<div class="article-content"><strong>ភ្នំពេញ៖</strong> វិមានរដ្ឋសភាដ៏ប្រណីតរបស់កម្ពុជា ត្រូវ បានរៀបចំរួចរាល់ហើយ ដើម្បីទទួលស្វាគមន៍<br />ព្រះរាជវត្តមានព្រះ មហាក្សត្រខ្មែរ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី <br />និងវត្តមានតំណាងរាស្ត្រជាប់ឆ្នោត សម្រាប់ការបើកកិច្ចប្រជុំសភាលើកដំបូង នាព្រឹកថ្ងៃចន្ទ ទី២៣<br /> ខែកញ្ញា ឆ្នាំ២០១៣។<br /><br />
<div class="article-content">
<p>តាមកាលបរិច្ឆេទគ្រោងទុកនៅថ្ងៃទី២៣ ស្អែកនេះ តំណាងរាស្រ្តជាប់ឆ្នោតមកពីគណបក្សប្រជាជន<br />កម្ពុជា ទាំង ៦៨រូបចូលប្រជុំសភាលើកដំបូង ក្រោមព្រះរាជាធិបតីរបស់ព្រះមហាក្សត្រ ខណៈដែល<br />តំណាងរាស្រ្តជាប់ឆ្នោត មកពីគណបក្សសង្រ្គោះជាតិ ៥៥រូប រហូតដល់យប់ថ្ងៃទី២២ ខែកញ្ញា មិន<br />ទាន់បញ្ជាក់ពី ការចូលប្រជុំនៅឡើយទេ។</p>
<p>ជាមួយការឈានមកដល់ នៃកិច្ចប្រជុំនេះ នៅតាមបណ្តាផ្លូវចូលទៅកាន់វិមានរដ្ឋសភា ត្រូវបានដាក់<br />កម្លាំងសមត្ថ កិច្ចយាមកាមយ៉ាងតឹងរឹងបំផុត ក្នុងការរក្សាសន្តិសុខ និងញាំងឲ្យកិច្ចប្រជុំលើកដំបូង<br />បានប្រព្រឹត្តទៅក្រោមបរិយា កាសមួយដ៏ល្អប្រសើរ។</p>
<p>ជាមួយគ្នានេះ អភិបាលរាជធានីភ្នំពេញ លោក ប៉ា សុជាតិវង្ស ក៏បានអំពាវនាវសុំការយោគយល់ពី<br />ប្រជាពលរដ្ឋផង ដែរ ចំពោះការកកស្ទះចរាចរណ៍ ដោយសារផ្លូវមួយចំនួនត្រូវបានបិទ។</p>
<p>បន្ទាប់ពីបើកកិច្ចប្រជុំសភាហើយនោះ នៅថ្ងៃបន្តបន្ទាប់ក៏នឹងមានការអនុម័តបង្កើតរាជរដ្ឋាភិបាល និង<br />ប្រជុំគណៈ រដ្ឋមន្រ្តី របស់រាជរដ្ឋាភិបាលអាណត្តិទី៥ផងដែរ។</p>
<p>រដ្ឋមន្រ្តីក្រសួងព័ត៌មាន លោក ខៀវ កាញារីទ្ធ បានថ្លែងនៅទំព័រហ្វេសប៊ុករបស់លោកថា នៅព្រឹកថ្ងៃទី<br />២៤ ខែកញ្ញា អនុម័តរាជរដ្ឋាភិបាលអាណត្តិទី៥ នៅពេលល្ងាចស្បថចូលកាន់តំណែងនៅព្រះបរមរាជ<br />វាំង។ ថ្ងៃទី២៥ ខែកញ្ញា ប្រជុំគណៈរដ្ឋមន្ត្រីជាលើកទីមួយ នៅវិមានសន្តិភាព និងទទួលទានភោជនា<br />ហារថ្ងៃត្រង់នៅទីនោះផងដែរ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-290.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-291.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-292.jpg" alt="Photo by DAP-NEWS" width="550" /></p>
<p style="text-align: center;"><strong>រូបថតពីទំព័រហ្វេសប៊ុកលោក គឹម គុណវឌ្ឍ អគ្គនាយកទូរទស្សន៍ជាតិ</strong></p>
</div>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>