<p>គណៈកម្មាធិការជាតិសុវត្ថិភាពចរាចរណ៍ផ្លូវគោក ក្រសួងព័ត៌មាន និងអង្គការសុខភាពពិភព<br />លោក រៀបចំសន្និសីទសារព័ត៌មានស្តីពីការផ្សាយពាណិជ្ជកម្មគ្រឿងស្រវឹង និងគ្រោះថ្នាក់<br />ចរាចរណ៍<strong></strong> “បើពិសាគ្រឿងស្រវឹង កុំបើកបរ”</p>
<p>ភ្នំពេញ, ថ្ងៃទី០១ តុលា ឆ្នាំ២០១២ គណៈកម្មាធិការជាតិសុវត្ថិភាពចរាចរណ៍ផ្លូវគោក ក្រសួង<br />ព័ត៌មាន សហការជាមួយអង្គការសុខភាពពិភពលោក បានរៀបចំសន្និសីទសារព័ត៌មានស្តីពី<br />ការផ្សាយពាណិជ្ជកម្មគ្រឿងស្រវឹង និងគ្រោះថ្នាក់ចរាចរណ៍ ដោយដាក់សារដ៏ច្បាស់លាស់ <br />និងសាមញ្ញ ស្របទៅតាមអនុសាសន៍ដ៏ខ្ពង់ខ្ពស់របស់ សម្តេចអគ្គ មហាសេនា បតីតេជោ <br />ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដែលមានខ្លឹមសារថា “<strong>បើពិសាគ្រឿង<br />ស្រវឹង កុំបើកបរ</strong>”។</p>
<p><a class="thickbox" title="" href="/FileManager/Commons/2012/10/1/dsc0481-copy-01-10-2012--17-02-30.JPG"><img src="/FileManager/Articles/mce/2012/10/1/dsc0481-copy-01-10-2012--17-02-30.JPG" alt="" width="448" height="299" /></a></p>
<p>សន្និសីទសារព័ត៌មាននេះ គឺជាផ្នែកមួយដ៏សំខាន់នៃការអនុវត្តន៍នូវគម្រោងសុវត្ថិភាពចរា<br />ចរណ៍ផ្លូវគោក១០ប្រទេស រួមទាំងប្រទេសកម្ពុជា ដែលមានគោលបំណងសង្រ្គោះអាយុជីវិត<br />ប្រជាពលរដ្ឋកម្ពុជា ដោយកាត់បន្ថយការស្លាប់ ប្រមាណជាង ១,៨០០នាក់ និងការរងរបួស<br />ធ្ងន់ធ្ងរ ៦,៧០០នាក់ ដោយគ្រោះថ្នាក់ចរាចរណ៍ក្នុងមួយឆ្នាំៗ។ សនិ្នសីទសារព័ត៌មាននេះ មានគោលបំណងលើកកំពស់ការយល់ដឹងរបស់សាធារណជន ជាពិសេសយុវវ័យជំទង់ និង<br />មនុស្សពេញវ័យអំពីផលបច្ច័យអាក្រក់នៃការប្រើប្រាស់គ្រឿងស្រវឹងដែលជាកត្តាគ្រោះថ្នាក់<br />ចំបងមួយនៃគ្រោះថ្នាក់ចរាចរណ៍នៅក្នុងប្រទេសកម្ពុជា។</p>
<p>នៅលើសកលលោកមានប្រជាជនប្រមាណ ១,៣លាននាក់រួមទំាងបុរស ស្រ្តី និងកុមារ បាន<br />ស្លាប់ ដោយសារគ្រោះថ្នាក់ចរាចរណ៍ជារៀងរាល់ឆ្នាំ ហើយប្រមាណជា ៥០លាននាក់បានរង<br />របួស ដែលអ្នកខ្លះត្រូវពិការអស់មួយជីវិត យោងតាមប្រសាសន៍របស់លោកវេជ្ជបណ្ឌិត Pieter<br /> JM Van Maaren តំណាងអង្គការសុខភាពពិភពលោកប្រចំាប្រទេស កម្ពុជា។ ជាង៩០%នៃ<br />អ្នកស្លាប់ និងរបួសដោយគ្រោះថ្នាក់ចរាចរណ៍ កើតឡើងនៅក្នុងប្រទេសមានប្រាក់ចំណូល<br />ទាប និងមធ្យម។</p>
