<p>ស្ទើរតែមិនគួរអោយជឿ ៖ បុរសជាឪពុកម្នាក់ មកពីរដ្ឋ Arizona សហរដ្ឋអាមេរិក បានសារភាព ប្រាប់មន្រ្តី ប៉ូលីស អោយដឹងថា គាត់ពិតជា បានសម្លាប់ កូនប្រុសរបស់ខ្លួន វ័យ ១៣ ឆ្នាំ ជាមួយនឹង ពូថៅ ពិត ប្រាកដមែន ក៏ព្រោះតែ គាត់បានជឿថា កូនគាត់ គឺជាបិសាច នេះបើយោង តាមការដកស្រង់ អត្ថបទ ផ្សាយ ពីគេហទំព័រ សារព័ត៌មាន បរទេស ស្កាយ ។</p>
<p>ស្ថិតនៅក្នុងវ័យ ៥១ ឆ្នាំ បុរស ជាឪពុកម្នាក់នេះ មានឈ្មោះ Gary Sherrill ត្រូវបានរក អោយឃើញថា ប៉ូលីស បានធ្វើការចាប់ឃាត់ខ្លួន រូបលោក កាលពី អំឡុងថ្ងៃបុណ្យ ឆ្លងឆ្នាំ កន្លងទៅនេះ ដោយនៅក្នុង នោះ គាត់ប្រឈមនឹងការ ជាប់ពន្ធនាគារ ជាច្រើនឆ្នាំ ។</p>
<p><a class="thickbox" title="" href="http://camnews.com.kh/FileManager/Commons/2014/1/2/sherrill2-1-522x293-02-01-2014--09-18-13.jpg"><img src="http://camnews.com.kh/FileManager/Articles/mce/2014/1/2/sherrill2-1-522x293-02-01-2014--09-18-13.jpg" alt="" /></a></p>
<p>រឿងឃាតកម្ម បានបែកការណ៍ បន្ទាប់ពីស្រ្តី ជាម្តាយ ជនរងគ្រោះ ក៏ដូចជា ត្រូវជា អតីតភរិយា លោក Sherrill បានទូរស័ព្ទប្តឹង ក្រោយនាង បាត់ដំណឹងកូនប្រុស របស់ខ្លួន មួយថ្ងៃ បន្ទាប់ ក្រោយពី អតីត លោកឪពុក របស់ខ្លួន យកគេទៅលេង ។ របាយការណ៍ ពី KNXV-TV គូសបញ្ជាក់អោយដឹងថា ដើម ឡើយ អតីតជា ឪពុករូបនេះ បាននិយាយថា កូនតូចរូបនោះ មិននៅក្នុងផ្ទះទេ ខណៈព្យាយាម និយាយ បដិសេធ លុះក្រោយមក បន្ទាប់ ពីអនុញ្ញាត អោយប៉ូលីស ចូលឆែកឆេរ នៅក្នុងផ្ទះ ទើបបានរកឃើញ សាកសព ក្មេងតូចតែម្តង។</p>
<p>គួររំឭកផងដែរថា ក្មេងតូចរូបនេះ សាកសពរបស់គេ រងរបួសជាខ្លាំង ដោយមានការចាក់ជាច្រើន កន្លែង កាប់ ជាច្រើនដង និង ដាច់រហែកសាច់ជាដើម។ លោក Steve Martos ជាពលបាលត្រី ប្រចាំតំបន់ បាន អះអាងអោយដឹងថា ជនជាប់ចោទ បានសារភាព អោយដឹងថា គាត់ពិតជា បានសម្លាប់គេ ពិតប្រាកដ ក៏ព្រោះតែគាត់ ជឿថា គេគឺជា បិសាច ខណៈពេលដែលគេ ព្យាយាម ដេញស៊ីគាត់ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ សា្កយ</p>