<div class="article-content">
<p>ភ្នំពេញ ៖ បុរស ២នាក់ បានស្លាប់បាត់បង់ជីវិត យ៉ាងអាណោចអាធ័ម នៅក្នុងថ្លុកឈាម ចំណែក<br />នារីម្នាក់ទៀត ត្រូវរង របួសធ្ងន់ធ្ងរ ដឹកបញ្ជូនទៅសង្គ្រោះ នៅមន្ទីរ ពេទ្យភ្លាមៗ ខណៈដែលអ្នក<br />ទាំង៣ ជិះម៉ូតូពីរគ្រឿងបុកគ្នាយ៉ាងពេញ ទំហឹង នៅ តាមបណ្តោយ ផ្លូវព្រះសីហនុ កែងផ្លូវលេខ<br /> ១១៣ ក្នុងសង្កាត់បឹងកេងកងទី២ ខណ្ឌ ចំការមន កាលពីវេលាម៉ោង ១និង ៤០ នាទីយប់រំលង<br />អាធ្រាត្រ ឈានចូលថ្ងៃទី ១១ ខែកក្កដាឆ្នាំ ២០១៣ ។</p>
<p>យោងតាមសេចក្តី រាយការណ៍ពីកន្លែង កើតហេតុពាក់ព័ន្ធនឹង ករណីគ្រោះថ្នាក់ចរាចរណ៍ <br />ដ៏រន្ធត់ខាងលើ នេះបានឲ្យដឹងថា នៅមុនពេលកើតហេតុ គេបានឃើញ បុរសម្នាក់វ័យជាង <br />៤០ ឆ្នាំ ជិះម៉ូតូមួយគ្រឿង ម៉ាកគុបជ្រុង ធ្វើដំណើរតាម បណ្តោយ ផ្លូវ១១៣ ក្នុងទិសដៅពីត្បូង<br />ទៅជើង ដោយបានជិះយ៉ាងលឿន ខណៈ មកដល់ចំណុចកែងផ្លូវព្រះសីហនុ ក៏ត្រូវបុរសម្នាក់<br /> ជិះម៉ូតូ មួយគ្រឿងម៉ាកនិច ពណ៌ស ពាក់ស្លាកលេខ ភ្នំពេញ 1BS-8485 ឌុបស្រីស្នេហ៍ម្នាក់ <br />ធ្វើដំណើរតាមបណ្តោយផ្លូវព្រះសីហនុក្នុងទិសដៅពីលិចទៅកើតដោយបានបើកបរ ក្នុងល្បឿន<br />យ៉ាងលឿនដូចគ្នា បានជ្រុលបុកចំពាក់ កណ្តាល ម៉ូតូគុបជ្រុងយ៉ាងពេញទំហឹង បណ្តាលឲ្យ <br />ម្ចាស់ម៉ូតូគុបជ្រុង ហោះផ្លោងអូសជាប់ ជាមួយម៉ូតូបោកក្បាល ហូរឈាមស្រោច ខ្លួនស្លាប់<br />យ៉ាងអាណោចអាធ័ម នៅក្នុងថ្លុកឈាម ចំណែកបុរសជាម្ចាស់ម៉ូតូ និច ក៏ត្រូវបោកក្បាលនឹង <br />ថ្នល់ស្លាប់បាត់បង់ជីវិតដូចគ្នា ឬ ឯនារីម្នាក់ដែលរួមដំណើរ ជាមួយបុរសជិះម៉ូតូនិច ត្រូវរងរបួស<br />ធ្ងន់ធ្ងរ បានរថយន្តសាមុយ របស់មន្ទីរពេទ្យកាល់ម៉ែត មកដឹកយកទៅសង្គ្រោះនៅមន្ទីរពេទ្យ។</p>
<p>ពាក់ព័ន្ធនឹងហេតុការណ៍គ្រោះ ថ្នាក់ចរាចរណ៍នេះម៉ូតូទាំងពីរគ្រឿង ត្រូវរងនៅការខូចខាតទាំង<br />ស្រុង ចំណែកសាកសពនៅមិនទាន់បានគាល់អត្តសញ្ញាណ នៅឡើយទេ ដោយសារសមត្ថកិច្ច<br /> បាននឹងកំពុងព្យាយាមទំនាក់ទំនង ទៅក្រុមគ្រួសាររបស់សាកសពរងគ្រោះ ឲ្យមកទទួលយក<br />ទៅធ្វើបុណ្យតាមប្រពៃណី ។ ហើយម៉ូតូរបស់ពួកគេត្រូវបានសមត្ថកិច្ចចុះវាស់វែង អូសយកទៅ<br />រក្សាទុកនៅការិយាល័យ ចរាចរណ៍ជើងគោក រាជធានីភ្នំពេញ រង់ចាំដោះស្រាយតាមផ្លូវច្បាប់។<br />សមត្ថកិច្ចបានបញ្ជាក់ថា ហេតុការណ៍ដ៏រន្ធត់គួរឲ្យញញើតនេះ បង្កឡើងដោយសារម្ចាស់ម៉ូតូ<br />ទាំង ២គ្រឿងបើកបរលឿនដូចគ្នា ទើបបណ្តាលឲ្យជ្រុល បុកគ្នាយ៉ាងពេញទំហឹង តែម្តងទៅ៕</p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0224.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0225.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0223.jpg" alt="" width="500" /></p>
<p style="text-align: right;">ដោយ៖ ដើមអម្ពិល<br />ផ្តល់សិទ្ធិដោយ៖ ដើមអម្ពិល</p>
</div>