<p>បន្ថែមទៅលើសោកនាដកម្មដែលគ្រោះថ្នាក់ចរាចរណ៍បានបង្កឡើង វាក៏បានធ្វើឲ្យខាតបង់<br />យ៉ាងធ្ងន់ធ្ងរដល់ សេដ្ឋកិច្ច របស់ជនរងគ្រោះ និងគ្រួសារ ព្រមទាំងសង្គមជាតិទំាងមូលផង<br />ដែរ។ នៅក្នុងប្រទេសមានប្រាក់ចំណូលទាប និង មធ្យម ការខាតបង់សេដ្ឋកិច្ចដែលបណ្តាល<br />មកពីគ្រោះថ្នាក់ចរាចរណ៍មានរហូតដល់៦៥ពាន់លានដុល្លាក្នុងមួយឆ្នាំ។</p>
<p><a class="thickbox" title="" href="/FileManager/Commons/2012/10/1/dsc0521-copy-01-10-2012--17-02-50.JPG"><img src="/FileManager/Articles/mce/2012/10/1/dsc0521-copy-01-10-2012--17-02-50.JPG" alt="" width="448" height="328" /></a></p>
<p>រៀងរាល់ឆ្នាំជនរងគ្រោះដោយគ្រោះថ្នាក់ចរាចរណ៍ប្រមាណ១លាននាក់ ត្រូវសំរាកព្យាបាល<br />ជាច្រើនសប្តាហ៍ នៅក្នុងមន្ទីរពេទ្យ ហើយជនរងគ្រោះមួយចំនួនបានបាត់បង់ជីវិត ហើយជន<br />រងគ្រោះមួយចំនួនទៀតមិនអាចទៅធ្វើការងារវិញបាន ឫក៏លេងកំសាន្តដូចដែលពួកគេធ្លាប់<br />បានធ្វើ។ ការពិសារគ្រឿងស្រវឹង គឺជាកត្តាគ្រោះថ្នាក់ចំបងមួយដែលបង្កឲ្យមានគ្រោះថ្នាក់<br />ចរាចរណ៍។ នៅក្នុងប្រទេសមានប្រាក់ចំណូលទាប អ្នកបើកបរយានយន្តដែលបានស្លាប់<br />ដោយសារគ្រោះថ្នាក់ចរាចរណ៍រវាងពី៣៣% ទៅ៦៩% មានកម្រិតជាតិ អាល់កុលខ្ពស់នៅ<br />ក្នុងឈាម។</p>
<p>ឯកឧត្តម តូច ចាន់កុសល រដ្ឋលេខាធិការក្រសួងសាធារណការ និងដឹកជញ្ជូន និងជាអនុ<br />ប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោកមានប្រសាសន៍ថានៅក្នុងប្រទេស<br />កម្ពុជា តាមរបាយការណ៍គ្រោះថ្នាក់ចរាចរណ៍ប្រចំាឆ្នាំ២០១១ បានឲ្យដឹងថាមានជនរងគ្រោះ<br /> សរុបដល់ទៅចំនួន ១៦,៦៥៤នាក់ ដែលក្នុងនោះបាត់បង់ជីវិតចំនួន ១,៩០៥នាក់ និង របួស<br />ធ្ងន់ចំនួន ៥,៨០៧នាក់ គិតជាមធ្យមចំនួនអ្នកស្លាប់ច្រើនជាង៥នាក់ និងរបួសធ្ងន់១៦នាក់<br />ក្នុងមួយថ្ងៃ ហើយការរងរបួស និង ស្លាប់ដោយគ្រោះថ្នាក់ចរាចរណ៍ គឺបានបន្តកើនឡើងពី<br />មួយឆ្នាំទៅមួយឆ្នាំមិនឈប់ឈរ។ គ្រោះថ្នាក់ចរាចរណ៍ផ្លូវគោកនៅឆ្នាំ២០១១ បានធ្វើឲ្យកម្ពុជា<br />ខាតបង់ថវិការហូតដល់ទៅ ៣១០លានដុល្លាសហរដ្ឋអាមេរិក។</p>
