<p>យោងតាមរបាយការណ៍ពី Economic Times ស្មាតហ្វូន Motorola នឹងបញ្ចេញទូរស័ព្ទឆ្លាតវៃ 4G <br />តម្លៃទាប សម្រាប់ទីផ្សារឥណ្ឌា និងប្រេហ្សីល នាពេលដ៏ខ្លីខាងមុខ។</p>
<p>ដើម្បីពង្រីកទីផ្សារបន្ថែម នៅក្នុងប្រទេសធំៗចំនួនពីរ គឺ ឥណ្ឌា និងប្រេហ្សីល ថ្មីៗនេះ ក្រុមហ៊ុន<br /> Motorola បានប្រកាសគម្រោងបញ្ចេញស្មាតហ្វូនតម្លៃទាប ដែលមានបំពាក់ប្រព័ន្ធចល័ត 4G LTE<br /> សម្រាប់អ្នកប្រើប្រាស់។</p>
<p style="text-align: center;"><a class="thickbox" title="" href="/FileManager/Commons/2014/12/15/moto-g1-15-12-2014--16-55-41.jpg"><img src="/FileManager/Articles/mce/2014/12/15/moto-g1-15-12-2014--16-55-41.jpg" alt="" /></a></p>
<p style="text-align: center;">ស្មាតហ្វូន Moto G1 របស់ក្រុមហ៊ុន Motorola ក៏ធ្លាប់ទទួលបានជោគជ័យធំធេងក្នុងទីផ្សារ<br /><br /></p>
<p>Rick Osterloh អគ្គនាយកប្រតិបត្តិរបស់ក្រុមហ៊ុន Motorola ឱ្យដឹងថា ៖ “ការនិយមងាកមកប្រើ<br />ប្រាស់ប្រព័ន្ទ 4G ចាប់ពីឆ្នាំក្រោយនេះ នឹងកើតឡើងយ៉ាងគំហុក ហើយយើងនឹងខិតខំនាំមកនូវ<br />បទពិសោធផ្នែកល្បឿនលឿន ជាមួយនឹងបណ្ដាឧបករណ៍តម្លៃទាប សម្រាប់អតិថិជន”។</p>
<p>តាមការចេញផ្សាយរបស់សារជីវកម្មទិន្នន័យអន្តរជាតិ (International Data Corporation) ក្រុម<br />ហ៊ុន Motorola គឺជាអ្នកផលិតទូរស័ព្ទធំជាងគេ លំដាប់ទី ៥ ដោយកាន់កាប់ចំណែកទីផ្សារ ៥%<br /> នៅឥណ្ឌា ចំណែកនៅក្នុងពិភពលោក ក្រុមហ៊ុននេះ ជាប់ចំណាត់ថ្នាក់ទី ៣ ក្រោយពីត្រូវបាន<br /> Lenovo ទិញយក។</p>
<p style="text-align: center;"><a class="thickbox" title="" href="/FileManager/Commons/2014/12/15/moto2-15-12-2014--16-51-25.jpg"><img src="/FileManager/Articles/mce/2014/12/15/moto2-15-12-2014--16-51-25.jpg" alt="" /></a></p>
<p style="text-align: center;">Motorola កំពុងរងការប្រកួតប្រជែងខ្លាំងពី Xiaomi នៅឥណ្ឌា<br /><br /></p>
<p>បច្ចុប្បន្ន Motorola កំពុងតែជួបប្រទះឧបសគ្គធំ ដោយមានការប្រកួតប្រជែងកាន់តែខ្លាំងក្លា ពី<br />ក្រុមហ៊ុន Xiaomi ដែលបានបញ្ចេញលក់ស្មាតហ្វូនតម្លៃទាប នៅទីផ្សារឥណ្ឌា។ ប៉ុន្ដែ Xiaomi <br />បច្ចុប្បន្ន ក៏កំពុងជួបបញ្ហាទាក់ទិននឹងការនាំស្មាតហ្វូនចូលប្រទេសឥណ្ឌា ដោយសារឧបករណ៍<br />ខ្លះរបស់ស្មាតហ្វូន Xiaomi រំលោភលើកម្មសិទ្ធិបញ្ហារបស់ Ericsson ។</p>
<p style="text-align: center;"><a class="thickbox" title="" href="/FileManager/Commons/2014/12/15/moto1-15-12-2014--16-46-59.jpg"><img src="/FileManager/Articles/mce/2014/12/15/moto1-15-12-2014--16-46-59.jpg" alt="" /></a></p>
<p style="text-align: center;">Moto X ធ្លាប់ជួយឱ្យ Motorola រីកមុខរីកមាត់ក្នុងទីផ្សារ<br /><br /></p>
<p>មូលហេតុដែលនាំឱ្យ Motorola សម្រេចពង្រីកទីផ្សារក្នុងប្រទេសឥណ្ឌា ចាប់ពីឆ្នាំ ២០១៥ នោះ<br />គឺថា ក្រុមហ៊ុននេះ ធ្លាប់ទទួលបានជោគជ័យ បន្ទាប់ពីបញ្ចេញស្មាតហ្វូន Moto X, Moto G1 និង<br /> Moto G2 ។</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ mobilesquash</p>