<p>ឧទាហរណ៍ ប្រសិន ប្រាក់ចំណូលប្រចាំខែរបស់អ្នក គឺ ២,០០០យ័ន (ប្រហែល ៣៣០ដុល្លារ) អ្នក<br />មានបំផុតនៅអាស៊ី លោក Li Ka-Shing ណែនាំថា ចូរបែងចែកប្រាក់នេះ ទៅជា ៥ចំណែក ៖ ចាយ<br />វាយប្រចាំថ្ងៃ រាប់អានមិត្ត សិក្សា ទេសចរណ៍ និងវិនិយោគ។</p>
<p style="text-align: center;"><a class="thickbox" title="" href="/FileManager/Commons/2014/2/20/likashingheader-20-02-2014--12-09-07.png"><img src="/FileManager/Articles/mce/2014/2/20/likashingheader-20-02-2014--12-09-07.png" alt="" /></a></p>
<p style="text-align: center;"><em>មហាសេដ្ឋី របស់ហុងកុង Li Ka-Shing</em></p>
<p><br />កំពូលអ្នកមាន Li Ka-Shing (ហុងកុង) បច្ចុប្បន្ន គឺជាមហាសេដ្ឋីដែលមានទ្រព្យច្រើនជាងគេ នៅ<br />អាស៊ី ដោយមានទ្រព្យសរុប ២៩,១ពាន់លានដុល្លារអាមេរិក នេះបើតាម Bloomberg ។ មានប្រវត្តិ<br />ជាកូនកំព្រា លោកបានប្រឹងប្រែង តស៊ូ ដើម្បីជីវិត និងដើម្បីភាពមានបាន។ ក្រោយមក Li Ka-Shing <br />ក៏បានបង្កើត “អាណាចក្រ” Cheung Kong និង Hutchison Whampoa ទន្ទឹមនឹងការធ្វើជំនួញក្នុង<br />វិស័យជាច្រើន ចាប់ពីកំពង់ផែសមុទ្រ ប្រេងឧស្ម័ន លក់រាយ ទូរគមនាគមន៍ រហូតដល់អចលនទ្រព្យ។<br /><br />ថ្មីៗនេះ គេហទំព័រ e27 បានចុះផ្សាយអត្ថបទមួយរបស់មហាសេដ្ឋី Li Ka-Shing ក្នុងនោះ លោកក៏ បានចែករំលែកអំពីវិធីសាស្ដ្រកែលំអជីវភាពក្នុងរយៈពេល ៥ឆ្នាំ។<br /><br />ឧទាហរណ៍ ប្រសិន ប្រាក់ចំណូលប្រចាំខែរបស់អ្នក គឺ ២,០០០យ័ន (ប្រហែល ៣៣០ដុល្លារ) អ្នក<br />មានបំផុតនៅអាស៊ី លោក Li Ka-Shing ណែនាំថា ចូរបែងចែកប្រាក់នេះ ទៅជា ៥ចំណែក ៖</p>
<p>ខ្ទង់ប្រាក់ដំបូង (៦០០យ័ន/ ៩៨ដុល្លារ) ប្រើសម្រាប់ការហូបចុកប្រចាំខែ។ អ្នកអាចចំណាយក្រោម <br />២០យ័ន ក្នុងមួយថ្ងៃ។ ចូរហូបមី (ឬ នំបញ្ចុក) ពងទាស្ងោរមួយគ្រាប់ និងទឹកដោះគោមួយកែវ នៅ<br />ពេលព្រឹក។ ពេលថ្ងៃត្រង់ គឺហូបតែអាហារឆ្អិនស្រាប់ និងផ្លែឈើខ្លះ ដូចជាផ្លែចេកណាំវ៉ាជាដើម។ <br /> ចំណែកពេលល្ងាច គឺត្រូវចម្អិនអាហារដោយខ្លួនឯង និងហូបទឹកដោះគោមួយកែវ មុនពេលចូលគេង។ <br />ការហូបចុកបែបនេះ អ្នកនឹងត្រូវប្រាក់ចំណាយអស់ត្រឹមតែ ពី ៥០០ ទៅ ៦០០យ័នប៉ុណ្ណោះ ក្នុងមួយ<br />ខែ។<br /> <br />ខ្ទង់ប្រាក់ទីពីរ (៤០០យ័ន/ ៦៥ដុល្លារ) គឺសម្រាប់រាប់អានមិត្តភ័ក្ដិ បង្កើតទំនាក់ទំនង។ ប្រការនេះនឹង<br />ផ្ដល់ផលល្អដល់អ្នកនៅពេលណាមួយ។ អ្នកអាចចំណាយ ១០០យ័ន ទៅលើទូរស័ព្ទ ក្នុងមួយខែ។ <br />ទន្ទឹមនឹងនេះ អ្នកអាចចេញថ្លៃអ្វីមួយជំនួសមិត្តភ័ក្ដិ ម្ដង ឬពីរដង ក្នុងមួយខែ គឺអស់ប្រហែល ៣០០<br />យ័ន។ ក្នុងការរាប់អានមិត្តភ័ក្ដិ អ្នកគួរតែជ្រើសរើសមនុស្សដែលមានចំណេះដឹងច្រើន និងមានទ្រព្យ<br />ច្រើនជាងខ្លួន ឬមនុស្សដែលអាចជួយអ្នក ក្នុងការរកស៊ី និងការងារ។ ក្រោយរយៈពេលមួយឆ្នាំ ទំនាក់<br />ទំនងនេះ នឹងនាំមកនូវប្រយោជន៍យ៉ាងច្រើនដល់អ្នក។ <br /><br />ខ្ទង់ទីបី (៣០០យ័ន/៥០ដុល្លារ) គឺសម្រាប់បង្កើនចំណេះដឹង ។ ជារៀងរាល់ខែ ចូរចំណាយប្រហែល<br />ពី ៥០ ទៅ ១០០យ័ន ដើម្បីទិញសៀវភៅ។ ពេលមានសៀវភៅ អ្នកត្រូវអានខ្លឹមសារឱ្យបានច្បាស់<br />លាស់ និងដកស្រង់នូវមេរៀន និងយុទ្ធក្នុងនោះ។ បន្ទាប់ពីបានអាន អ្នកគួររៀបរាប់ឡើងវិញប្រាប់មិត្ត<br />ភ័ក្ដិ ដើម្បីលើកកំពស់ភាពជឿជាក់ និងបង្កើនទំនាក់ទំនង។ ក្រៅពីនេះ អ្នកក៏គួរចំណាយ ២០០យ័ន<br /> សម្រាប់ចូលរួមក្នុងវគ្គបណ្ដុះបណ្ដាល ដើម្បីបំប៉នចំណេះដឹង និងជួបជុំក្រុមអ្នកមនុស្សដែលមាន<br />គំនិតដូចអ្នក។<br /><br />ខ្ទង់ចំណាយទីបួន (២០០យ័ន/៣៣ដុល្លារ) គឺសន្សំសម្រាប់ទេសចរណ៍។ ចូរធ្វើឱ្យជីវិតរបស់អ្នក កាន់<br />តែមានន័យ ដោយការធ្វើដំណើរទៅលំហែកាយនៅតំបន់ទេសចរណ៍នានា យ៉ាងតិច ឱ្យបានម្ដង/ឆ្នាំ។ <br /><br />ខ្ទង់ចំណាយចុងក្រោយ (៥០០យ័ន/ ៨២ដុល្លារ) គឺសម្រាប់ការវិនិយោគ។ ដំបូងគឺត្រូវសន្សំនៅធនា<br />គារ ដោយចាត់ទុកវាជាទុនសម្រាប់បង្កើតមុខរបររបស់អ្នក។ ក្រោយការសន្សំ រយៈពេល ៥ឆ្នាំ ទឹកប្រាក់<br />របស់អ្នកក្នុងធនាគារ នឹងកើនដល់ប្រហែល ៥,០០០ ដុល្លារអាមេរិក ហើយអ្នកអាចប្រើប្រាស់ប្រាក់<br />សន្សំនេះ ដើម្បីបើកកូនហាង ឬកូនក្រុមហ៊ុនមួយ។ ចូរចាប់ផ្ដើមការរកស៊ីរបស់អ្នក ដោយមុខជំនួញតូច<br />តាច ដោយសារថា អ្នកមិនទាន់មានបទពិសោធច្រើន ហើយបើខាត ក៏ខាតតិច។ ពេលមានបទ<br />ពិសោធក្នុងការរកស៊ីច្រើន និងរកបានប្រាក់ច្រើនជាងមុន អ្នកអាចគិតដល់ការពង្រីកមុខរបរ ដើម្បីជា<br />បង្អែករឹងមាំផ្នែកហិរញ្ញវត្ថុ សម្រាប់ផ្គត់ផ្គង់ជីវភាពគ្រួសារ។<br /><br />និយាយអំពីប្រាក់ខែ នៅពេលចូលមកដល់ឆ្នាំទីពីរ ប្រសិនប្រាក់ខែរបស់អ្នក នៅតែត្រឹម ២,០០០យ័ន<br /> នោះអ្នកគួរតែមានការខ្មាសខ្លួនឯង ដោយសារមិនទាន់បានអភិវឌ្ឍខ្លួនឯង ហើយចំនួននេះ ប្រាកដជា មិនអាចតាមទាន់នូវបញ្ហាទំនិញឡើងថ្លៃ។ ប្រសិនប្រាក់ខែឡើងដល់ ៣,០០០យ័ន(ប្រហែល ៥០០<br />ដុល្លារ) នោះអ្នកក៏នៅតែត្រូវធ្វើការដោយយកចិត្តទុកដាក់។ ចូរស្វែងរកការងារបន្ថែម ល្អបំផុតគឺធ្វើជា<br />បុគ្គលិកផ្នែកជំនួញ។ ប្រការនេះនឹងមានប្រយោជន៍ដល់មុខរបររបស់អ្នក នាពេលខាងមុខ។<br /><br />ក្នុងអំឡុងពេលនេះ ចូរកុំចំណាយប្រាក់ច្រើនទៅលើសម្លៀកបំពាក់ តែត្រូវសន្សំសំចៃឱ្យបានជាអតិ<br />បរមា។ អ្នកអាចទិញអំណោយតិចតួច ជូនមិត្តភ័ក្ដិដែលអ្នកយល់ថា ពួកគេនឹងអាចជួយអ្នកបាន។<br /><br />យុទ្ធសាស្ដ្រខាងលើ នឹងអាចជួយឱ្យអ្នកចាកផុតពីភាពក្រីក្រ និងក្លាយជាមនុស្សដែលមានកេរឈ្មោះ <br />មានកិត្តិយសក្នុងសង្គម៕</p>
<p> </p>
<p><strong>អត្ថបទសំខាន់ៗ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/48965/its-a-mason-jar-its-a-cocktail-shaker-its-a-hit"><span style="color: #3366ff;">រកបានវាល់លានដុល្លារ ដោយសារដប ក្រឡុកសា្រ</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/56192/couple-lives-on-1-a-day-to-pay-for-home"><span style="color: #3366ff;">មួយថ្ងៃ ចាយមួយដុល្លារ ដើម្បីទុកប្រាក់ទិញផ្ទះ ៖ ការតស៊ូដ៏អស្ចារ្យ របស់ប្ដីប្រពន្ធ មួយគូ</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/56027/using-foreign-currency-help-north-korean-become-rich"><span style="color: #3366ff;">ប្រជាជនកូរ៉េខាងជើង កំពុងតែមានឡើងៗ</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ VE/ E27<br /><br /></p>