<p><span style="font-size: small; line-height: 1.8;"><strong>ភ្នំពេញៈ</strong> ពិធីការិនីឯករាជ្យ និងជាតារាសម្តែងមាន សម្រស់ស្រស់សោភា កញ្ញា ឌួង <br />ហ្សូរីដា បានចេញមុខលាត ត្រដាងអាថ៌កំបាំងមួយចំនួន ដែលនាំឲ្យរូបនាងទទួលបាន<br />ជោគជ័យ ទាំងលើវិថីសិល្បៈ ការសិក្សា និងមុខជំនួញ ខណៈ រូបនាងជាកូនកំពា្រឪពុក<br /> មានតែម្តាយជាបង្គោលគ្រួសារនោះ។</span></p>
<p><span style="font-size: small;">ក្នុងឱកាសអញ្ជើញជាវាគ្មិននៅសិក្ខាសាលារយៈពេលពេញមួយថ្ងៃទី១៦ ខែកុម្ភៈ ឆ្នាំ<br />២០១៣ ស្តីពី «ការអភិវឌ្ឍ សមត្ថភាព និង អាជីពការងារ» តារាសម្តែងរាងខ្ពស់ស្រឡះ <br />សក់វែងរលោង ញញឹមស្រស់ ឌួង ហ្សូរីដា បានឲ្យ ដឹងថា កត្តាដែលនាំឲ្យរូបនាង ទទួល<br />បានជោគជ័យក្នុងអាជីពសិល្បៈ និងជំនួញ ដូចសព្វថ្ងៃនេះ រួមមាន កត្តា គ្រួសារ ខ្លួនឯង<br /> ចំណេះដឹង ឱកាស និងកត្តាទំនាក់ទំនង។</span></p>
<p><span style="font-size: small;">តារាសម្តែងរូបស្រស់ កញ្ញា ឌួង ហ្សូរីដា បានថ្លែងចំពោះមុខសិក្ខាកាមចូលរួមក្នុងសិក្ខា<br />សាលាជាង៤០០នាក់ថា កត្តាដែលនាំឲ្យរូបនាងជោគជ័យ ដូចបច្ចុប្បន្ននេះ គឺកត្តាគ្រួសារ<br /> ដែលរូបនាងមានលោកឪពុក ជាវេជ្ជបណ្ឌិត ហើយតែងតែអប់រំណែនាំរូបនាងតាំងតែពីតូច ហើយមានអ្នកម្តាយជាជាងកាត់ដេរសម្លៀកបំពាក់ ដ៏ជំនាញម្នាក់។ កញ្ញាបញ្ជាក់ ថា «នាង<br />ខ្ញុំអាចនិយាយបានថា ខ្ញុំមានសំណាង ដែលមានឪពុកជាវេជ្ជបណ្ឌិត គាត់ជាសិស្សពូកែ <br />អតីតភាពរបស់ គាត់ជាអ្នកធាក់ស៊ីក្លូ ជាក្មេងមកពីខេត្ត តែខិតខំសិក្សារហូតបានក្លាយជា<br />វេជ្ជបណ្ឌិត»។</span></p>
<p><span style="font-size: small;">កញ្ញាក៏បានលើកឡើងផងដែរថា សម្រស់ដែលកញ្ញាមាននេះ អាចនិយាយបានថា ជាមរតក<br />បន្សល់ទុកពីឪពុក ម្តាយរបស់កញ្ញា ហើយរូបសម្រស់របស់កញ្ញាមិនមានការកែច្នៃនោះទេ។<br /> «ឪពុកម្តាយខ្ញុំ គាត់ស្អាត ដូច្នេះខ្ញុំ ក៏ ស្អាតដែរ...អ្វីដែលគាត់ផ្តល់ឲ្យ គឺជាធម្មជាតិ អ្វីដែលកេរ<br />ដំណែលខ្ញុំអត់បានកែប្រែទេ ខ្ញុំជាតារាអត់បានទៅប្លា ស្ទីក ឬកែមុខកែមាត់អីនោះទេ»។</span></p>
