរងគ្រោះ ឈ្មោះ<br />ស៊ិន ធី ភេទស្រី អាយុ៤១ឆ្នាំ ជន សង្ស័យបានសួរនាំជាច្រើន ដោយឱ្យជនរង គ្រោះយកខ្សែក<br />មកឱ្យខ្លួនមើល ។ ពេលនោះ ជនសង្ស័យ បានធ្វើជាន៉ិយាយថា ខ្សែកនេះ ដែលមានទម្ងន់មួយ<br />ជីកន្លះ មិនត្រូវទេ សុំឱ្យ ជនរងគ្រោះយកអាផ្សេង ។ ខណៈដែលជន រងគ្រោះ កំពុងអោនយក<br />ខ្សែកផ្សេងស្រាប់ តែជនសង្ស័យបានយកខ្សែកបា្លទីនដាក់ចូល ក្នុងមាត់ ហើយបានទាញយក<br />ខ្សែកកាឡៃ ទម្ងន់២ជី ទៅឱ្យជនរងគ្រោះ ។</p>
<p>បើតាមសមត្ថកិច្ចនៅពេលប្រគល់ខ្សែក កាឡៃទៅឱ្យជនរងគ្រោះ ស្រាប់តែមានការ ប្រកែកតឹង<br />សសៃក ដោយហេតុថា ស្ដ្រីម្ចាស់ តូបលក់គ្រឿងអលង្កា បានដឹងថា ជនសង្ស័យ បន្លំយកខ្សែក<br />បា្លទីនពិតប្រាកដរបស់ខ្លួន ហើយ ដូរជារបស់កាឡៃមកឱ្យខ្លួនវិញ ។</p>
<p>ក្រោយពីការជជែកគ្នាតឹងសសៃកហើយ នោះ ស្រាប់តែខ្សែកបា្លទីន បានធ្លាក់ចេញពី មាត់ជន<br />សង្ស័យ ធ្វើឱ្យមានការភ្ញាក់ផ្អើល ហើយពេលនោះជនសង្ស័យ បានរត់ចេញពី តូប ប៉ុន្ដែជនរង<br />គ្រោះនិងអាជីវករផ្សេងទៀត ដេញតាមចាប់ប្រផាប់ប្រភីង ប្រគល់ឱ្យសមត្ថ កិច្ចតែម្ដង ។</p>
<p>បច្ចុប្បន្នស្ដ្រីជនជាតិវៀតណាមរូបនេះ ត្រូវបានឃុំខ្លួនជាបណ្ដោះអាសន្ន នៅអធិការ ដ្ឋាននគរ<br />បាលខណ្ឌដូនពេញ ដើម្បីកសាង សំណុំរឿង បញ្ជូនទៅតុលាការចាត់ការតាម ផ្លូវច្បាប់៕</p>
<p><a class="thickbox" title="" href="/FileManager/Commons/2013/1/23/hong-01840-23-01-2013--14-24-00.jpg"><img src="/FileManager/Articles/mce/2013/1/23/hong-01840-23-01-2013--14-24-00.jpg" alt="" /></a></p>
<p><a class="thickbox" title="" href="/FileManager/Commons/2013/1/23/hong-01841-23-01-2013--14-24-14.jpg"><img src="/FileManager/Articles/mce/2013/1/23/hong-01841-23-01-2013--14-24-14.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>