<p><strong>ព័ត៌មានអន្តរជាតិ ៖</strong> លេខ នៃ មនុស្ស ស្លាប់ ចុងក្រោយ ដែលចេញ កាលពីយប់ថ្ងៃសុក្រ ទី១១ ខែ កក្កដា ឲ្យដឹងថា ចាប់តាំងពីមានការ វាយប្រហារដោយទ័ព អាកាសពីសំណាក់ ប្រទេសអ៊ីស្រាអែល មកលើតំបន់ Gaza Strip នោះមក បានបណ្តាលឲ្យជនជាតិប៉ាឡេស្ទីន ស្លាប់រហូតដល់ ១០៣ នាក់ ហើយ និង ២២នាក់ ទៀត រងរបួស ធ្ងន់ស្រាល ។ រហូតមលកដល់ពេលនេះ ពុំទាន់មាន សញ្ញា ណា មួយថា ការវាយប្រហារនឹងត្រូវបញ្ចប់នោះទេ។</p>
<p><a class="thickbox" title="" href="/FileManager/Commons/2014/7/12/90-12-07-2014--11-54-39.jpg"><img src="/FileManager/Articles/mce/2014/7/12/90-12-07-2014--11-54-39.jpg" alt="" /></a></p>
<p>បន្ថែមពីលើនេះ ប្រភពសារព័ត៌មានបរទេស បានអះអាង បន្តអោយដឹងថា អ្វីដែលគួរឲ្យខ្លោចផ្សារ បំផុត នោះគឺក្មេង ប្រុសអាយុ ៣ឆ្នាំម្នាក់ក៏បានស្លាប់នៅក្នុងការទម្លាក់គ្រាប់បែក នៅក្បែរផ្ទះរបស់ខ្លួន ស្ថិតនៅជុំរុំជនភៀសខ្លួន ហ្សាបាលៀ ភាគខាងជើងតំបន់ហ្គាសាស្ទ្រីព នោះ ដែរកាលពីថ្ងៃ សុក្រ ។ ចំពោះមនុស្សរង របួសទាំង ២២ នាក់ នោះ មាន ៥ នាក់ស្ថិតនៅក្នុងសភាពធ្ងន់ធ្ងរបំផុត ហើយកំពុង សម្រាកព្យាបាល នៅមន្ទីរក្នុង តំបន់។</p>
<p><a class="thickbox" title="" href="/FileManager/Commons/2014/7/12/92-12-07-2014--11-54-27.jpg"><img src="/FileManager/Articles/mce/2014/7/12/92-12-07-2014--11-54-27.jpg" alt="" /></a></p>
<p>គួរបញ្ជាក់ថា កាលពីរសៀលថ្ងៃសុក្រ ម្សិលមិញ នេះ យន្តហោះចម្បាំងរបស់ប្រទេស អ៊ីស្រាអែល បាន វាយ ប្រហារ លើ ហ្វូង មនុស្ស ដែលកំពុងវិលត្រឡប់មកពីចូលរួមពិធីគោរព សាសនា ឥស្លាម ប្រចាំ សប្តាហ៍នៅ ភាគ ខាង ត្បូងតំបន់ហ្គាសា។ ប្រទេស អ៊ីស្រាអែល បានអះអាង ថា រយៈពេល ៤ ថ្ងៃមកនេះ ខ្លួនបានបើក ការវាយប្រហារទៅលើទីតាំងចំនួន ៨៥០ ដែលត្រូវ គេកំណត់ថាជា កន្លែង លាក់ខ្លួន របស់ពួកសកម្ម ប្រយុទ្ធហាម៉ាស់ និង ក្រុមសកម្មប្រយុទ្ធផ្សេង ទៀតទូទាំងតំបន់ហ្គាសា ៕</p>
<p><a class="thickbox" title="" href="/FileManager/Commons/2014/7/12/91-12-07-2014--11-54-57.jpg"><img src="/FileManager/Articles/mce/2014/7/12/91-12-07-2014--11-54-57.jpg" alt="" /></a></p>
<p><a class="thickbox" title="" href="/FileManager/Commons/2014/7/12/93-12-07-2014--11-55-07.jpg"><img src="/FileManager/Articles/mce/2014/7/12/93-12-07-2014--11-55-07.jpg" alt="" /></a></p>
<p><a class="thickbox" title="" href="/FileManager/Commons/2014/7/12/94-12-07-2014--11-55-16.jpg"><img src="/FileManager/Articles/mce/2014/7/12/94-12-07-2014--11-55-16.jpg" alt="" /></a></p>
<p style="text-align: right;">ប្រែសម្រួល ៖ កុសល<br />ប្រភព ៖ sfgate</p>