<p id="aui_3_2_0_1621">Saygus ក្រុមហ៊ុនផលិតឧបករណ៍អេឡិចត្រូនិចអាមេរិច បានប្រកាសឲ្យដឹងថា នឹងធ្វើការបង្ហាញ ណែនាំនូវកំពូលស្មាតហ្វូនមួយ ដែលមានសមត្ថភាពអាចប្រើបានប្រព័ន្ធប្រតិបត្តិការពីរ ក្នុងឧបករណ៍ តែមួយ។</p>
<p style="text-align: center;"><a href="http://www.camnews.com.kh/News/Detail/58074/ceo-blackberry-embarrassed-because-his-wife-prefer-samsungs-phone"><em><span style="color: #3366ff;">...អាន៖ CEO Blackberry ទទួលរងភាពអាម៉ាសមិនតិចឡើយ ដោយសារតែប្រពន្ធរបស់គាត់ ជាអ្នកគាំទ្រ ផ្កាប់មុខរបស់ Samsung</span></em></a></p>
<p style="text-align: center;"><a class="thickbox" title="" href="/FileManager/Commons/2014/11/13/1350346-13-11-2014--08-28-39.jpg"><img src="/FileManager/Articles/mce/2014/11/13/1350346-13-11-2014--08-28-39.jpg" alt="" /></a></p>
<p id="aui_3_2_0_1616">យោងតាមប្រភពព័ត៌មានពីក្រុមហ៊ុនផលិត ស្មាតហ្វូន Saygus V-Squared ត្រូវបានដំឡើងពីបណ្តា ឧបករណ៍គ្រឿងផ្សំ និងវត្ថុធាតុលំដាប់ខ្ពស់។ ស្មាតហ្វូនមានការរចនាម៉ូត តម្រូវដល់បុរសភេទ ប្រើ Android 4.4 KitKat ហើយនឹងមាន "សមត្ថភាពប្រើបានប្រព័ន្ធប្រតិបត្តិការពីរ"។ ក្រៅពី Android ស្មាតហ្វូននេះត្រូវបានគេរំពឹងទុកថា នឹងអាចប្រើបានប្រព័ន្ធប្រតិបត្តិការ Windows Phone មួយទៀត។</p>
<p>V-Squared ត្រូវបានបំពាក់នូវបណ្តា Feature គួរឲ្យទាក់ទាញជាច្រើនដូចជា Sensor ស្គែនក្រយៅដៃ បច្ចេកវិទ្យាសម្លេង Harman Kardon រន្ធដោតមេម៉ូរីក្រៅពីរ (ផ្គត់ផ្គង់ដល់ទំហំអតិបរមា 256GB)។ ដូច្នេះ បើបូករួមជាមួយនឹង 64GB ទំហំមេម៉ូរីក្នុងស្មាតហ្វូនទៀត នោះអ្នកប្រើប្រាស់នឹងមានទំហំមេម៉ូរីទាំង អស់ឡើងដល់ 320GB។ V-Squared ក៏មានផ្គត់ផ្គង់ Wireless HD ផងដែរ។ ស្មាតហ្វូនមានកាមេរ៉ា ក្រោយ 21MP និងកាមេរ៉ាមុខ 13MP។ កាមេរ៉ាទាំងពីរនេះ សុទ្ធតែមានបំពាក់បច្ចេកវិទ្យាទប់រំញ័រ ជាស្រេច។</p>
<p style="text-align: center;"><a href="http://www.camnews.com.kh/News/Detail/84019/iphone-6-pluss-run-windows-98"><em><span style="color: #3366ff;">...អាន៖ អីយ៉ា! iPhone 6 Plus ប្រើបាន Windows 98 ផង</span></em></a> </p>
<p style="text-align: center;"><a class="thickbox" title="" href="/FileManager/Commons/2014/11/13/1350349-13-11-2014--08-29-08.jpg"><img src="/FileManager/Articles/mce/2014/11/13/1350349-13-11-2014--08-29-08.jpg" alt="" /></a></p>
<p>បើទោះបីជាមិនបានបង្ហាញពីសន្ទស្សន៍ IP ប៉ុន្តែ Saygus បានប្រកាសឲ្យដឹងថា V-Squared ក៏ត្រូវបាន បំពាក់នូវ Feature ការពារជម្រាបទឹកដែរ។ លក្ខណៈសម្បត្តិនៅសល់ផ្សេងទៀតរបស់ស្មាតហ្វូននេះ រួមមាន អេក្រង់ទំហំ 5 inch រីសូលុយហ្សិន 1080p, រន្ធ <span id="result_box" class="short_text" lang="en"><span class="hps">Infrared</span> <span class="hps">IR</span></span>, CPU Quad Core Snapdragon 2.5GHz (អាចជា Snapdragon 801), Ram 3GB, ថាមពលថ្ម 3100mAh មានសមត្ថភាពផ្គត់ផ្គង់ ថាមពលប្រហាក់ប្រហែលនឹង បរិមាណថ្ម 4500mAh ធម្មតា។ វាក៏មានផ្គត់ផ្គង់ការសាកថ្ម អត់ខ្សែផង ដែរ។</p>
<p style="text-align: center;"><a href="http://www.camnews.com.kh/News/Detail/95473/video-xperia-z3-run-android-50-lollipop-version-original"><em><span style="color: #3366ff;">...អាន៖ ទស្សនាវីដេអូ Xperia Z3 ប្រើប្រព័ន្ធប្រតិបត្តិការ Android 5.0 Lollipop វ៉ើហ្សិនដើម (Original Version) បន្តិចទៅមើល៍</span></em></a></p>
<p style="text-align: center;"><a class="thickbox" title="" href="/FileManager/Commons/2014/11/13/1350343-13-11-2014--08-29-29.jpg"><img src="/FileManager/Articles/mce/2014/11/13/1350343-13-11-2014--08-29-29.jpg" alt="" /></a></p>
<p>បច្ចុប្បន្ននៅមិនទាន់ដឹងច្បាស់ ពីពេលវេលានៃការដាក់លក់នៅលើទីផ្សារ ក៏ដូចជាតំលៃលក់របស់ Saygus V-Squared នៅឡើយទេ។ ជាក់ស្តែងដោយសារតែស្មាតហ្វូនដណ្តើមបានពានរង្វាន់ CES 2015 Innovation Award ដូច្នេះសឹងតែប្រាកដថា វានឹងត្រូវបានដាក់បង្ហាញខ្លួន នៅក្នុង CES 2015 ដែលនឹងប្រារព្ធធ្វើឡើងនៅក្នុងខែ មករា ឆ្នាំ ២០១៥ ខាងមុខនេះ៕</p>
<p><a href="http://www.camnews.com.kh/News/Detail/36125/galaxy-note-5-will-use-4k-screen-pixel-density-700-ppi"><span style="color: #3366ff;"><em>...អាន៖ ឮថា Galaxy Note 5 នឹងប្រើប្រាស់អេក្រង់ 4K និងកំរិតដង់ស៊ីតេភិចហ្សែលឡើងដល់ 700 ppi ច្បាស់យ៉ាងណាទៅហ្ន៎?</em></span></a></p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ PhoneArena, Vreview</p>
<p> </p>