<p><strong>ព្រះសីហនុៈ</strong> យុវជន ៦នាក់ ជិះរថយន្តកាមរីបាឡែន មួយគ្រឿង ទៅលេងឆ្នេរសមុទ្រ ថ្ងៃចូលឆ្នាំ<br />ចិន លឿនដូចហោះ បណ្តាលឲ្យក្រឡាប់ និងផ្ទុះឆេះ ស្លាប់ទាំង៦នាក់ ស្ថិតនៅតាមបណ្តោយ<br /> ផ្លូវជាតិលេខ ៤ ម្តុំចំការដូងប្រេង ក្នុងស្រុកព្រៃនប់ ខេត្តព្រះសីហនុ នាវេលាម៉ោង ប្រមាណជា <br />១១ និង៣០ព្រឹកថ្ងៃចន្ទ ទី១១ ខែកុម្ភៈ ឆ្នាំ២០១៣។</p>
<p>បើតាមព័ត៌មានជំហានដំបូងពីស្នងការនគរបាលខេត្តព្រះសីហនុ លោកឧត្តមសេនីយ៍ តាក់ វ៉ាន់ថា<br /> បានឲ្យដឹងថា យុវជនដែលត្រូវភ្លើងឆេះស្លាប់ក្នុង រថយន្តទាំង៦នាក់នោះ ប្រុស៥នាក់ និងស្រី១នាក់ បានធ្វើដំណើរតាមរថយន្តកាមរីបាឡែន ក្នុងទិសដៅ ពីរាជធានីភ្នំពេញ ឆ្ពោះទៅលេងឆ្នេរសមុទ្រ<br />ក្រុងព្រះសីហនុ។</p>
<p>លោកបានបន្តថា រថយន្តកាមរីបាឡែន បានក្រឡាប់ផ្ងារឡើងលើផ្ទុះឆេះអស់ទាំងស្រុង បណ្តាលឲ្យ<br />យុវជន៤នាក់ឆេះស្លាប់ក្នុងរថយន្ត សុះគ្មានសល់ឆ្អឹង និង២នាក់ទៀត លូនមកស្លាប់នៅខាងក្រៅរថ<br />យន្ត។</p>
<p>បើតាមសាក្សី ដែលឃើញហេតុការណ៍បានឲ្យដឹងថា នៅមុនពេលកើតហេតុរថយន្តកាមរីបាឡែន<br />ខាងលើ បាន បោះពួយយ៉ាងលឿនក្នុងទិសដៅឆ្ពោះទៅក្រុងព្រះសីហនុ ពេលដល់ចំណុចកើតហេតុ<br />បានរេចង្កូតធ្លាក់ផ្លូវ បណ្តាលឲ្យក្រឡាប់ផ្ងារឡើងលើ ហើយផ្ទុះឆេះយ៉ាងសន្ធោរសន្ធៅតែ ម្តង។</p>
<p>សាក្សីដែលឃើញហេតុការណ៍សោកនាដកម្មលើដងផ្លូវ នាថ្ងៃបុណ្យចូលឆ្នាំចិននេះ ក៏បន្តឲ្យដឹងថា<br />ខណៈដែលរថយន្ត ផ្ទុះឆេះនោះ មានជនរងគ្រោះតែ២នាក់ប៉ុណ្ណោះ ក្នុងចំណោម៦នាក់ បានលូន<br />ចេញពីក្នុងរថយន្តតែមិនអាចជួយ សង្រ្គោះជីវិតបាននោះទេ។ ដោយឡែក៤នាក់ ផ្សេង ទៀតត្រូវ<br />ឆេះស្លាប់ក្នុងរថយន្ត រកតែឆ្អឹងសឹងមិនបានផង។</p>
<p>សាក្សីរូបនេះ ក៏បានឲ្យដឹងផងដែរថា ខណៈដែលកំពុងឆេះ ស្រាប់តែមានរថយន្តដឹកប្រេងក្រុមហ៊ុន<br />សូគីមិច របស់ លោកឧកញ៉ា សុខ គង់ បានមកដល់ តែស្មារតីអ្នកបើកបរល្អ បានបួងចង្កូតទម្លាក់ផ្លូវ<br />ចូលទៅក្នុងចំការដូងប្រេង។ ប្រសិនបើរថយន្តដឹកប្រេងមួយជ្រុលមកបុកទៀតនោះ ហេតុការណ៍<br />មិនដឹងជាយ៉ាងណានោះទេ។</p>
<p>ក្រោយកើតហេតុភ្លាមៗនោះ ក៏មានរថយន្តពន្លត់អគ្គិភ័យប្រចាំនៅចំការដូងប្រេងរបស់លោកឧក<br />ញ៉ា ម៉ុង ឬទ្ធី បាន ចេញមកជួយបាញ់ពន្លត់រថយន្តកាមរីបាឡែន ដែលឆាបឆេះនោះផងដែរ។</p>
<p>អធិការរងរទទួលបន្ទុកចរាចរណ៍ នៃអធិការដ្ឋាននគរបាលស្រុកព្រៃនប់ លោក សេង ចំរើន បាន<br />ប្រាប់មជ្ឈ មណ្ឌល ព័ត៌មានដើមអម្ពិលតាមទូរស័ព្ទថា ជនរងគ្រោះទាំងអស់ជាអ្នករស់នៅក្នុងរាជ<br />ធានីភ្នំពេញ ១. ឈ្មោះ ងួន ចាន់ សេរី អាយុ ២២ឆ្នាំ, ២. ឈ្មោះ យឹម សុគន្ធិគុន អាយុ ២២ឆ្នាំ, ៣. <br />ឈ្មោះ ឡេង សេរី វឌ្ឍនា អាយុ ២៤ឆ្នាំ, ៤. ឈ្មោះ ហុក ឃៀន អាយុ ២៣ឆ្នាំ, ៥. ឈ្មោះ សេង សុ<br />ភក្រ្តា អាយុ ២៤ឆ្នាំ និងទី៦ ជានារីឈ្មោះ តុប សេរីវឌ្ឍ នា អាយុ ២០ឆ្នាំ។</p>
<p>លោក សេង ចំរើន បន្តថា រហូតដល់រសៀលថ្ងៃទី១១ ថ្ងដដែលនេះ សពជនរងគ្រោះទាំងអស់ ត្រូវ<br />បានក្រុម គ្រួសារមកទទួលយកទៅអស់ហើយ៕</p>
<p style="text-align: center;"><img src="http://111.92.240.170:81/dap-news/dap-images/2013/February/id-009/ST-134.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-009/ST-135.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-009/ST-127.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-009/ST-128.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-009/ST-129.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-009/ST-130.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-009/ST-131.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-009/ST-132.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-009/ST-133.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>