<p>ការបើកបរក្រោមឥទ្ធពលគ្រឿងស្រវឹង គឺជាកត្តាគ្រោះថ្នាក់ចំបងទីពីរបន្ទាប់ពីការបើកបរហួស<br />ល្បឿនកំណត់ ដែល បង្កឲ្យមានការស្លាប់រហូតដល់១៤%។ ប្រមាណ ៦៦%នៃអ្នកស្លាប់ដោយ<br />ការបើកបរក្រោមឥទ្ធពលគ្រឿងស្រវឹងមានអាយុ ពី១៥-៣៤ឆ្នាំ។</p>
<p>ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មានបានមានប្រសាសន៍ថា ការពិសាគ្រឿងស្រវឹង <br />សូម្បីតែក្នុងកម្រិត តិចតួចក្តី អាចបង្កឲ្យមានគ្រោះថ្នាក់ចរាចរណ៍ ដល់ខ្លួនឯង និងអ្នកប្រើ<br />ប្រាស់ផ្លូវផ្សេងទៀត ។ អ្នកស្រវឹង អាចបង្កគ្រោះថ្នាក់ ដល់អ្នកដទៃ ឬក៏ធ្វើឲ្យពួកគេមានគ្រោះ<br />ថ្នាក់ចរាចរណ៍ ឬបង្កអំពើហឹង្សាដល់គ្រួសារ ញាត្តិសន្តាន មិត្តភ័ក្រ្ត ឬអ្នកធ្វើការជាមួយគ្នា។</p>
<p>ដើម្បីចូលរួមអនុវត្តនូវអនុសាសន៍ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន<br /> នាយករដ្ឋមន្រ្តី នៃព្រះរាជាណាចក្រកម្ពុជា ចូលរួមការអនុវត្តសកម្មភាពសុវត្ថិភាពចរាចរណ៍<br />ជាមួយគណៈកម្មាធិការជាតិសុវត្ថិភាពចរាចរណ៍ផ្លូវគោក ក្រសួងព័ត៌មាន សូមជូនដំណឹង<br />ដល់គ្រប់ប្រព័ន្ធផ្សព្វផ្សាយ វិទ្យុ ទូរទស្សន៍ កាសែត ព្រមទំាងការផ្សាយពាណិជ្ជកម្មតាមទូរ<br />ទស្សន៍ពាក់ព័ន្ធគ្រឿងស្រវឹង ត្រូវអនុវត្តនូវសារសុវត្ថិភាពចរាចរណ៍ ដែលមានដូចខាងក្រោម ៖</p>
<p>១-រាល់ការផ្សាយពាណិជ្ជកម្មស្រា ស្រាបៀរ តាមទូរទស្សន៍ ត្រូវឲ្យមានផ្សាយជាអក្សរ និង<br />សម្លេង ឲ្យមានរយៈពេលយ៉ាងតិចបំផុត ០២(ពីរ) វិនាទី ។ អក្សរ និងសម្លេង គឺនៅពេលចុង<br />បញ្ចប់នៃការផ្សាយពាណិជ្ជកម្មស្រា ស្រាបៀរ ត្រូវមានបញ្ចាំងអក្សរ និងបន្លឺសម្លេងព្រមៗគ្នា៖<br /> <strong>“បើពិសាគ្រឿងស្រវឹង កុំបើកបរ ”</strong>។</p>
<p>២-ហាមការផ្សព្វផ្សាយបែបអូសទាញលើកទឹកចិត្តយុវជនវ័យជំទង់ និងមនុស្សពេញវ័យ ឲ្យ<br />ពិសាគ្រឿងស្រវឹង តាមរយៈការផ្តល់រង្វាន់ជាសាច់ប្រាក់ ឬជាវត្ថុប្រើប្រាស់ផ្សេងៗជាដើម ។</p>
