<p>ការកំចាត់ចោលនូវកំណកកំបោរលើធ្មេញ មិនមែនជារឿងងាយស្រួល ម្យ៉ាងទៀត វាទាមទារឱ្យ<br />មានជំនួយពីអ្នកឯកទេស។ ទន្តពេទ្យអាចនឹងប្រើប្រាស់ឧបករណ៍ផ្សេងៗគ្នា ដើម្បីកំចាត់កំណក<br />កំបោរ ហើយវិធីនេះ ក៏ទាមទារឱ្យមានការអំណត់ និងទ្រឈឺចាប់ ប្រសិនកំណកកំបោរ មានសភាព<br />ក្រាស់ និងប៉ះពាល់ដល់អញ្ចាញ។</p>
<p><strong>កំណកកំបោរគឺជាអ្វី ?</strong></p>
<p>កំណកកំបោរ គឺជាស្រទាប់ពណ៌លឿងត្នោត រឹង ដែលតោងជាប់នៅលើធ្មេញ។ វាមានផ្ទុកសារ<br />ជាតិរ៉ែរឹងរបស់ទឹកមាត់ បណ្ដាកំទេចកំទីរបស់វីរូស ជាដើម ដែលយូរៗទៅវានឹងឡើងរឹង។ ស្រទាប់<br />របស់កំណកកំបោរ ត្រូវបានកើតឡើង ដោយការកកជាបន្តបន្ទាប់នៃបណ្ដាសារជាតិរ៉ែពីពីទឹក នៅ<br />ពេលកំណកកំបោរ ស្ថិតនៅជាប់លើធ្មេញ ក្នុងរយៈពេលយូរ វានឹងនាំឱ្យខ្យល់ដង្ហើមមានក្លិនមិន<br />ល្អ ហើយវានឹងប្រែទៅជាពណ៌លឿង និងត្នោត។</p>
<p style="text-align: center;"><a class="thickbox" title="" href="/FileManager/Commons/2014/11/29/teeth-flossjpgdgag-29-11-2014--15-18-11.jpg"><img src="/FileManager/Articles/mce/2014/11/29/teeth-flossjpgdgag-29-11-2014--15-18-11.jpg" alt="" /></a></p>
<p>វិធីល្អបំផុត គឺការទប់ស្កាត់កំណកកំបោរ ដោយការសម្អាត និងថែទាំធ្មេញ និងប្រើសូត្រដុសធ្មេញ<br /> ប្រកបដោយការប្រុងប្រយ័ត្ន និងញឹកញាប់។ ខាងក្រោមនេះ គឺជាបណ្ដាវិធី ជួយកំចាត់ និងទប់<br />ស្កាត់កំណកកំបោរ ដ៏មានប្រសិទ្ធភាព ៖</p>
<p><strong>ដុសធ្មេញត្រូវរបៀប ៖</strong></p>
<p>ការដុសធ្មេញឱ្យបានត្រឹមត្រូវ ក្រោយពីទទួលទានអាហារ គឺអាចទប់ស្កាត់ការកកើតនៃកំណក<br />កំបោរ។ ចូរប្រើប្រាស់ច្រាស់ដុសធ្មេញដែលមានសរសៃទន់ និងដុសឱ្យបានសទ្វកន្លែងនៅលើ<br />ធ្មេញ។ </p>
<p><strong>ប្រើថ្នាំដុសធ្មេញដែលមានផ្ទុក fluoride ៖</strong></p>
<p>ប្រើថ្នាំដុសធ្មេញដែលមានផ្ទុកហ្វ្លរ៉ាយ (fluoride) អាចជួយបង្កើនកម្រិត ហ្វ្លរ៉ាយ ក្នុងធ្មេញ ក្នុងនោះ<br />វាក៏ជួយកែលំអ និងទប់ស្កាត់ជម្ងឺដង្កូវស៊ីធ្មេញ។ ហ្វ្លរ៉ាយ ជួយឱ្យធ្មេញមាំមួនជាងមុន និងមិនងាយ<br />ត្រូវរងផលអាក្រក់ពីអាហារ និងភេសជ្ជៈដែលបង្កើតអាស៊ីត។ ប្រើថ្នាំដុសធ្មេញដែលមានផ្ទុកហ្វ្ល<br />រ៉ាយ ក៏ជួយការពារធ្មេញពីបាក់តេរីអាក្រក់ ដែលត្រូវបង្កើតឡើងដោយកំណកកំបោរ។</p>
