<p><span style="color: #000000;"><strong>-ពួកគេទាំង២នាក់ ត្រូវបានអនុញ្ញាតឲ្យ ចូលបម្រើការងា នៅផ្នែកព័ត៌មានវិទ្យា ក្រសួងមហាផ្ទៃ</strong></span></p>
<p><span style="color: #000000;"><strong>ភ្នំពេញ ៖</strong> សាលាដំបូង រាជធានីភ្នំពេញ កាលពីព្រឹកថ្ងៃអង្គារ៍ទី៣០ ខែកញ្ញា ឆ្នាំ២០១៤ បានប្រកាសសាលក្រម ផ្តន្ទាទោស ជនជាប់ចោទ២នាក់ ដែលជានិស្សិត ជំនាញផ្នែកព័ត៌មានវិទ្យា នៃ សាកលវិទ្យាល័យស៊ីតិច ដោយសម្រេច ដាក់ពន្ធនាគារពួកគេ ម្នាក់ៗ រយៈពេល២ឆ្នាំ តែអនិវត្តទោស នៅក្នុងពន្ធនាគារ ម្នាក់ត្រឹមតែ ៥ខែ និង២០ថ្ងៃ ប៉ុណ្ណោះ ទោសនៅ សេសសល់ ត្រូវព្យួរទាំងអស់។</span></p>
<p><span style="color: #000000;">តែបានបង្គាប់ឲ្យពួកគេទាំង២នាក់ ចូលធ្វើការនៅផ្នែកព័ត៌មានវិទ្យា នៅនាយកដ្ឋាន សន្តិសុខផ្ទៃក្នុង ក្រសួងមហាផ្ទៃ នៅពេលបំពេញការជាប់ទោស នៅក្នុង ពន្ធនាគាររយៈពេល ៥ខែ និង២០ថ្ងៃ រួចរាល់នោះ ជាប់ពាក់ព័ន្ធ នឹងករណី ប្រើប្រាស់បច្ចេក វិទ្យាព័ត៌មាន ទំនើប ហែកនិង បំផ្លាញទៅ លើវិបសាយ ឬ គេហទំព័ររបស់ ស្ថាប័នរដ្ឋាភិបាលសំនាន់ៗ មួយចំនួន អង្គការក្រៅរដ្ឋាភិបាល និង ក្រុមហ៊ុនឯកជនមួយចំនួន ទៀត ប្រព្រឹត្តិកាលពីកំឡុង មេសា ឆ្នាំ ២០១៤។</span></p>
<p><span style="color: #000000;">លោក រស់ ពិសិដ្ឋ ចៅក្រមជំនុំជម្រះ នៃ សាលាដំបូងរាជធានីភ្នំពេញ បានឲ្យដឹងថា ជនជាប់ចោទ ទាំង២នាក់ ខាងលើនេះ មានឈ្មោះ ប៊ុន ឃីងមង្គលបញ្ញា ភេទប្រុស អាយុ ២១ ឆ្នាំ និង ឈ្មោះ ជូ សុងហេង ភេទប្រុស អាយុ២០ ឆ្នាំ ។</span></p>
<p><span style="color: #000000;">ពួកគេជានិស្សិតឆ្នាំទី៣ នៃសាកលវិទ្យាល័យស៊ីតិច ជំនាញព័ត៌មានវិទ្យា។ ពួកគេទាំង២នាក់ ត្រូវបានតំណាងអយ្យការ ចោទប្រកាន់ ពីបទ «ចូលទៅដល់ ឫស្ថិតនៅនឹងប្រព័ន្ធប្រព្រឹត្តិកម្ម ស្វ័យប្រវត្ត នៃទិន្នន័យ និងបង្កើតជាឧបសគ្គដល់ ដំណើរការនៃប្រព័ន្ធប្រព្រឹត្តិកម្ម ស្វ័យប្រវត្ត នៃទិន្នន័យ» តាមមាត្រា ៤២៧ និង៤២៨ នៃក្រមព្រហ្មទណ្ឌ និងត្រូវបានចាប់ឃុំខ្លួន ដោយសមត្ថកិច្ចនគរបាលសន្តិសុខ ផ្ទៃក្នុង ក្រសួងមហាផ្ទៃ កាលពីថ្ងៃ ១០ ខែមេសា ឆ្នាំ ២០១៤៕</span></p>
<p><span style="color: #000000;"><a class="thickbox" title="" href="/FileManager/Commons/2014/9/30/ch-00626-30-09-2014--13-59-02.jpg"><img src="/FileManager/Articles/mce/2014/9/30/ch-00626-30-09-2014--13-59-02.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>