<p><strong>កណ្តាល ៖</strong> យុវជនឈាមរាវ ចំនួន២នាក់ បានស្លាប់ភ្លាមៗ នៅកន្លែងកើតហេតុ ខណៈពួកគេ<br /> បានបើកម៉ូតូឌុបគ្នាក្នុងល្បឿន យ៉ាងលឿន ហើយបញ្ច្រាសទិសផ្លូវ ក៏ជ្រុលទៅបុករថយន្ត ហ៊ី<br />យ៉ាន់ដាយ បណ្តាលឲ្យដួលបោកក្បាល ស្លាប់តែម្តង។</p>
<p>គ្រោះថ្នាក់ចរាចរណ៍ ដែលបានកើតឡើង ដោយខ្លួនឯង ដោយសារតែមិនគោរពច្បាប់ចរាចរណ៍<br /> ខាងលើនេះ បានកើតឡើង កាលពីវេលាម៉ោង ៨៖៣០នាទី យប់ថ្ងៃទី១២ ខែមិថុនា ឆ្នាំ២០១៣<br />ស្ថិតនៅតាមផ្លូវជាតិ លេខ២ មុខផ្សារតាខ្មៅថ្មី សង្កាត់ដើមមាន ក្រុងតាខ្មៅ ខេត្តកណ្តាល ។</p>
<p>សេចក្តីរាយការណ៍ ពីសាក្សី បានឲ្យដឹងថា មុនពេលកើតហេតុ ជនរងគ្រោះ ជាក្មេងស្ទាវ បានបើក<br />ម៉ូតូម៉ាកវី តាមបណ្តាយ ផ្លូវជាតិលេខ២ ក្នុងល្បឿនយ៉ាងលឿន ដោយបើកបញ្ច្រាសទិស ស្រាប់<br />តែដល់ ចំណុចកើតហេតុ ក៏ជ្រុលទៅបុករថយន្ត ម៉ាក ហ៊ីយ៉ាន់ដាយ មួយគ្រឿង ដែលធ្វើដំណើរ<br />តាម ស្តាំដៃរបស់គេ បណ្តាលឲ្យជនរងគ្រោះ ទាំងពីរនាក់ដួលម៉ូតូ បោកក្បាល ស្លាប់តែម្តងទៅ។</p>
<p>យ៉ាងណាក៏ដោយ ជនរងគ្រោះទាំងពីរនាក់ មិនទាន់ត្រូវបាន ស្គាល់អត្តសញ្ញាណ នៅឡើយទេ។<br /> ក្រោយកើតហេតុ សមត្ថកិច្ច បានចុះទៅពិនិត្យ និងយកម៉ូតូ របស់ជនរងគ្រោះ និងរថយន្តទៅ<br />រក្សាទុក ដើម្បីរង់ចាំការ ដោះស្រាយបន្តទៀត៕</p>
<p><img src="http://111.92.240.170:81//dap-news/dap-images/2013/June/id-007/Pheak-0090.jpg" alt="Photo by DAP-NEWS" width="500" /></p>
<p><img src="http://111.92.240.170:81//dap-news/dap-images/2013/June/id-007/Pheak-0091.jpg" alt="Photo by DAP-NEWS" width="500" /></p>
<p><img src="http://111.92.240.170:81//dap-news/dap-images/2013/June/id-007/Pheak-0092.jpg" alt="Photo by DAP-NEWS" width="500" /></p>
<p><img src="http://111.92.240.170:81//dap-news/dap-images/2013/June/id-007/Pheak-0093.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>