<p>ភ្នំពេញ ៖ កូនប្រុសឧកញ៉ា ដួង ងៀប ចំនួន២នាក់ រួមទាំងបក្ខពួក៣នាក់ទៀត ត្រូវ បានព្រះរាជ<br />អាជ្ញារងហៀង សុភក្ដ្រ សម្រេចធ្វើការចោទប្រកាន់ហើយ កាលពី ល្ងាចថ្ងៃទី១៧ ខែមេសា ឆ្នាំ<br />២០១៣កន្លង ទៅនេះ ចំនួន៣បទល្មើស រួចហើយបញ្ជូន សំណុំរឿងទៅឱ្យ លោក ជា សុខហ៊ាង<br /> ចៅក្រមស៊ើបសួរចាត់ការបន្ត ។</p>
<p>នៅព្រឹកថ្ងៃទី១៨ ខែមេសា នេះ លោក ហៀង សុភក្ដ្រ ព្រះរាជអាជ្ញារងអមសាលា ដំបូងរាជធានី<br />ភ្នំពេញ បានថ្លែងប្រាប់ដើម អម្ពិលតាមទូរស័ព្ទឱ្យដឹងថា ពាក់ព័ន្ធករណី កូនប្រុសលោកឧកញ៉ា<br />ដួង ងៀប បង្កហិង្សា ទៅលើអ្នកដទៃនោះ ត្រូវបានលោកសម្រេច ធ្វើការចោទប្រកាន់ហើយ <br />ចំនួនបីបទល្មើស ទៅលើជនជាប់ចោទ ចំនួន៥នាក់ ដែលពីរ នាក់ជាកូនប្រុសរបស់លោកឧកញ៉ា<br /> ដួង ងៀប ម្នាក់ឈ្មោះដួង ឆាយ ភេទប្រុស អាយុ២០ឆ្នាំ និងម្នាក់ទៀតឈ្មោះដួង គឹមឡុង ភេទ<br />ប្រុស អាយុ១៧ឆ្នាំ រួមទាំងគូរកនចំនួន៣នាក់ទៀត ។ ក្នុងនោះ បទល្មើស ដែលសម្រេចធ្វើការ<br />ចោទប្រកាន់ រួមមានទី១ ពីបទបំផ្លិចបំផ្លាញទ្រព្យសម្បត្ដិ, ទី២ ពីបទហិង្សាដោយចេតនា មានស្ថាន<br /> ទម្ងន់ទោស និងទី៣ ពីបទដឹកជញ្ជូននិងកាន់ កាប់អាវុធខុសច្បាប់ ។</p>
<p>លោកហៀង សុភក្ដ្រ បានបន្ដថា ក្រោយ ធ្វើការចោទប្រកាន់រួចហើយ លោកបាន បញ្ជូនសំណុំ<br />រឿងបន្ដទៅឱ្យលោកជា សុខហ៊ាង ជាចៅក្រមស៊ើបសួរ ចាត់ការបន្ដ ទៀត ។</p>
<p>កាលពីថ្ងៃទី១៧ ខែមេសា កន្លងទៅនេះ កងរាជអាវុធហត្ថរាជធានីភ្នំពេញ បានបញ្ជូន សំណុំរឿង<br />រួមទាំងកូនប្រុស លោកឧកញ៉ាដួង ងៀប ម្នាក់ ឈ្មោះដួង គឹមឡុង រួមទាំងបក្ខពួកម្នាក់ទៀត ទៅ<br />កាន់តុលាការរាជធានីភ្នំពេញ ដើម្បីឱ្យព្រះរាជអាជ្ញា ធ្វើការសាកសួរ ពាក់ព័ន្ធទៅនឹងបទល្មើសប្រើ<br />ប្រាស់អាវុធ ខុសច្បាប់និងបង្ករបួស ។ ដោយឡែកកូនប្រុសម្នាក់ ទៀត ឈ្មោះដួង ឆាយ រួមទាំង<br />បក្ខពួកពីរនាក់ទៀត កំពុងត្រូវ បានតាមចាប់ខ្លួន ។</p>
<p>សូមបញ្ជាក់ថា កាលពីវេលាម៉ោង ២ រំលងអាធ្រាត្រ ឈានចូលព្រឹកថ្ងៃទី១៤ ខែ មេសា ឆ្នាំ២០១៣<br /> នៅក្នុងហាងមួយដែល មានយីហោ ហ្គេឡាង ឡារ៉ង់ មានទីតាំងនៅ តាមបណ្ដោយផ្លូវលេខ ៦៣<br />ក្នុងសង្កាត់បឹង កេងកងទី១ ខណ្ឌចំការមន មានកើតករណី ទំនាស់គ្នាមួយ រវាងភ្ញៀវ និងភ្ញៀវ ដែល<br />ផឹក ស៊ីនៅក្នុងហាងខាងលើនេះ ដោយគេដឹងថា បង្កឡើងដោយក្រុមកូនប្រុស របស់លោក