<p>ភ្នំពេញ៖ ជនសង្ស័យម្នាក់ ដែលមានតណ្ហាក្រាស បានចាប់រំលោភ នារីម្នាក់ មិនបានសម្រេច<br /> ហើយត្រូវបាននារីរងគ្រោះ ប្តឹងនគរបាល ឲ្យចាប់ឃាត់ ខ្លួន កាលពីវេលាម៉ោង ២២និង១៤នាទី<br /> ថៃ្ងទី២៣ ខែធ្នូ ឆ្នាំ២០១២ ស្ថិតនៅព្រៃស្ងាត់ មួយកន្លែងក្នុង ភូមិឆ្មាពួន ឃុំជើងកើប ស្រុកកណ្តាល<br />ស្ទឹង ខេត្តកណ្តាល ។ </p>
<p>សមត្ថកិច្ចនគរបាល បានឲ្យដឹងថា ជនសង្ស័យ ដែលធ្វើសកម្មភាព ប៉ុនប៉ងចាប់រំលោភ ទៅលើនារី<br />ម្នាក់ មិនបានសម្រេច មានខាង លើមាន ឈ្មោះ អ៊ិន-ពន្លឺ ភេទ ប្រុស អាយុ ២៣ ឆ្នាំ មានមុខរបរ<br /> កម្មករសំណង់ ស្នាក់នៅក្នុងភូមិកើតហេតុខាងលើ ។ ចំណែកនារី រងគ្រោះ មាន ឈ្មោះ ឃ.ត.គ.ន<br />អាយុ១៨ឆ្នាំ ស្នាក់នៅភូមិខ្ពបរែង ឃុំខ្ពបរែង ស្រុកតាខ្មៅ ខេត្តកណ្តាល។</p>
<p>តាមការនិយាយរៀបរាប់ របស់នារីរងគ្រោះគឺ មុនពេលកើតហេតុ ជនសង្ស័យខាងលើនេះ បានលួង<br />លោម បបួលជនរងគ្រោះទៅដើរលេងកោះពេជ្រ បន្ទាប់មកជនរងគ្រោះ បានយល់ព្រមទៅជាមួយ<br /> ហើយជនសង្ស័យ បានយកម៉ូតូទៅឌុបនារី រងគ្រោះទៅដើរ លេង កោះពេជ្រ រួចក៏បានវិលត្រឡប់ <br />មកផ្ទះវិញ តាមផ្លូវចំការដូង លុះមកដល់ចំណុច ព្រៃស្ងាត់ ជនសង្ស័យបានធ្វើសកម្មភាព ចាប់ផ្តួលរូប<br />នាង រួចទាញខោសម្រាត ចុះក្រោម តែត្រូវ ជនរងគ្រោះសូមអង្វរ ទើបជនសង្ស័យឈប់ រួចបានឌុប<br />ជនរងគ្រោះ មកដល់ភូមិសាក់សំពៅ ខណ្ឌដង្កោម៉ូតូរបស់ជនសង្ស័យអស់សាំងក៏ឈប់ចាក់សាំងនៅ<br />ពេលនោះជនរងគ្រោះ បាននិយាយប្រាប់អ្នកលក់សាំងឲ្យជួយ ទើបអ្នកលក់សាំងបានទូរស័ព្ទបា្រប់<br />នគរបាលប៉ុស្តិ៍សាកសំពៅ មកនាំខ្លួនជនសង្ស័យយកទៅកាន់ប៉ុស្ត៏រដ្ឋបាល សង្កាត់សាក់សំពៅនិង<br />ធ្វើការបញ្ជូនជនសង្ស័យមកកាន់អធិការរដ្ឋានខណ្ឌដង្កោ ដើម្បីសាកសួរព័ត មាន បន្ថែមទៀត នៅ<br />ចំពោះមុខសមត្ថកិច្ចជនសង្ស័យបានសារភាពថាខ្លួនគេពិតជាបានធ្វើសកម្មភាព ប៉ុនប៉ង ចាប់រំលោភ<br />មិនបានសម្រេច ពិត បា្រកដមែន។</p>
<p>បច្ចុប្បន្នជនសង្ស័យ ត្រូវបាននគរបាល នៃអធិការរដ្ឋានខណ្ឌដង្កោ ធ្វើការឃាត់ខ្លួនជាបណ្តោះអាសន្ន ដើម្បីធ្វើការប្រគល់ទៅឲ្យនគរបាលព្រហ្មទណ្ឌ ស្រុកកណ្តាលស្ទឹង ខេត្តកណ្តាលវិញ។ព្រោះរឿងរ៉ាវ<br />ទាំងនេះបានកើតឡើង នៅខេត្តកណ្តាល និងធ្វើការកសាង សុំណុំរឿងបញ្ជូនខ្លួនជនសង្ស័យទៅ សា<br />លាដំបូងខេត្តកណ្តាល ចាត់វិធានការតាម នីតិវិធីច្បាប់ ៕</p>
<p><a class="thickbox" title="" href="/FileManager/Commons/2012/12/24/hong-0339-24-12-2012--13-50-45.jpg"><img src="/FileManager/Articles/mce/2012/12/24/hong-0339-24-12-2012--13-50-45.jpg" alt="" /></a></p>
<p style="text-align: right;">ផ្តល់សិទ្ធិដោយ៖<a href="http://www.dap-news.com/2011-06-14-02-39-55/54848-2012-12-24-06-10-11.html"><span style="color: #0000ff;"> ដើមអំពិល</span></a></p>