<p>ដូចដែលទស្សនិកជនបានដឹងហើយថា ប៉ុន្មានថ្ងៃមុន អ្នកចាត់ការទូទៅរបស់ Real Madrid<br />លោក Florentino Perez បានប្រកាសថាលោក មានទំនុកចិត្តខ្លាំងណាស់ ទៅលើ Ronaldo<br />ដែលអាចនឹង ចុះកុងត្រាថ្មីបន្ថែមជាមួយ Real Madrid ហើយអាចនៅជាមួយលោក រហូត<br />ដល់ពេលលោក ចូលនិវត្តន៍ ។ តែថ្ងៃនេះ រឿងមួយដ៏គួរអោយភ្ញាក់ផ្អើលបានកើតឡើង គឺ<br />សមីខ្លួនផ្ទាល់ Cristiano Ronaldo បានប្រកាសថា រូបគេនឹងមិនបន្តកុងត្រាថ្មី ជាមួយ Real<br />Madrid ទេ ។<br /><br />កុងត្រាដែលនៅសល់របស់ Real Madrid ជាមួយ Ronaldo មានសុពលភាពត្រឹមឆ្នាំ ២០១៥<br />ប៉ុណ្ណោះ អាចបញ្ជាក់ថា Real Madrid នឹងត្រូវបាត់បង់ Ronaldo នៅឆ្នាំ ២០១៥ ខាងមុខនេះ ។<br />រឿងនេះធ្វើអោយ ក្រុម Real Madrid កំពុងប្រឈមមុខ នឹងភាពតានតឹងជាខ្លាំង ដែលមាន<br />ជំរើស ២ សំរាប់ Real Madrid ពេលនេះគឺទី ១ ត្រូវប្រញ៉ាប់លក់ Ronaldo ចេញកាន់តែឆាប់<br />កាន់តែល្អ ដើម្បីអោយមាន កញ្ចប់ទឹកប្រាក់កាន់តែធំ ដើម្បីអាចទិញកីឡាករល្អៗ ផ្សេងចូល<br />បានច្រើន ។ ចំណែកជំរើសទី ២ គឺ ព្យាយាមទិញបញ្ចុះបញ្ចូល Ronaldo អោយបានល្អដើម្បី<br />អាចអោយ Ronaldo សប្បាយចិត្ត ហើយបន្តកុងត្រាថ្មី ជាមួយ Real Madrid ។</p>
<p><a class="thickbox" title="" href="/FileManager/Commons/2013/6/5/6-5-2013-9-56-34-am-05-06-2013--09-57-31.jpg"><img src="/FileManager/Articles/mce/2013/6/5/6-5-2013-9-56-34-am-05-06-2013--09-57-31.jpg" alt="" /></a><br /><br />តែចំពោះជំរើសទី ២ ប្រហែលជាមិនអាចទៅរួចទេ គឺព្រោះតែ Ronaldo ធ្លាប់បាននិយាយថា<br />រូបគេ នឹងមិនចាញ់ពាក្យសំដីសន្យារបស់ អ្នកចាត់ការ Perez ទៀតទេ ។ Perez ធ្លាប់សន្យា<br />ថា នឹងធ្វើអោយ Real Madrid គឺជាផ្ទះមួយដ៏ល្អសំរាប់ Ronaldo ហើយធ្វើអោយ Ronaldo<br />ក្លាយជាកីឡាករ ដែលថ្លៃជាងគេបំផុត តែមកដល់ពេលនេះ មិនទាន់មានអ្វីជាលទ្ធផលឡើយ<br />ដូចនេះហើយ ទើប Ronaldo មិនសប្បាយចិត្ត ដើម្បីបន្តនៅ Real Madrid ទៀតឡើយ ។<br /><br />គួរបញ្ជាក់ផងដែរថា Ronaldo នឹងផ្ទេរចេញក្នុងតំលៃ ៦០ លានអឺរ៉ូ ហើយវាអាចជាឪកាសល្អ<br />សំរាប់ Manchester United ដើម្បីទិញយក Ronaldo មកផ្ទះចាស់វិញ ។ មិនត្រឹមតែប៉ុណ្ណោះ<br />Ronaldo ក៏តែងតែនិយាយអំពី ការនឹងរលឹករបស់ខ្លួនទៅក្រុម Manchester United ដែរ ដូច<br />នេះហើយ ការត្រឡប់មកវិញរបស់ Ronaldo អាចមានសង្ឃឹមច្រើន ។ យើងនឹងតាមដានមើល<br />ទាំងអស់គ្នាថា តើទីផ្សារទិញដូរកីឡាករ ដែលនឹងត្រូវបើកឆាប់ៗនេះ មានរឿងអ្វីកើតឡើងខ្លះ?</p>
<p><a class="thickbox" title="" href="/FileManager/Commons/2013/6/5/6-5-2013-9-56-55-am-05-06-2013--09-57-45.jpg"><img src="/FileManager/Articles/mce/2013/6/5/6-5-2013-9-56-55-am-05-06-2013--09-57-45.jpg" alt="" /></a></p>
<p><a class="thickbox" title="" href="/FileManager/Commons/2013/6/5/6-5-2013-9-56-55-am-05-06-2013--09-57-45.jpg"></a></p>
<p style="text-align: right;"><br />ដោយ ៖ កុសល<br />ប្រភព ៖ k14 </p>