<p><span style="font-size: small;">កត្តានាំឲ្យតារាសម្តែងមិនសូវចូលចិត្តសិចស៊ីរូបនេះ កាន់តែទទួលបានជោគជ័យថែមទៀត<br />នោះ កញ្ញា បាន បញ្ជាក់ថា គឺចំណេះដឹង។ ពាក់ព័ន្ធនិងចំណេះដឹងនេះ កញ្ញាឌួង ហ្សូរីដា <br />បានប្រឡងជាប់បាក់ឌុបឆ្នាំ ២០០០ នៅវិទ្យាល័យស៊ីសុវត្ថិ ហើយកញ្ញាបានប្រឡងជាប់<br />អាហារូបករណ៍ផ្នែកភាសាបារាំងនៅវិទ្យាស្ថានភាសាបរទេស IFL នាឆ្នាំ២០០១ តែត្រូវបង្ខំ<br />ចិត្តបោះបង់ទៅវិញ ព្រោះគិតថាមិនអំណោយផលសម្រាប់ទីផ្សារការងារ។ តែមិន មានន័យ<br />ថា កញ្ញាបោះបង់ចោលការសិក្សា ដែលជាប្រភពតែមួយគត់សម្រាប់អភិវឌ្ឍជីវិតនោះទេ គឺ<br />កញ្ញា ឌួង ហ្សូរីដា បានចាប់យកការសិក្សាថ្នាក់បរិញ្ញាបត្រផ្នែកគ្រប់គ្រង នៅសាកលវិទ្យា<br />ល័យជាតិគ្រប់គ្រង រហូតបញ្ចប់ ថ្នាក់អនុបណ្ឌិតផ្នែកគ្រប់គ្រងហិរញ្ញវត្ថុនៅសាកលវិទ្យា<br />ល័យមួយនេះ។</span></p>
<p><span style="font-size: small;">ពាក់ព័ន្ធនិងចំណេះដឹងដែលចាត់ទុកថា ជាកត្តាជំរុញឲ្យជីវិតជោគជ័យនេះកញ្ញា ឌួង ហ្សូរីដា<br /> បានបញ្ជាក់ថា តាំងពីតូចមក គឺកញ្ញាទទួលបានការអប់រំ និងបណ្តុះបណ្តាលដោយផ្ទាល់ពី<br />លោកឪពុករបស់កញ្ញា ជាពិសេស គឺភាសាបារាំង និងភាសាអង់គ្លេស។ អ្វីដែលគួរឲ្យចាប់<br />អារម្មណ៍នោះ ក្នុងគ្រួសារមួយដែលគ្មានកូនប្រុស ពោល សុទ្ធតែកូនស្រី ក្នុងចំណោមបងប្អូន<br />៣នាក់នោះ កញ្ញា ឌួង ហ្សូរីដា ត្រូវបានឪពុករបស់កញ្ញាតាំងចិត្តថានឹងបណ្តុះបណ្តាលកញ្ញា<br /> ដែលជាកូនទី២ ឲ្យខ្លាំងពូកែដូចជាកូនប្រុស។</span></p>
<p><span style="font-size: small;">កញ្ញាបញ្ជាក់ថា «ចង់និយាយថា ក្នុងគ្រួសារខ្ញុំនគរស្រីលវោ... ក្នុងគ្រួសារខ្ញុំអត់មានកូនប្រុស<br />ទេ ដូច្នេះឪពុកខ្ញុំ ប្តេជ្ញាថា នឹងធ្វើឲ្យខ្ញុំដូចជាមនុស្សប្រុស នេះគឺជាអ្វី ដែលឪពុកខ្ញុំផ្តល់ឲ្យ»។</span></p>
<p><span style="font-size: small;">កត្តាដែលកញ្ញាចាត់ទុកថា ជាការជំរុញឲ្យកញ្ញាជោគជ័យដែរនោះ គឺជំនឿចិត្តលើខ្លួនឯង។<br /> កត្តាខ្លួនឯងនេះ កញ្ញា បានបញ្ជាក់ថា ត្រូវយកឈ្នះលើខ្លួនឯង ពោលគឺត្រូវរកឲ្យឃើញថា <br />តើខ្លួនឯងត្រូវការអ្វី ធ្វើអ្វី ហើយស្រឡាញ់អ្វី។ ត្រង់ចំណុចនេះ កញ្ញាបានសង្កត់ធ្ងន់ថា មុន<br />នឹងឲ្យគេជួយយើង គឺត្រូវជួយខ្លួនឯងជាមុនសិន។</span></p>
<p><span style="font-size: small;">ចំណុចសំខាន់មួយទៀត ដែលជំរុញភាពជោគជ័យក្នុងវិថីសិល្បៈ និងមុខជំនួញដែរនោះ ត្រូវ<br />បានតារាសម្តែង កំព្រាឪពុករូបនេះ ទម្លាយឲ្យដឹងថា គឺកត្តាទំនាក់ទំនង កត្តាទំនាក់ទំនងនេះ<br />ពិតជាសំខាន់ក្នុងជីវិតការងារ និងការ រស់នៅ ទាំងក្នុងបុគ្គលិក ក៏ដូចជាជាមួយមន្រ្តីអ្នកមុខ<br />អ្នកការជាច្រើនទៀត រហូតដល់មន្រ្តីធំៗក្នុងជួររាជរដ្ឋាភិបាល ថែមទៀតផង។ កញ្ញាបាន<br />បញ្ជាក់ថា «ខ្ញុំមានទំនាក់ទំនងជាមួយរាជរដ្ឋាភិបាលច្រើនចំណុចទាំងនេះ ដោយសារខ្ញុំមាន<br />ទំនាក់ទំនងល្អ មិនមែនតារាភាពយន្ត តារាល្បីអត់មានទំនាក់ទំនងនោះទេ»។</span></p>