<p><strong>ប្រើថ្នាំដុសធ្មេញដែលមានសារធាតុគ្រប់គ្រងកំណកកំបោរ ៖</strong></p>
<p>ថ្នាំប្រភេទនេះ មានប្រយោជន៍ច្រើន ដល់ការបំបាត់នូវសំណល់អាហារ និងកំណកកំបោរ។ ថ្នាំ<br />នេះ មានផ្ទុកសមាសធាតុសំខាន់ៗ ដូចជា ប៉ៃរ៉ូហ្វូសហ្វេត ស័ង្កសី ស៊ីត្រេត ហ្វ្លរ៉ាយ។ល។ សារ<br />ធាតុទាំងនេះ ជួយការពារមិនឱ្យមានកំទេសអាហារតោងជាប់នឹងធ្មេញ និងការពារការកកើតនៃ<br />កំណកកំបោរ។</p>
<p><strong>ដុសធ្មេញនឹងម្សៅ Baking Soda ៖</strong></p>
<p>ចូរលាយបញ្ចូលគ្នា រវាងម្សៅដុតនំ បេកឃិងសូដា មួយស្លាបព្រា និងអំបិលបន្ដិច។ បន្សើមច្រាស់<br />ដុសធ្មេញ រួចយកវាទៅជ្រលក់នឹងល្បាយម្សៅដុតនំ ហើយចាប់ផ្ដើមដុសធ្មេញ បន្ទាប់មកខ្ពុរមាត់<br />ឱ្យបានស្អាត។ ធ្វើបែបនេះ នឹងជួយការពារបញ្ហាកើតកំណកកំបោរ និងធ្វើឱ្យធ្មេញបាន ស ។</p>
<p><strong>ប្រើប្រាស់សម្បកក្រូចពោធិ៍សាត់ ៖</strong></p>
<p>វិធីមួយទៀតដែលអាចប្រើប្រាស់នៅផ្ទះ ដើម្បីកំចាត់កំណកកំបោរ នោះគឺ ការដុសធ្មេញដោយ<br />សម្បកក្រូចពោធិ៍សាត់ ហើយទុកឆ្លងរាត្រីដោយមិនចាំបាច់ខ្ពុរមាត់។ សម្បកក្រូចពោធិ៍សាត់ ក៏<br />ត្រូវបានគេកិនម៉ត់ ដើម្បីធ្វើជាថ្នាំដុសធ្មេញផងដែរ។ សារជាតិនានាក្នុងសម្បកក្រូចនេះ ជួយ<br />សម្លាប់បាក់តេរីលើធ្មេញ និងធ្វើឱ្យធ្មេញបាន ស។</p>
<p><strong>ទំពារបន្លែ និងផ្លែឈើ ៖</strong></p>
<p>ល្អបំផុត គឺអ្នកគួរតែទំពារផ្លែប៉ោម ការ៉ុត បន្លែភ្លៅកង្កែប កំពីងពួយ។ល។ បន្ទាប់ពីទទួលទាន<br />អាហាររួចបានមួយម៉ោង ចូរទំពារបន្លែ ឬផ្លែឈើទាំងនេះ វានឹងជួយដុសធ្មេញរបស់អ្នកយ៉ាង<br />ស្អាត។ ប្រការនេះ មិនត្រឹមតែជួយសម្អាតកំទេចអាហារ និងការពារកំណកកំបោរប៉ុណ្ណោះទេ តែ<br />ក៏ជាវិធីមួយ ជួយព្យាបាលអញ្ចាញធ្មេញផងដែរ។</p>
<p><strong>ប្រើច្រាស់ដុសធ្មេញអេឡេចត្រូនិច</strong></p>
<p>ច្រាស់ដុសធ្មេញនេះ មានប្រយោជន៍ជាងច្រាស់ដុសធ្មេញធម្មតា។ វាជួយបំបាត់កំណកកំបោរ<br />បានល្អ និងជួយឱ្យធ្មេញបានជ្រះស្អាត និងស រលោង។</p>
<p><strong>ប្រើសូត្រទន្តពេទ្យ ៖ </strong></p>
