<div class="article-content">
<p><strong>តាកែវ៖</strong> បុរសវ័យចំណាស់អាយុជិត ៨០ឆ្នាំទៅហើយ ត្រូវបានសមត្ថកិច្ចឃាត់ខ្លួន កាលពី<br />ម៉ោង៥ល្ងាចថ្ងៃទី៩ ខែ កក្ដដា ឆ្នាំ២០១៣ បន្ទាប់ពីក្រុមគ្រូសារក្មេងស្រីរងគ្រោះបានប្ដឹងថា<br />លោកតា បានបៀតបៀនកេរ្តិ៍ខ្មាស កូនស្រីរបស់ខ្លួន ដែលជាអនីតិជនមានវ័យ ១៥ឆ្នាំ។</p>
<p>យោងតាមមន្រ្តីនគរបាល ស្រុកព្រៃកប្បាស់ បានប្រាប់ឲ្យដឹងថា តាចាស់វ័យជិត ៨០ឆ្នាំ <br />ដែលសមត្ថកិច្ច ឃាត់ខ្លួននេះ មានឈ្មោះ គង់ ម៉ៅ មានទីលំនៅ ភូមិតាវង់ ឃុំដានកាម<br /> ស្រុកព្រៃកប្បាស់ និងមានមុខរបបជាកសិករ។</p>
<p>សមត្ថកិច្ចបានបន្តថា តាមពាក្យបណ្ដឹងរបស់គ្រួសារ ជនរងគ្រោះ បានរៀបរាប់ថា បុរស<br />ចំណាស់រូបនេះ និងមិត្តភក្តិរបស់ខ្លួនបីបួននាក់ទៀត បានមកផឹកស៊ីនៅ ហាងផឹកស៊ីមួយ<br />កន្លែង។ លុះផឹកស្រាសអស់ចំនួន៥លីត្រខណៈកូនស្រីម្ចាស់ហាងជួយលើកសាច់ក្លែមឲ្យ<br /> ស្រាប់តែបុរសចំណាស់នេះ បានបៀតបៀនកេរ្តិ៍ខ្មាស់ កូនស្រីម្ចាស់ហាង ដោយចាប់លូក<br />ស្ទាបខ្លួនប្រាណ។</p>
<p>ក្រោយមានហេតុការណ៍បែនេះ កូនស្រីម្ចាស់ហាងបានទៅប្រាប់ឪពុកម្ដាយ និងដាក់ពាក្យ<br />បណ្ដឹងទៅ សមត្ថកិច្ចស្រុកព្រៃកប្បាស់ ដើម្បីឃាត់ខ្លួនតែម្តង។</p>
<p>បើតាមសមត្ថកិច្ចក្រុមគ្រូសាររងគ្រោះ បានយល់ព្រមចរចាគ្នាដើម្បីបញ្ចប់រឿងដោយ ទាម<br />ទាសំណងជាង ២លានរៀល ក៏ប៉ុន្តែជនជាប់ចោទ គ្មានលុយបង់ សមត្ថកិច្ចស្រុកព្រៃក<br />ប្បាស់ ក៏បញ្ជូនមកកាន់ស្នងការដ្ឋាន នគរបាលខេត្តតាកែវ ដើម្បីចាត់ការបន្ត៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-030/Kosal-0123.jpg" alt="" width="500" /></p>
<p style="text-align: right;">ដោយ៖ ដើមអម្ពិល<br />ផ្តល់សិទ្ធិដោយ៖ ដើមអម្ពិល</p>
</div>