ឧកញ៉ា <br />ដួង ងៀប ឈ្មេះ ដួង ឆាយ ជាបង និង ឈ្មោះ ដួង គឹមឡុង ជាប្អូន រួមជាមួយនឹងអង្គរក្សបក្ខពួកមួយ<br />ចំនួនទៀត។ចំណែក ភាគីជនរងគ្រោះ ត្រូវបានគេស្គាល់ឈ្មោះ មុំ ឌីណា ភេទប្រុស អាយុ ២៨ឆ្នាំ <br />ស្នាក់នៅ ផ្ទះលេខ ៦៧ ផ្លូវលេខ ៤៧៤ សង្កាត់បឹង ត្របែក ខណ្ឌចំការមន រួមជាមួយមិត្ដភ័ក្ដិ មួយ<br />ចំនួនទៀត ។</p>
<p>យោងតាមរបាយការណ៍ កងរាជអាវុធ ហត្ថ រាជធានីភ្នំពេញ បានបញ្ជាក់ថា នៅមុនពេលកើតហេតុ<br />ភាគីជនរងគ្រោះដែលមានគ្នា ៥-៦នាក់ បាននាំគ្នាចូលទៅផឹកស៊ីនៅក្នុងហាងខាងលើ ហើយភាគី<br />កូនប្រុសឧកញ៉ា ដួង ងៀប ដែលមានគ្នា ៥-៦ នាក់ រួមជាមួយអង្គរក្ស ២នាក់ផងនោះក៏អង្គុយ ផឹក<br />ស៊ីនៅតុក្បែរគ្នាផងដែរ ។ លុះដល់ម៉ោងកើតហេតុ ខណៈទេវតាឆ្នាំថ្មីចុះ ភាគីជនរងគ្រោះបាននាំ<br />គ្នាស្រែកអបអរសាទរកងរំពងឡើង រួមទាំង យកកាមេរ៉ាថតរូបគ្នាទៅវិញទៅ មកផងនោះ ដែល<br />សកម្មភាពខាងលើបាន ធ្វើឱ្យក្រុមកូនឧកញ៉ា ដួង ងៀប ចាត់ទុកថា ជាការរំខានដល់ការផឹកស៊ី<br />របស់ពួកគេ ហើយពេលនោះ ឈ្មោះដួង ឆាយ ក៏បាន ដកកាំភ្លើងខ្លីម៉ាក រ៉ូឡូ ស៊េរីទំនើបពីចង្កេះ <br />ដើរទៅវាយក្បាលជនរងគ្រោះបណ្ដាលឱ្យបែក ហូរឈាមជោក រួចហើយរូបគេក៏បាន វាយបំផ្លិច<br />បំផ្លាញ ទ្រព្យសម្បត្ដិនៅក្នុង ហាងអស់ជាច្រើន រួចហើយគំរាមកំហែង មិនឱ្យភាគីជនរងគ្រោះ និង<br /> ភាគីម្ចាស់ហាង អន្ដរាគមន៍សួរនាំអ្វីឡើយ ក្រោយមកទើប ពួកគេនាំគ្នាឡើងជិះរថយន្ដ ចេញបាត់<br />អស់ ទៅ ទើបគេឃើញសមត្ថកិច្ចទៅដល់ធ្វើការ សួរនាំ និងកសាងសំណុំរឿង ។</p>
<p>លុះនៅល្ងាចថ្ងៃទី១៤ ខែមេសាដដែល កម្លាំងកងរាជអាវុធហត្ថ រាជធានីភ្នំពេញ ក្រោមការដឹកនាំ<br />បញ្ជារបស់ព្រះរាជអាជ្ញា រង ហៀង សុភក្ដ្រ បានចុះ ទៅធ្វើការឡោម ព័ទ្ធ នៅក្នុងខុនដូមួយកន្លែង<br />ដែលមានទីតាំង នៅមុខសណ្ឋាគារកាំបូឌីយ៉ាណាដែល គេអះអាងថា ជាខុនដូរបស់លោក ឧកញ៉ា<br /> ដួង ងៀប ជួលទៅឱ្យជនបរទេសស្នាក់នៅ ហើយបានធ្វើការឃាត់ខ្លួនឈ្មោះ ដួង គឹម ឡុង ដែល<br />ជាប្អូនរបស់ដួងឆាយដោយដក ហូតបាន អាវុធ ខ្លីម៉ាក រ៉ូឡូ ១ ដើមពីឈ្មោះ ដួង គឹមឡុង នេះ និង<br />អាវុធម៉ាកអាកាស្វ័យ បត់១ដើមទៀត ត្រូវបានរកឃើញនៅក្នុង រថយន្ដមែកសឺដែស ពណ៌ស ស៊េរី<br />ទំនើប រួម ទាំងរថយន្ដ ១គ្រឿងទៀត ម៉ាក អ៊ិនហ្វីនី ទីហ្វ ដែលរថយន្ដទាំង ២គ្រឿងខាងលើ ត្រូវ<br />បានគេអះអាងថា ជិះដោយកូនប្រុស របស់ឧកញ៉ា ដួង ងៀប នៅពេលបង្កហេតុ កាលពីយប់ ។</p>