<p style="text-align: center;"><strong><a class="thickbox" title="" href="/FileManager/Commons/2014/11/29/teethadghldgjogjeg-29-11-2014--15-21-39.jpg"><img src="/FileManager/Articles/mce/2014/11/29/teethadghldgjogjeg-29-11-2014--15-21-39.jpg" alt="" width="452" height="275" /></a><br /></strong></p>
<p>ការប្រើសូត្រទន្តពេទ្យក៏ជាវិធីល្អមួយ ក្នុងការបំបាត់ស្រទាប់អាហារដែលតោងជាប់នៅលើចន្លោះ<br />ធ្មេញ។ ក្រោយពីខ្ពុរមាត់ អ្នកគួរប្រើសូត្រប្រភេទនេះ ដើម្បីរូតចន្លោះធ្មេញ ដើម្បីការពារមិនឱ្យ<br />មានកំណកកំបោរ និងរក្សាអនាម័យមាត់ធ្មេញ។</p>
<p><strong>ប្រើប្រាស់ទឹកខ្ពុរមាត់កំចាត់មេរោគ ៖</strong></p>
<p>ចូរប្រើប្រាស់ទឹកខ្ពុរមាត់ពិសេសមួយស្លាបព្រាបាយ លាយនឹងសារធាត់ hydrogen peroxide ៣%<br /> ចំនួន ៣ស្លាបព្រាបាយ ហើយខ្ពុរមាត់ក្នុងរយៈពេលច្រើនជាងមួយនាទី ដើម្បីបំបាត់សំណល់<br />អាហារ និងបាក់តេរីអាក្រក់។ ចូរធ្វើបែបនេះ ឱ្យបានរៀងរាល់ក្រោយការទទួលទានអាហារ ឬយ៉ាង<br />ហោចឱ្យបានម្ដងក្នុងមួយថ្ងៃ។</p>
<p><strong>ប្រើប្រាស់ឧបករណ៍កៀររបស់ទន្តពេទ្យ ៖</strong></p>
<p>ចូរប្រើកញ្ចក់មូលតូច មានដងវែង ហើយយកឧបករណ៍កៀរធ្មេញនេះ ដើម្បីកៀរ កោស ទៅលើ<br />កំណកកំបោរនៅលើធ្មេញ។ ប៉ុន្ដែ វិធីនេះ ត្រូវតែធ្វើឡើងដោយថ្នមៗ និងកៀរបណ្ដើរ ខ្ពុរមាត់<br />បណ្ដើរ។</p>
<p><strong>ប្រើប្រាស់ផ្លែឈើដែលសម្បូរវីតាមីន C ៖</strong></p>
<p style="text-align: center;"><strong><a class="thickbox" title="" href="/FileManager/Commons/2014/11/29/teth-29-11-2014--15-23-46.jpg"><img src="/FileManager/Articles/mce/2014/11/29/teth-29-11-2014--15-23-46.jpg" alt="" /></a><br /></strong></p>
<p>ចូរលាបម្សៅផ្លែឈើដែលសម្បូរវីតាមីន C ដូចជា ប៉េងប៉ោះ ឬស្ដ្រូបូរី ទៅលើធ្មេញរបស់អ្នក ហើយ<br />ទុកចោលរយៈពេល ៥នាទី ក្រោយមក ខ្ពុរមាត់ដោយទឹកក្ដៅឧណ្ហឧណ្ហ លាយជាមួយ baking <br />soda ។ ប្រការនេះនឹងជួយបំបាត់កំណកកំបោរ និងកំចាត់បាក់តេរីក្នុងមាត់។ ប៉ុន្ដែ ប្រសិនដំណោះ<br />ស្រាយខាងលើ មិនអាចជួយអ្វីបាន ពេលនោះ អ្នកគួរទៅជួបពេទ្យធ្មេញ ដើម្បីទទួលការព្យាបាល៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ humana/sharecare<br /><br /></p>