<div class="article-content">
<p><strong>កណ្ដាល</strong> ៖ កម្លាំងនគរបាលឃុំបែកចាន ស្រុកអង្គស្នួល ខេត្ដកណ្ដាល សហការជាមួយ កម្លាំង<br />នគរបាលខណ្ឌពោធិ៍សែនជ័យ បាន តាមនិងឈានទៅដល់ការ ឃាត់ខ្លួនជនសង្ស័យ ម្នាក់ នៅ<br />ចំណុចរង្វង់មូលចោមចៅ ខណ្ឌ ពោធិ៍សែនជ័យ ក្រោយពីជនសង្ស័យរូបនេះ រួមជាមួយបក្ខពួក<br />របស់ខ្លួន ៤នាក់ផ្សេង ទៀត ក្នុង នោះស្រីពីរនាក់ បានចូលទៅធ្វើ សកម្មភាពលួចលុយ របស់<br />ស្ដ្រីអាជីវករលក់ គ្រឿងទេស អស់ជាង២០០០ដុល្លារ កាលពី វេលាម៉ោង ៩និង៣០នាទីព្រឹកថ្ងៃ<br />ទី១៤ ខែ សីហា ឆ្នាំ២០១៣ ស្ថិតនៅភូមិបែកចាន ឃុំ បែងចាន ស្រុកអង្គស្នួល ខេត្ដកណ្ដាល ។</p>
<p>យោងតាមមន្ដ្រីនគរបាលស្រុកអង្គស្នួល បានឱ្យដឹងថា ជនសង្ស័យនិងបក្ខពួកមុន ពេល ដែល<br />ចូលទៅលួចលុយរបស់ជនរង គ្រោះ គឺពួកវាបានប្រើរូបភាព ធ្វើពុតចូលទៅ ដូរលុយនិងសួររក<br />ទិញទំនិញដូចជា អង្ករ កាតទូរស័ព្ទ និងធុងទឹកកកជាដើមហើយនៅពេលម្ចាស់ផ្ទះភ្លេចខ្លួន និង<br />ជាប់រវល់ផងនោះក្រុមចោរក៏បានលួចយកលុយនៅក្នុងទូរដូរលុយឡើងជិះម៉ូតូគេចខ្លួនតែម្ដង។</p>
<p>សមត្ថកិច្ចបានរៀបរាប់ថា នៅវេលា ម៉ោង ៩និង៣០នាទីព្រឹកថ្ងៃទី១៤ ខែសីហា ឆ្នាំ២០១៣ ជន<br />សង្ស័យម្នាក់ បានជិះម៉ូតូចូល ទៅផ្ទះអាជីវករលក់គ្រឿងទេស ឈ្មោះង៉ែត សូរីតា អាយុ២៨ឆ្នាំ<br /> រស់នៅភូមិបែកចាន ឃុំ បែកចាន ស្រុកអង្គស្នួល ខេត្ដកណ្ដាលដើម្បីដូរលុយដុល្លារ ចំនួន១០០<br />ដុល្លារ ។ នៅពេល ដែលកំពុង ដូរលុយនោះជនសង្ស័យបានសួរនាំជាច្រើនជាមួយជនរងគ្រោះ<br /> ដូចជា សួររក ប្ដីនៅឯណា និងនិយាយលេងជាច្រើនផ្សេង ទៀត។ បន្ទាប់មកក្រោយពីដូរ លុយ<br />ត្រឹម៥០ ដុល្លារ ហើយជនសង្ស័យខាងលើក៏បានជិះម៉ូតូចេញបាត់ទៅលុះមួយសន្ទុះក្រោយមក<br />បាននាំបក្ខពួកសរុប ៥នាក់ក្នុងនោះស្រីពីរនាក់ ជិះម៉ូតូបីគ្រឿងម៉ាកស្កុបពីមួយគ្រឿង និងC125<br /> ពីរគ្រឿង ។</p>