<p><span style="font-size: small;">ឌួង ហ្សូរីដា បានទម្លាយឲ្យដឹងថា បំណងដំបូងរបស់នាងពេលបញ្ចប់ថ្នាក់វិទ្យាល័យ គឺកញ្ញា<br />ចង់ក្លាយជាវេជ្ជ បណ្ឌិត តាមលំអានលោកឪពុករបស់កញ្ញា ព្រោះកញ្ញាបានដិតដាមក្នុងការ<br />ងារតាំងពីកុមារភាពតាមរយៈលោក ឪពុក តែបំណងនេះ ត្រូវខកខានព្រោះកញ្ញាប្រឡងមិន<br />ជាប់ ហើយកញ្ញាគ្មានបំណងចង់ចូលប្រឡូកក្នុងវិថីសិល្បៈ នោះទេ។ «ក្តីស្រមៃរបស់ខ្ញុំ គឺ<br />ចង់ធ្វើជាដុកឌ័រ ដូចជាឪពុក របស់ខ្ញុំអីចឹង ខ្ញុំជួយការងារឪពុករបស់ខ្ញុំតាំងពីតូច ដូចជាការ<br />ហុចសំឡី ខ្ញុំអត់ចេះក្លាចឈាមទេ ហើយខ្ញុំអាច ចាក់ថ្នាំបានតាំងពីតូច»។</span></p>
<p><span style="font-size: small;">ពាក់ព័ន្ធទៅនិងការងារវិញ កញ្ញាឌួង ហ្សូរីដា បានឲ្យដឹងថា ការងារដំបូងរបស់កញ្ញាគឺធ្វើជា<br />អ្នកលក់ទឹកអប់ ដោយ ទទួលបានប្រាក់ខែត្រឹមតែ៣០ដុល្លារប៉ុណ្ណោះ លុះក្រោយមកកញ្ញា<br />បានធ្វើការផ្នែកបម្រើសេវាកម្មនៅក្រុមទូរស័ព្ទ ចល័ត ហេលឡូ ០១៦ ដោយទទួលបាន<br />ប្រាក់ខែជាង១០០ដុល្លារ បន្ទាប់មកទៀតកញ្ញាបានធ្វើការងារផ្នែកអូតេស ទទួលបានប្រាក់<br />ខែរហូតដល់ជិត ១ពាន់ដុល្លារ។</span></p>
<p><span style="font-size: small;">កញ្ញា ឌួង ហ្សូរីដា ក៏បានឲ្យដឹងផងដែរ បន្ទាប់ពីកញ្ញាបានប្រលងជាប់ជាកញ្ញាឯកសាប៊ូលុច្ស<br />នោះ កញ្ញាក៏បានប្រ ឡូកចូលក្នុងវិស័យសិល្បៈរហូតដូចសព្វថ្ងៃនេះតែម្តង។</span></p>
<p><span style="font-size: small;">បច្ចុប្បន្ន ឌួង ហ្សូរីដា ជាពិធីការិនីឯករាជ្យតាមបណ្តាញទូរទស្សន៍ ពោលគឺមានជាប់កុងត្រា<br />ផ្តាច់មុខជាមួយប៉ុស្តិ៍ ទូរទស្សន៍ណាមួយនោះទេ។ តារារូបស្រស់ខ្ពស់ស្រឡះរូបនេះ ក៏ជា<br />សហគ្រិននារីវ័យក្មេងម្នាក់ ដោយបានបង្កើត ក្រុមបង្ហាញម៉ូដ Cambodia Super Model និង<br />ជាម្ចាស់ហាងលក់សម្លៀកបំពាក់ Zo Fasion។ មិនតែប៉ុណ្ណោះ កញ្ញាទទួលបានអនុបណ្ឌិត<br />ផ្នែកគ្រប់គ្រងហិរញ្ញវត្ថុ និងទទួលបានពានរង្វាន់តារា ដែលស្លៀកសម្លៀកបំពាក់ប្រពៃណី<br />សមជាងគេក្នុងកម្មវិធីអាណាចក្រតារា៕</span></p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-017/chetha-02.jpg" alt="www.lookingtoday.com" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>