<p><span style="color: #000000;"><strong>ភ្នំពេញ៖</strong> អង្គភាពប្រឆាំងអំពើពុករលួយ បានធ្វើការឃាត់ខ្លួនជនសង្ស័យ ២នាក់ ដែលបានប្រព្រឹត្តបទល្មើសជាប់ព័ន្ធនឹង ការប្រឡងសញ្ញាបត្រមធ្យមសិក្សា ទុតិយភូមិ ឬបាក់ឌុបលើកទី២ នៅព្រឹកថ្ងៃចន្ទ ទី១៣ ខែតុលាឆ្នាំ ២០១៤ នេះ។</span></p>
<p><span style="color: #000000;">ថ្លែងប្រាប់មជ្ឈមណ្ឌលព័ត៌មានដើមអម្ពិល នៅព្រឹកថ្ងៃចន្ទនេះ លោក រស់ សាលីន អ្នកនាំពាក្យក្រសួង អប់រំថ្លែងថា ករណីទី១ ស្ត្រីម្នាក់បានយកសំណៅឯកសារ ទៅលក់មុខសាលាបាក់ទូក និងករណីទី២ យុវជនម្នាក់បន្លំធ្វើអ្នកសង្គេតការណ៍។ លោកថ្លែងថា " អ្នកទាំងពីរត្រូវបាន អង្គភាពប្រឆាំងអំពើពុករលួយ នាំខ្លួនភ្លាមៗទៅកាន់អង្គភាព"។</span></p>
<p><span style="color: #000000;">តែទោះយ៉ាងណាក៏ដោយលោក រស់ សាលីន បានវាយតំលៃដំណើរការនៃការប្រឡង សម្រាប់ព្រឹក នេះ ប្រព្រឹត្តទៅល្អជាងការប្រឡង នៅលើកទី១ទៅទៀត។ លោកនិយាយបន្ថែមថា" បើយើងទទួលបានព័ត៌មានពីតាមបណ្ដាខេត្ត និងរាជធានីភ្នំពេញ ការប្រឡងគឺស្ងប់ស្ងាត់ល្អ ពោលគឺអនុរក្សគោរពទៅតាមតួនាទីរបស់គាត់ រីឯបេក្ខជនរបស់យើងគាត់ គោរពទៅតាមវិន័យរបស់គាត់។ បើយើងនិយាយមែនទែនទៅទិដ្ឋភាពព្រឹក នេះដំណើរការល្អជាងលើកទី១ទៀត ព្រោះគាត់យល់ដឹងបទពិសោធន៍ កាលពីប្រឡងលើកទី១អស់ហើយ"។</span></p>
<p><span style="color: #000000;">សូមបញ្ជាក់ថា បេក្ខជនដែលប្រឡងលើកទី២នេះ មានចំនួនជិត ៧ម៉ឺននាក់ និងមណ្ឌល១១៧ ក្នុងនោះមានបន្ទប់ ចំនួន ២៧៥២ បន្ទប់ គ្រប់រាជធានី ខេត្ត។ លទ្ធផលនៃការប្រឡងនឹង ប្រកាសនៅថ្ងៃទី០៤ ខែវិច្ឆិកាឆ្នាំ២០១៤ខាងមុខ។ ក្នុងនោះអ្នកសង្គេតការណ៍ជាតិ-អន្តរជាតិ មានចំនួនជាង ៣០០០នាក់។</span></p>
<p><span style="color: #000000;">គួររម្លឹកឡើងវិញបន្តិចថា កាលពីប្រឡងបាក់ឌុបលើទី១ នៅថ្ងៃទី៤-៥ ខែសីហា មានបេក្ខជនប្រឡងជាប់ សរុប ចំនួន២៣១២៦នាក់ ត្រូវជា ២៥,៧២ភាគរយ ក្នុងចំណោមសិស្សសរុប ៨៩៩៣៧នាក់ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/13/k-0184-13-10-2014--15-10-18.jpg"><img src="/FileManager/Articles/mce/2014/10/13/k-0184-13-10-2014--15-10-18.jpg" alt="" /></a></span></p>
<p><span style="color: #000000;"><a class="thickbox" title="" href="/FileManager/Commons/2014/10/13/k-0184-13-10-2014--15-10-18.jpg"></a><br /><a class="thickbox" title="" href="/FileManager/Commons/2014/10/13/k-0185-13-10-2014--15-10-41.jpg"><img src="/FileManager/Articles/mce/2014/10/13/k-0185-13-10-2014--15-10-41.jpg" alt="" /></a></span></p>
<p><span style="color: #000000;"><a class="thickbox" title="" href="/FileManager/Commons/2014/10/13/k-0185-13-10-2014--15-10-41.jpg"></a><br /><a class="thickbox" title="" href="/FileManager/Commons/2014/10/13/k-0186-13-10-2014--15-10-56.jpg"><img src="/FileManager/Articles/mce/2014/10/13/k-0186-13-10-2014--15-10-56.jpg" alt="" /></a><br /></span></p>
<p style="text-align: right;"><span style="color: #000000;"><br />ផ្ដល់សិទ្ធិដោយ៖ ដើមអម្ពិល</span></p>