<p><span style="color: #000000;"><strong>ភ្នំពេញ៖</strong> បន្ទាប់ពីមានគេហទំព័រក្នុងស្រុកមួយ បានធ្វើការចុះផ្សាយ ដោយវាយប្រហារខ្លាំងៗ ទៅលើតារាចម្រៀង របស់ផលិតកម្ម សាន់ដេ លោក អីុណូ ដោយក្នុងអត្ថបទបានសរសេរថា តារាចម្រៀង អ៊ីណូ ត្រូវបានផលិតកម្មលែង ខ្ចីរវី រវល់ខ្វាយខ្វល់ ព្រោះតែលោកមិនដែលចូលមក ក្នុងក្រុមហ៊ុន ពោលគិតតែដើរច្រៀងលក់សំបុត្រតាមខេត្តឲ្យ ផលិតផលនានា យកលុយដាក់ក្នុងហោប៉ៅខ្លួនឯង មិនគោរពបទបញ្ជាផ្ទៃក្នុង របស់ក្រុមហ៊ុន ហើយក្រុមហ៊ុនអាច នឹងមានវិធានការក្ដៅ ចំពោះលោករួចមក បានធ្វើឲ្យតារារូបនេះ ក្ដៅចុងច្រមុះ ហួសចិត្តនឹងពព័ត៌មានខាងលើ និង យល់ជាព័ត៌មានបង្កាច់បង្ខូចកេរ្តិ៍ឈ្មោះ លោកពេលកំពុងល្បី។</span></p>
<p><span style="color: #000000;">ម្ចាស់បទ«បែកអូន៥ខែ អូនស្អាតជាងមុន» លោក អ៊ីណូ បានសម្ដែងការហួសចិត្ត និងគិតថា ជាព័ត៌មានបំផ្លើសគ្មានការពិត ខណៈដែលម្ចាស់ផលិតកម្ម និងរូបលោកផ្ទាល់ ពុំដែលមានបញ្ហាល្អក់កករ នឹងគ្នាសោះឡើយ។ មិនត្រឹមតែគ្មានបញ្ហាជាមួយគ្នានោះទេ បច្ចុប្បន្នផលិតកម្ម បានបន្ថែមបទចម្រៀង ឲ្យលោកច្រៀងជាបន្តបន្ទាប់ ដោយបានចេញថតជាហូរហែ គ្មានពេលសម្រាក ជាពិសេសអាល់ប៊ុមថ្មី «ក្បាច់គុនមនុស្សចិត្តស្មោះ» ដែលជាអាល់ប៊ុម មានការនិពន្ធ ទំនុកភ្លេងគ្រប់យ៉ាង គឺជាការនិពន្ធថ្មី ដល់ទៅ៧០% មិនមានការចម្លង ពីបរទេស ។</span></p>
<p><span style="color: #000000;">លោក អ៊ីណូ និយាយ« ខ្ញុំហួសចិត្តតែម្ដងបង..! ពេលឃើញព័ត៌មាននេះ មិនដឹងជាគេបានរឿងនេះមកពីណាទេ ចេះតែផ្សាយហើយ..! ខ្ញុំនៅតាមខេត្តអត់បានដឹងផង តែបានម្ចាស់ផលិតកម្ម បងស្រេង (លោក ឡាយ សុខចំរើន) ប្រាប់តើ ទើបដឹង..! ។ ខ្ញុំនឹងផលិតកម្ម មិនដែលមានរឿងអ្វីជាមួយគ្នាទេ មានតែផលិតកម្មពេញចិត្ត..! និយាយរឿងនេះជាមួយខ្ញុំម្ដេចនឹងត្រូវ..! បើនិយាយជាមួយអ្នកផ្សេងទើបត្រូវ..! »។</span></p>
<p><span style="color: #000000;">លោក អ៊ីណូ បានសង្កត់ធ្ងន់ថា បច្ចុប្បន្នលោកកំពុងតែ មានភាពកក់ក្ដៅ ជាមួយនឹងផលិតកម្ម ព្រោះផលិតកម្ម បានផ្ដល់បទ ចម្រៀងឲ្យលោក មួយវ៉ុលតែម្នាក់ឯងជាពិសេសតែម្ដង ផ្ទុយស្រឡះពីព័ត៌មានខាងលើ ដែលថា លោកមិនគោរពបទបញ្ជាផ្ទៃក្នុង របស់ក្រុមហ៊ុនហើយគិតតែច្រៀងតាមខេត្ត រកលុយដាក់ក្នុងហោប៉ៅខ្លួនឯង។ អ៊ីណូ បន្ថែមថា ចំពោះការងារខាងក្រៅ គឺលោកមិនឲ្យមានភាពល្អក់កករ ជាមួយក្រុមហ៊ុនឡើយ ។</span></p>
<p><span style="color: #000000;">អ្វីដែលលោក កាន់តែមិនអាចទទួលយកបាននោះ គឺនៅត្រង់ថា ផលិតកម្មប្រុងចាត់វិធានការណ៍ក្ដៅ ចំពោះលោក ធ្វើឲ្យអ៊ីណូ ចោទជាសំណួរថា តើវិធានការណ៍ក្ដៅរឿងអ្វី? លោកធ្វីអ្វីខុស? លោកសូមច្រានចោល ការលើកឡើងនេះទាំងស្រុង ពោលពេលធ្វើអ្វីមួយ តែងតែមានការអនុញ្ញាត និងមានការពិភាក្សា ជាមួយក្រុមហ៊ុនច្បាស់លាស់ ទើបអាចធ្វើបាន គឺមិនអាចរំលង ជាដាច់ខាត៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/26/45-26-05-2015--16-39-23.jpg"><img src="/FileManager/Articles/mce/2015/5/26/45-26-05-2015--16-39-23.jpg" alt="" /></a></span></p>
<p><a class="thickbox" title="" href="/FileManager/Commons/2015/5/26/46-26-05-2015--16-39-32.jpg"><img src="/FileManager/Articles/mce/2015/5/26/46-26-05-2015--16-39-32.jpg" alt="" /></a></p>
<p><a class="thickbox" title="" href="/FileManager/Commons/2015/5/26/47-26-05-2015--16-39-38.jpg"><img src="/FileManager/Articles/mce/2015/5/26/47-26-05-2015--16-39-38.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>