<p><span style="color: #000000;">ព័ត៌មានអន្តរជាតិ ៖ ថ្ងៃពុធនេះ រដ្ឋាភិបាល ប្រទេស កូរ៉េខាងត្បូង ធ្វើសេចក្តីប្រកាស អោយដឹងថា មានករណីឆ្លងវីរុស Mers ៨ នាក់បន្ថែមទៀតហើយ ខណៈ វីរុសផ្លូវដង្ហើម ប្រភេទនេះ បានវាយប្រ ហារសម្លាប់ ពលរដ្ឋកូរ៉េខាងត្បូង ម្នាក់ទៀតហើយ នាំ អោយ តួរលេខ អ្នកស្លាប់ដោយវីរុស Mers សរុបកើនឡើងដល់ ២០ នៅថ្ងៃពុធនេះ ចាប់តាំងពីមានការផ្ទុះឡើងនូវ វីរុសMersអំឡុងខែឧសភា</span></p>
<p><a class="thickbox" title="" href="/FileManager/Commons/2015/6/17/60-17-06-2015--13-37-10.jpg"><img src="/FileManager/Articles/mce/2015/6/17/60-17-06-2015--13-37-10.jpg" alt="" /></a></p>
<p><span style="color: #000000;">សេចក្តីរាយការណ៍ បញ្ជាក់អោយដឹងថា តួរលេខសរុបនៃពលរដ្ឋកូរ៉េខាងត្បូង ឆ្លងវីរុស Mers កើន ឡើងសរុប ១៦២ នាក់ហើយ ខណៈតួរលេខមួយនេះ មាន ការ កើនឡើងខ្ពស់បំផុត បន្ទាប់ពីដីកំ ណើតវីរុស Mers ពីអារ៉ាប់ ប៊ីសាអ៊ូឌីដ តំបន់ មជ្ឈឹមបូពាហ៍ ។ រដ្ឋមន្រ្តី ក្រសួងសុខាភិបាល កូរ៉េ ខាង ត្បូងអោយដឹងថា អ្នកជម្ងឺ ១៩ នាក់ ដែលបានធ្វើរោគកោសល្យវិច័យ និងបានរកឃើញ វីរុស Mers ក្នុង ចំណោម អ្នកជម្ងឺឯទៀត នោះ ត្រូវបានអនុញ្ញាតអោយ ចាកចេញពីមន្ទីរពេទ្យហើយ បន្ទាប់ពី ស្ថានភាពជម្ងឺរបស់ពួកគេបានធូរស្រាល និងជាសះស្បើយ ។</span></p>
<p><a class="thickbox" title="" href="/FileManager/Commons/2015/6/17/61-17-06-2015--13-37-18.jpg"><img src="/FileManager/Articles/mce/2015/6/17/61-17-06-2015--13-37-18.jpg" alt="" /></a></p>
<p><span style="color: #000000;">របាយការណ៍ បញ្ជាក់អោយដឹងថា ជនរងគ្រោះ នៃពលរដ្ឋកូរ៉េខាងត្បូង ស្លាប់ចុងក្រោយបំផុតនេះ មានវ័យ ៥៤ ឆ្នាំ ជាស្រ្តីចំណាស់ ដែលមានជម្ងឺ រលាក ទងសួត ក៏ដូចជា សម្ពាធឈាមកើនឡើង ខ្ពស់ ។ គួរបញ្ជាក់ថា រាល់ជនរងគ្រោះស្លាប់បាត់បង់ជីវិត ដោយសារតែវីរុស Mers សុទ្ធសឹង ជា ក្រុម អ្នក ជម្ងឺ មានវ័យចាស់ជរា និង មានជម្ងឺស្រាប់ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA</span></p>