<div class="article-content">
<p>ភ្នំពេញ ៖ សន្ដិសុខរបស់ក្រុមហ៊ុន MPA ម្នាក់ ដែលត្រូវបានក្រុមហ៊ុន បញ្ជូនទៅការពារ សន្ដិ<br />សុខ នៅស្ថានីយប្រេងឥន្ធនៈកាល់តិច តាមបណ្ដោយ ផ្លូវសហព័ន្ធរុស្សី ភូមិទឹកថ្លា សង្កាត់ទឹក<br />ថ្លា ខណ្ឌសែន សុខ ត្រូវបានស្ដ្រីរងគ្រោះ ស្រែកឆោឡោ និងរួមជាមួយប្ដីចូល ទៅឃាត់ខ្លួន<br />ប្រគល់ ឱ្យសមត្ថកិច្ចមូលដ្ឋាន ក្រោយពីជន សង្ស័យរូបនេះ បានចូលទៅប៉ងចាប់រំលោភ <br />ខណៈដែលស្ដ្រីរងគ្រោះ ចូលទៅបត់ជើង តូចនៅក្នុងបន្ទប់អនាម័យរបស់ស្ថានីយប្រេង ខណៈ<br />ដែលប្ដីរបស់នាង បានឈប់រថយន្ដចាំនៅខាងក្រោយ កាលពីវេលាម៉ោង៨និង៣០នាទីយប់<br />ថ្ងៃទី២១ ខែសីហា ឆ្នាំ២០១៣ ។</p>
<p>មន្ដ្រីនគរបាលមូលដ្ឋានបានឱ្យដឹងថា ជន ល្មោភកាមរូបនេះ ឈ្មោះស៊ឹម ស៊ីថា អាយុ ២៤ឆ្នាំ <br />ស្នាក់នៅផ្ទះ ជួល ផ្លូវលំ ភូមិក្បាលដំរី សង្កាត់កាកាប ខណ្ឌពោធិ៍សែន ជ័យ បច្ចុប្បន្ន ជាសន្ដិ<br />សុខរបស់ក្រុមហ៊ុន MPA ហើយត្រូវបានក្រុមហ៊ុន បញ្ជូនឱ្យមកយាមការពារនៅស្ថានីយប្រេង<br />កាល់តិច ស្ថិតនៅចំណុចកើត ហេតុ ខាងលើ។ ដោយឡែកនារីរងគ្រោះ ដែលជនសង្ស័យ<br />ចាប់រំលោភមិនបានសម្រេចនោះ ឈ្មោះហាង ស៊ីណាត អាយុ២២ឆ្នាំ ស្នាក់នៅផ្ទះជួល ផ្លូវលំ<br /> ភូមិព្រៃព្រីង ខាងត្បូង សង្កាត់ចោមចៅ ខណ្ឌពោធិ៍សែន ជ័យ មុខរបរនៅផ្ទះ ។</p>
<p>បើតាមសមត្ថកិច្ច មុនពេលកើតហេតុ នារីរងគ្រោះនឹងប្ដី បានជិះរថយន្ដកាមរីបាឡែន ស៊េរីឆ្នាំ<br />២០០២ ពណ៌ទឹកមាស ពាក់ស្លាកលេខ ភ្នំពេញ 2S-3427 ដោយប្ដីរបស់ ខ្លួន ឈ្មោះព្រាប សុ<br />វិជ្ជា ជាអ្នកបើក ធ្វើដំណើរចេញពីផ្ទះមិត្ដ ភក្ដិនៅសង្កាត់ទឹកល្អក់ទី២ ខណ្ឌទួលគោក ។</p>
<p>លុះពេលពួកគេធ្វើដំណើរមកដល់ចំណុចស្ថានីយប្រេងកាល់តិច នារីជាភរិយា ឈឺបត់ជើងតូច<br /> ក៏ឱ្យប្ដីចាំនៅខាងក្រៅ ហើយខ្លួនបានចូលទៅបត់ជើងតូច នៅក្នុងបន្ទប់អនាម័យរបស់ស្ថានីយ។<br /> នៅពេលដែល កំពុងបត់ជើងតូចនោះ ស្រាប់តែជនសង្ស័យរូបនេះរុញទ្វារ ដើម្បីចង់ចាប់រំលោភ<br /> ប៉ុន្ដែត្រូវបាននារីរងគ្រោះ ប្រតាយប្រតប់ស្រែកឆោឡោបង្កឱ្យមានការភ្ញាក់ផ្អើល និងឮដល់ប្ដី<br />របស់ខ្លួន ចូលមកចាប់ប្រគល់ឱ្យ សមត្ថកិច្ចតែម្ដង។</p>
<p>បច្ចុប្បន្នជនល្មោភកាមជាសន្ដិសុខឯក ជនរូបនេះ ត្រូវបានឃុំខ្លួនជាបណ្ដោះអាសន្ន នៅអធិការ<br />ដ្ឋាន នគរបាល ខណ្ឌសែនសុខ ដើម្បីកសាងសំណុំរឿងបញ្ជូនទៅតុលាការ ផ្ដន្ទាទោសតាមផ្លូវ<br />ច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0423.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>