<p>ពាក់ព័ន្ធទៅនឹងករណីខាងលើ លោក ឧត្ដមសេនីយ៍ យ៉ា គឹមអ៊ី មេបញ្ជាការកង រាជអាវុធហត្ថ រាជ<br />ធានីភ្នំពេញ បានថ្លែង ប្រាប់អ្នកកាសែតឱ្យដឹងថា ពាក់ព័ន្ធករណី ខាងលើនេះ កូនប្រុសរបស់លោក<br />ឧកញ៉ាដួង ងៀប គឺពាក់ព័ន្ធទៅនឹងបទល្មើសចំនួន២ ផ្សេងគ្នា ទី១ ប្រើហិង្សាដោយអាវុធ បង្ករបួស<br />ស្នាមលើអ្នកដទៃនិងទី២ ពាក់ព័ន្ធការ ប្រើប្រាស់អាវុធខុសច្បាប់ ។</p>
<p>ប្រភពព័ត៌មានដែលនាំគ្នាខ្សឹបខ្សៀវ នៅព្រឹកថ្ងៃទី១៧ ខែមេសា ឆ្នាំ ២០១៣ បានបង្ហើបឱ្យដឹងថា<br /> ខណៈដែលសមត្ថកិច្ច អាវុធហត្ថធ្វើការ បញ្ជូនកូន ប្រុស លោកឧក ញ៉ា ដួង ងៀប ម្នាក់ ឈ្មោះ ដួង <br />គឹមឡុងទៅតុលាការ ដើម្បីសួរនាំ និងចោទប្រកាន់ រួចហើយធ្វើការតាមចាប់ខ្លួនឈ្មោះ ដួង ឆាយ<br /> រួមទាំងនឹងអង្គរក្សចំនួន ២នាក់ទៀត នោះ មានការលេចឮព័ត៌មានថា ក្រុមគ្រួ សារ របស់ក្មេងទំនើង<br />ខាងលើនេះ បានកំពុង រត់ការខ្វែងដៃខ្វែងជើង រហូតដល់រកអន្ដរា គមន៍ពីអ្នកធំៗរួមទាំងស្វែងរកការ<br />ជួបចរចា ជាមួយនឹងភាគីជនរងគ្រោះ ដើម្បីសុំបញ្ចប់ រឿងផងដែរ ។ ឥឡូវនេះគេកំពុងរង់ចាំ មើល<br />ចំណាត់ការរបស់តុលាការថា តើនឹង ចាត់ការរឿងនេះដោយរបៀបណា ព្រោះ កូនប្រុសឈ្មោះ ដួង<br /> ឆាយ នេះ កន្លងមកធ្លាប់បង្កភាពអសន្ដិសុខ នៅក្នុងរាជធានីភ្នំ ពេញ ជាញឹកញាប់មកហើយ មិន<br />ដែលបាន ស្គាល់គុកម្ដងណានោះទេ ៕</p>
<p style="text-align: center;"><a class="thickbox" title="" href="/FileManager/Commons/2013/4/18/t-0430-18-04-2013--11-33-39.jpg"><img src="/FileManager/Articles/mce/2013/4/18/t-0430-18-04-2013--11-33-39.jpg" alt="" width="496" height="550" /></a></p>
<p style="text-align: center;"><strong>លោកដួង ឆាយ ដែលកំពុងរត់គេចខ្លួន<br /></strong></p>
<p style="text-align: center;"><img title=" " src="http://111.92.240.170:81/dap-news/dap-images/2013/April/id-015/T-0431.jpg" alt="" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-030/Kosal-0281.jpg" alt="" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-030/Kosal-0282.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល </p>