<p><span style="color: #000000;"><strong>កំពត៖</strong> ចោរស្រីដៃឆើតម្នាក់ ត្រូវបានកម្លាំង នៃការិយាល័យកណ្តាល នគរបាលព្រហ្មទណ្ឌខេត្ត ចុះឃាត់ខ្លួនបាន នៅកន្លែងហាងលក់ទូរស័ព្ទដៃ ខាងជើងផ្សារសាមគ្គីទីរួមខេត្តកំពត ស្ថិតក្នុងភូមិកំពង់បាយខាងជើង សង្កាត់កំពង់បាយ ក្រុងកំពត នៅវេលាម៉ោង១១និង៣០នាទី ថ្ងៃជិតត្រង់</span><br /><span style="color: #000000;">ទី២៩ ខែកក្កដា ឆ្នាំ២០១៥។</span></p>
<p><span style="color: #000000;">មន្ត្រីនគរបាលព្រហ្មទណ្ឌកម្រិតធ្ងន់ខេត្ត បាននិយាយប្រាប់ មជ្ឈមណ្ឌលព័ត៌មានដើមអម្ពិលថា ក្រោយពីមានខាងជនរងគ្រោះ ឲ្យជួយអន្តរាគមន៍ ថាមានចោរស្រីលួចទូរស័ព្ទរបស់ខ្លួន មកលក់នៅក្នុងហាងខាងលើនោះ ធ្វើឲ្យកម្លាំងចុះទៅកន្លែងកើតហេតុ ឃាត់ខ្លួនបានមុខសញ្ញាចោរភ្លាម ហើយក៏នាំខ្លួនមកសាកសួរ នៅឯការិយាល័យកណ្តាលព្រហ្មទណ្ឌ ដើម្បីឈានទៅចាត់ការតាមនីតិវិធីច្បាប់ ដោយឡែកម្ចាស់ហាងអ្នកលក់ទូរស័ព្ទ ក៏ត្រូវបានកម្លាំង អញ្ជើញនាំយកទៅធ្វើការសាកសួរផងដែរ។ ជនសង្ស័យមិនទាន់ ត្រូវបានស្គាល់អត្តសញ្ញាណនៅឡើយទេ ពីព្រោះកំពុងស្ថិតក្នុងដៃសមត្ថកិច្ចធ្វើការសាកសួរ។</span></p>
<p><span style="color: #000000;">ប្រភពបានឲ្យដឹងថា ចោរស្រីខាងលើនេះ មានជំនាញខាងលួចទូរស័ព្ទដៃ មិនថាទូរស័ព្ទរបស់កម្លាំងសមត្ថកិច្ច, មិនថារបស់អនុរក្សពន្ធនាគារ ឬប្រជាពលរដ្ឋ និងអ្នកជំងឺនានានោះទេ ហើយគេតែងតែដើរលួចទូរស័ព្ទ ដូចជានៅក្នុងស្នងការដ្ឋាន នគរបាលខេត្តក៏មាន លួចរបស់អនុរក្ស</span><br /><span style="color: #000000;">ពន្ធនាគារ, លួចរបស់អ្នកជំងឺក្នុងមន្ទីរពេទ្យបង្អែកខេត្តជាដើម ហើយកន្លងមកកម្លាំងសមត្ថកិច្ច ធ្លាប់ចាប់ខ្លួនចំនួន៥លើក រួចមកហើយដែរ តែមិនរៀងចាលទេ បន្តប្រព្រឹត្តរបៀបចោរកម្មបន្តទៀត៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/29/7-29-2015-4-30-05-pm-29-07-2015--16-36-36.png"><span style="color: #000000;"><img src="/FileManager/Articles/mce/2015/7/29/7-29-2015-4-30-05-pm-29-07-2015--16-36-36.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>