<p>សមត្ថកិច្ចបានបន្ដថា ពេលមកដល់ផ្ទះ ជនរងគ្រោះ ពួកគេទាំង ៥នាក់បានចូលរកទិញកាត<br />ទូរស័ព្ទ និងជនសង្ស័យខ្លះទៀត សួរ រកទិញ ធុងទឹកកក ដើម្បីឱ្យ ជនរងគ្រោះជា ម្ចាស់ផ្ទះរវល់<br /> ហើយភ្លេចខ្លួន ទើបពួកវាលួច យកលុយនៅក្នុងទូរដូរលុយ ដែលមានលុយខ្មែរ ៤,៥លានរៀល<br /> និងដុល្លារ ១០០០ដុល្លារ រួចហើយក៏ឡើងជិះម៉ូតូគេចខ្លួនតែម្ដងទៅ។</p>
<p>ស្ដ្រីរងគ្រោះនៅពេលដែលឃើញជន សង្ស័យកាន់ស្បោងខ្មៅ ឡើងជិះម៉ូតូយ៉ាង លឿនដូច្នេះក៏<br />សង្ស័យ ហើយស្រែកសួរនាំ ប៉ុន្ដែជនសង្ស័យទាំងនេះ ក៏ប្រញាប់ឡើងជិះ ម៉ូតូគេចខ្លួន ទើបស្ដ្រី<br />រងគ្រោះបានស្រែក ឆោឡោឮដល់ប្រជាពលរដ្ឋនៅក្បែរខាងព្រមទាំងសមត្ថកិច្ចផងនោះក៏បាន<br />ដេញតាមពីក្រោយ ហើយទាក់ទងមកកម្លាំងសមត្ថកិច្ចខណ្ឌពោធិ៍សែនជ័យ ដើម្បីឱ្យជួយស្ទាក់<br /> តាម រយៈការប្រាប់ពីមុខសញ្ញា ដែលគេចខ្លួនចូល មករាជធានីភ្នំពេញនោះ ។</p>
<p>ក្រោយពី ទទួលសេចក្ដីរាយការណ៍ពី កម្លាំងសមត្ថកិច្ចស្រុកអង្គស្នួល កម្លាំងនគរ បាលខណ្ឌ<br />ពោធិ៍សែនជ័យ បានចេញស្ទាក់ ហើយឈានទៅដល់ការ ឃាត់ខ្លួនជនសង្ស័យ ម្នាក់នៅរង្វង់<br />មូលចោមចៅ សង្កាត់ចោមចៅ ខណៈដែលជនសង្ស័យរូបនេះ កំពុងជិះម៉ូតូ ស្កុបពីពណ៌ខ្មៅ<br /> ពាក់ស្លាកលេខ ភ្នំពេញ 1BY-2130 តែម្នាក់ឯង រីឯបក្ខពួក៤នាក់ ផ្សេងទៀត ដែលជិះម៉ូតូម៉ាក<br />C125 ទាំង ពីរគ្រឿងនោះ គេចខ្លួនបាត់ ។</p>
<p>ក្រោយការសួរនាំ ជនសង្ស័យរូបនេះ ប្រាប់ថា រូបគេមានឈ្មោះពៅ ចំរើន អាយុ ២៨ឆ្នាំ រស់នៅ<br />ភូមិវែង សង្កាត់ពញាពន់ ខណ្ឌ សែនសុខ ។</p>
<p>បច្ចុប្បន្នជនសង្ស័យរូបនេះ ត្រូវបាន សមត្ថកិច្ចខណ្ឌពោធិ៍សែនជ័យ រៀបចំចាត់ ចែងប្រគល់ឱ្យ<br />សមត្ថកិច្ច ស្រុកអង្គស្នួល ដែល ជាម្ចាស់ករណី យកទៅចាត់ការតាមផ្លូវ ច្បាប់ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-011/Hong-0322.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0323.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0324.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0325.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>