<p><span style="color: #000000;"><strong>(អាមេរិក)៖</strong> សំណុំរឿងលែងលះ រវាងប្តីប្រពន្ធតារាហូលីវូត ដ៏ល្បី នាង Angelina Jolie និង លោក Brad Pitt នៅតែចម្រូងចម្រាស មិនទាន់បញ្ចប់នៅឡើយទេ ដោយសារតែបញ្ហាកូន ដែលបច្ចុប្បន្ននេះ ខាង Angelina ជាម្តាយកំពុងសុំសិទ្ធិគ្រប់គ្រង ថែរក្សាកូនទាំង៦ តាមរយៈមេធាវីរបស់ខ្លួន ហើយក្មេងៗក៏កំពុងតែរស់នៅ ជាមួយនាងជាបណ្តោះអាសន្នដែរ តាមការអនុញ្ញាតពីតុលាការ ក្នុងរយៈពេលបីខែ។</span></p>
<p><span style="color: #000000;">ដំណឹងចចាមអារ៉ាមមួយ លើកឡើងថា តាំងពីកើតហេតុការណ៍ ប៉ះទង្គិចគ្នារវាងកូនប្រុសច្បង Maddox និងឪពុកមក ធ្វើឲ្យកូនៗផ្សេងទៀតហាក់ ដូចជាខ្លាច Brad Pitt ណាស់ បញ្ហានេះហើយធ្វើឲ្យ Pitt ក្លាយជាមនុស្សអាក្រក់ ក្នុងក្រសែភ្នែកកូនៗ ប៉ុន្តែអ្នកខ្លះនិយាយថា វាជារឿងធម្មតាទេ សម្រាប់ឪពុកកូន ដែលកើតមានជម្លោះខ្លះ ហើយ វាមិនមែនជាការរំលោភសិទ្ធិកូន ឬជាមូលហេតុធ្វើឲ្យពួកគេខ្លាច ឪពុកបែបនេះទេ ហើយគេបន្តថា ទឹកចិត្តឪពុកស្រឡាញ់ និងយកចិត្តទុកដាក់ តែងតែមានចំពោះកូន ដែលនេះមិនមែនជាការគំរាម ធ្វើបាបលើកូនទេ។</span></p>
<p><span style="color: #000000;">មជ្ឈដ្ឋានទូទៅ នៅតែរង់ចាំមើលថា តើតុលាការនឹងសម្រេចយ៉ាងណា ចំពោះរឿងក្តីដែលមហាជន កំពុងតែចាប់អារម្មណ៍មួយនេះ ហើយ វាក៏កំពុងកក្រើក ពិភពតារាហូលីវូតផងដែរ ព្រោះអ្នកទាំងពីរសុទ្ធតែ ជាតារាល្បី និងប្រឡូកក្នុងកិច្ចការមនុស្សធម៌ យ៉ាងច្រើន។ Brad Pitt ត្រូវបានសមត្ថកិច្ចពិនិត្យ សារជាតិថ្នាំដែរ ថា គេមានប្រើឬអត់ ព្រោះវាអាចពាក់ព័ន្ធនឹងករណីហិង្សាលើកូន ហើយតាំងពី Angelina នាំកូនៗចេញពីផ្ទះ ទៅរស់នៅកន្លែងថ្មី ក្រោយពីដាក់ពាក្យប្តឹងលែងលះមក គឺលោកធ្លាប់បានឃើញកូនៗ តែម្តងប៉ុណ្ណោះ៕</span></p>
<p><span style="color: #000000;"><img src="https://pmchollywoodlife.files.wordpress.com/2016/10/brad-pitt-allegations-his-kids-are-afraid-of-him-bs-says-source-lead.jpg?w=600" alt="" width="730" /></span></p>
<p><span style="color: #000000;"><img src="http://i0.wp.com/radaronline.com/wp-content/uploads/2016/09/angelina-jolie-dad-divorce-details.jpg?resize=540%2C400" alt="" width="730" /></span></p>
<p><span style="color: #000000;"><img src="http://i1.wp.com/radaronline.com/wp-content/uploads/2016/10/brad-pitt-angelina-jolie-divorce-fbi-interview-plane-incident-pp.jpg?resize=540%2C400" alt="" width="730" /></span></p>
<p><span style="color: #000000;"><img src="http://i1.wp.com/radaronline.com/wp-content/uploads/2016/10/brad-pitt-angelina-jolie-divorce-selling-french-estate-chateau-miraval-9.jpg?fit=700%2C700" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>