<p>គម្រោងសុវត្ថិភាពចរាចរណ៍ផ្លូវគោក១០ប្រទេសនេះ ត្រូវបានឧបត្ថម្ភថវិកាដោយ មូលនិធិ<br />ប្ល៊ូមប៊ឺគភីលែនត្រូភី (Bloomberg Philanthropies) និងក្រោមការផ្តល់ជំនួយបច្ចេកទេសពីអង្គ<br />ការសុខភាពពិភពលោក ដែលបានចាប់ផ្តើម ឡើងតំាងពីឆ្នាំ២០១០។ គម្រោងនេះ ផ្តោតទៅ<br />លើកត្តាគ្រោះថ្នាក់ចំបងចំនួនពីរ ដែលបង្កឲ្យមានការកើនឡើងនូវការរំលោភ ច្បាប់ចរាចរណ៍<br />ផ្លូវគោក និងគ្រោះថ្នាក់ចរាចរណ៍ដ៏ធ្ងន់ធ្ងរគឺ៖ ការបើកបរក្រោមឥទ្ធពលគ្រឿងស្រវឹង និងការ<br />មិនពាក់មួកសុវត្ថិភាព។ គម្រោងនេះត្រូវបានដឹកនាំ និងសម្របសម្រួលដោយគណៈកម្មាធិ<br />ការជាតិសុវត្ថិភាពចរាចរណ៍ផ្លូវគោក ដោយមានកិច្ចសហការជាមួយដៃគូអន្តរជាតិនានា ជា<br />ពិសេសអង្គការសុខភាពពិភពលោក អង្គការដៃគូសុវត្ថិភាពចរាចរណ៍សាកល មហាវិទ្យាល័យ<br />ចនហបគីន និងដៃគូសុវត្ថិភាពចរាចរណ៍ដទៃទៀត។</p>
<p>ប្ល៊ូមប៊ីគភីលែនត្រូភី ធ្វើការលើកស្ទួយវិស័យចំនួន ប្រាំនៅលើសកលលោកគឺ៖ វិស័យសិល្បៈ <br />វិស័យអប់រំ វិស័យបរិស្ថាន ផ្នែកគំនិតផ្តួចផ្តើមរបស់រាជរដ្ឋាភិបាល និងវិស័យសុខភាពសាធារ<br />ណៈ។</p>
<p>ដើម្បីយល់ដឹងបន្ថែមសូមអានគេហទំព័រ <a href="http://bloombergdotorg.tumblr.com/about/">http://bloombergdotorg.tumblr.com/about/</a> .</p>
<p>ចំពោះព័ត៌មានបន្ថែមសូមទាក់ទង៖</p>
<p>- លោកស្រី ម៉ែន ច័ន្ទសុកុល អនុប្រធាននាយកដ្ឋានដឹកជញ្ជូនផ្លូវគោក ក្រសួងសាធារណការ<br /> និងដឹកជញ្ជូន <strong><span style="text-decoration: underline;"><a href="mailto:nrsc@roadsafetycambodia.info">nrsc@roadsafetycambodia.info</a></span></strong> - លោក ស្ទីវិន អ៊ីឌីង ប្រធានក្រុមការ<br />ងារសុវត្ថិភាពចរាចរណ៍ និងបង្ការរបួស <a href="mailto:IddingsS@wpro.who.int">IddingsS@wpro.who.int</a> - លោកវេជ្ជបណ្ឌិត សៅ <br />សុវណ្ណរតនៈ មន្រ្តីបច្ចេកទេសសុវត្ថិភាពចរាចរណ៍ និងបង្ការរបួស <a href="mailto:saos@wpro.who.int">saos@wpro.who.int</a> ៕</p>
<p> </p>
<p style="text-align: right;">ដោយ ៖ សូរីយ៉ា<br />ប្រភព ៖ <span class="gD">nrsc</span></p>