<p><strong>ភ្នំពេញៈ</strong> តារាសម្ដែងរូបសង្ហាអភ័ព្វស្នេហ៍ លោក ព្រីង ច័ន្ទបុត្រ ថ្មីៗនេះហាក់បង្ហាញភាព <br />សង្រេងទុក្ខសោកក្រៀមក្រំ ក្នុងជីវិតឯកជន ជាសាធារណៈ នៅលើបណ្តាញ ទំនាក់ទំនង<br />សង្គម Facebook របស់លោក ក្រោយពីបានបង្ហើប ពីស្នេហាប្រះស្រាំឈាន ដល់ការលែង<br />លះ រវាងលោក និងភរិយា ដែលត្រូវបានគេដឹងថា ជាប្អូនថ្លៃស្រី របស់លោក គន់ គីម នាយ<br />ឧត្តមសេនីយផ្កាយមាសបួន ដ៏មានឥទ្ធិពល ក្នុងជួរកងទ័ពជាតិ ។</p>
<p>តារាសម្ដែង ព្រីង ច័ន្ទបុត្រ ក្រោយពីភ្ជាប់ស្នេហ៍ ឈានដល់បន្លឺសំឡេង ឃ្មោះការយ៉ាង ទ្រហឹង<br />អឺងកង ជាមួយអ្នកមេម៉ាយកូនពីរ ជាប់សែស្រឡាយមន្ត្រីរាជការ មានស័ក្តិយស ក្នុងសង្គមរួម<br />មក ត្រូវបានមិត្តភក្តិ ក៏ដូចជាមហាជនទូទៅ ដែលបានជ្រួតជ្រាបដំណឹងនេះ សម្ដែងអារម្មណ៍<br />សាទរ ត្រេកអរជាពន់ពេកក្រៃ ហើយគិតថា លោកជាមនុស្សមានសំណាង ជាងតារាល្បីៗឯ<br />ទៀត ដែលមានវាសនា មិនដល់លោកឡើយ។ ខណៈដែលភរិយា ថ្វីដ្បិតជាស្រ្តីមេម៉ាយ ចំ<br />ណាយមាត់ ញាតិពិតមែន តែគ្រួសារនេះបានរស់ នៅក្នុងសម្បត្តិ ទ្រព្យស្ដុកស្ដម្ភ មានអំណាច<br />ធំ អ្នកណាៗក៏ កោតក្រែង។</p>
<p>ប៉ុន្តែអ្វីៗត្រូវបានប្រែក្រឡាស់ ក្រឡាប់ចាក់ នៅពេលធ្លាយដំណឹង ដ៏គួរឲ្យព្រឺព្រួចថា តារា<br />សម្ដែង ព្រីង ច័ន្ទបុត្រ កើតជម្លោះ ឈ្លោះទាស់ទែងគ្នា ជាមួយភរិយាការ ពេញច្បាប់ រហូត<br />ដល់ថ្នាក់ លែងលះគ្នា ទាំងពាក់កណ្ដាលទី គួរឲ្យសោកស្ដាយ ដោយបន្សល់ទុកនូវ ស្លាក<br />ស្នាម អនុស្សាវរីយឈឺចាប់ គ្មានថ្ងៃនឹងបរិយាយអ ស់សេចក្ដី នៃជំនួបស្នេហា ខុសវណ្ណៈ<br />មួយនេះ។</p>
<p>អតីតតារាសម្តែង ធ្លាប់មានឈ្មោះបោះសំឡេង តាមរយៈការសម្តែង រឿងជាច្រើន លោក<br /> ព្រីង ច័ន្ទបុត្រ បានបង្ហោះពាក្យពេចន៍ រៀបរាប់ពីទុក្ខសោក ពិបាកចិត្តស្អិតទ្រូង ក្រោយពី<br />រស់នៅ មិនចុះសម្រុងគ្នា ពោរពេញដោយភាពរកាំរកូស ស្ទើរគ្រប់ពេល រហូតដល់ត្រូវឲ្យ<br />លោក និងអតីតភរិយា ដែលគេស្គាល់ច្បាស់ថា ជាប្អូនថ្លៃស្រីរបស់ នាយឧត្តមសេនីយ គន់<br /> គីម ត្រូវដើរដល់ផ្លូវបំបែក បន្ទាប់ពីរៀបការ ទើបតែបានរយៈ ពេលជាង៦ខែ ប៉ុណ្ណោះ។<br />តារាសម្តែង រូបស្រស់សង្ហាមាឌមាំ រាងខ្ពស់ស្រឡះ លោក ព្រីង ច័ន្ទបុត្រ ហាក់ទទួល បាន<br />ជោគជ័យប្លែក ទាំងការងារ និងរឿងបេះដូង ដោយលោកបានស្វែងរក ឃើញនារី ក្នុងក្តីស្រ<br />មៃម្នាក់ជា កូនក្រមុំរបស់លោក ដឹកដៃគ្នាចូលរោងការ កាលពីថ្ងៃទី២០ ខែមករា ឆ្នាំ២០១៣ <br />កន្លងទៅ នៅមជ្ឈមណ្ឌលសន្និបាត និងពិព័រណ៍ កោះពេជ្រ ដោយរំពឹងថា នឹងទទួលបាន<br />សុភមង្គល ជាមួយគ្នា ដល់ចាស់ជរារៀងៗខ្លួន ។<br />ប៉ុន្តែក្តីស្រមៃថា ចង់មានគ្រួសារ មានភាពកក់ក្តៅរស់នៅ ប្រកបដោយសុភមង្គល ហាក់បាន<br />រសាត់ ឃ្លាតទៅឆ្ងាយ ក្រោយ ពីលោក និងអតីតភរិយា បានសម្រេចចិត្ត លែងលះគ្នាជាផ្លូវ<br />ការ រួចបានធ្វើឲ្យ តារាប្រុសរូបនេះ រំលេចភាពឈឺចាប់ នៅលើបណ្តាញ ទំនាក់ទំនងសង្គម<br /> Facebook មិនលួសថ្ងៃទាល់តែសោះ។ រហូតធ្វើឲ្យបុរសម្នាក់នេះ ហាក់លែងចង់ប្រាថ្នាស្នេហ៍<br />ថ្មី ព្រោះតែខ្លាចរអា នឹងស្នេហាខុសទ្រព្យធន ប្រៀបដូចមេឃ និងដីមួយនេះ។</p>
<p>បើតាមប្រភពក្រៅផ្លូវការមួយ បានបង្ហើបប្រាប់ឲ្យដឹងថា "តាមពិតទៅ ការដែលមិនចុះសម្រុង<br />គ្នា របស់គូស្វាមី ភរិយាមួយគូនេះ ក្រោយពីរៀបការរួច ដោយសារតែ លោក ច័ន្ទបុត្រ ជាតារា<br />សម្តែងធម្មតាៗ មិនសូវសម្បូរទ្រព្យធន។ តែដោយឡែកអតីតភរិយា គឺជាអ្នកមានសម្បូរលុយ <br />ទើបធ្វើឲ្យវណ្ណៈនេះ ចូលមកជ្រៀតជ្រែក គំរាមកំហែងសុភមង្គល ធ្វើឲ្យមានភាពល្អក់កករ រហូត<br />ឈានដល់ ការដើរផ្លូវបំបែកជាមួយគ្នា ។ មកដល់ពេលនេះ ពួកគេបានលែងលះ គ្នាជាផ្លូវការ <br />រយៈពេលជាង១ខែ មកហើយ " ។</p>
<p>ជុំវិញការបែកធ្លាយព័ត៌មាននេះដែរ LookingTODAY បានព្យាយាមទាក់ទង ទៅតារាសម្តែងរាង<br />ខ្ពស់ស្រឡះ លោក ព្រីង ច័ន្ទបុត្រ ដើម្បីសាកសួរព័ត៌មានលម្អិត ពាក់ព័ន្ធនឹង ការលែងលះគ្នា<br />នេះ តែមិនទាន់ អាចទាក់ទងបានទេ នៅថ្ងៃទី២៩ ខែសីហា ឆ្នាំ២០១៣នេះ ៕</p>
<p><span style="color: #000000;">ព័ត៌មានកំសាន្ត ស្តីពីតារាៗ ដ៏សម្បូរបែប ជាច្រើនទៀត<span style="color: #0000ff;"> <strong><a href="/News/Category/5/entertainment"><span style="color: #0000ff;">សូមចុចត្រង់នេះ</span></a></strong></span> !!!</span></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-098/S_0731.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-098/S_0732.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-098/S_0727.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-098/S_0728.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-098/S_0729.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-098/S_0730.jpg" alt="" width="500" /></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>