<p><strong>ភ្នំពេញ៖</strong> ពេជ្រ សេរីរ័ត្ន ជាអតីតពិធីការិនី ដ៏ឆ្នើមមួយរួប ប្រចាំស្ថានីយ ទូរទស្សន៍បាយ័ន ប៉ុន្តែ<br />នាងបានចាកចេញ ពីទ្រនំរបស់ខ្លួន ដោយសារតែនាងមាន ភាពរកាំរកូសមិន អាចជួសជុលបាន<br /> ជាមួយនឹងមិត្តប្រុស ដែលគេស្គាល់ថាជា អ្នកគ្រប់គ្រងក្នុងកម្មវិធីតន្ត្រីយុវវ័យ ប្រចាំស្ថានីយទូរ<br />ទស្សន៍បាយ័ន គឺលោក គង់ វិសាល ក្នុងរឿងស្នេហាដែល អ្នកទាំងពីរខំថែរក្សា អស់រយៈពេលជិត<br /> ៧ឆ្នាំមកហើយនោះ។ ចាប់តាំងពីការចាកចេញ ពីសិល្បៈមក ទស្សនិកជនពុំឃើញ វត្តមានរបស់<br />នាង តាមស្ថានីយទូរទស្សន៍ ណាមួយនោះទេ ពោលគឺបាត់មុខ ទាំងស្រុងតែម្តង។</p>
<p>ប៉ុន្តែការចាកពីពិភពសិល្បៈ តែងមានព័ត៌មានជាច្រើន លេចឮជាហូរហែថា អតីតពិធីការិនី ពេជ្រ<br /> សេរីរ័ត្ន មានកូនជាមួយ នឹងមន្ត្រីអ្នកមានលុយ ប៉ុន្តែជាបុរសលាក់មុខ ។ មិនតែប៉ុណ្ណោះនាងថែម <br />ទាំងមានលុយបើកហាង Spa ហើយហាង spa នោះត្រូវគេសង្ស័យថា ជាការឧបត្ថម្ភពី ម្ចាស់សេ្នហ៍<br />របស់នាង ។ ទោះបីជាមានព័ត៌មាន លេចឮយ៉ាងណាក៏ដោយ ក៏នាងតែងតែ បដិសេធ និង ច្រាន<br />ចោល មិនព្រមទទួល ស្គាល់ជានិច្ច។</p>
<p>លើសពីនេះទៅទៀត ពេជ្រ សេរីរ័ត្ន កាលពីពេលថ្មីៗនេះ នាងបានទទួលរងនូវព្យុះព័ត៌មានថាបាន<br />ឆ្លងទន្លេកូនប្រុសម្នាក់ ដោយមិនបង្ហាញមុខឪពុក នៅក្នុងមន្ទីរពេទ្យ ឯកជនក្នុងក្រុងភ្នំពេញ ហើយ<br />ក៏ ស្របពេលជាមួយ នឹងព័ត៌មានលក់ហាង Spa របស់នាងនៅម្ដុំទួលគោក ដើម្បីយកលុយមក<br />សម្រួលជីវភាពគ្រួសារ ដែលកំពុងស្រកស្រុត និងខ្វះខាតនេះ។</p>
<p>ជាការចម្លែកពី សំណាក់ទស្សនិកជន កាលពីយប់ថ្ងៃសៅរ៍ សប្តាហ៍មុននេះ ស្រាប់តែឃើញវត្តមាន<br />របស់ពេជ្រ សេរីរ័ត្ន ក្នុងកម្មវិធីតន្ត្រីរបស់ ស្ថានីយទូរទស្សន៍ ហង្សមាស ក្នុងនាមជាតារា ចម្រៀង<br />ទៅវិញ ដោយនាងច្រៀងបទ “អូនស្អាតលេខ ១” ធ្វើឲ្យគេនឹកឃើញដល់ កាលពីនាងចូលសិល្បៈ<br />ដំបូង គីនាងជាតារាចម្រៀង ប៉ុន្តែមិនមានកេរ្តិ៍ឈ្មោះល្បី ទើបងាកមកចាប់អាជីពជាពិធីការិនីវិញ។<br /> ក្នុងការបង្ហាញ មុខគួរឲ្យភ្ញាក់ផ្អើល នៅលើឆាកតន្រ្តី នាពេលនេះ ពេជ្រ សេរីរ័ត្ន បានរំលេចដោយ<br /> សម្លៀកបំពាក់រ៉ូប ពណ៌ក្រហមឆ្អិនឆ្អៅ មើលទៅលេចធ្លោ និងមានសម្រស់ស្រស់ផូរផង់ មិនចាញ់<br />តារាស្រករ ក្រោយប៉ុន្មានឡើយ។</p>
<p>អ្នកសិល្បៈមុជមិន ជ្រៅទៅមិនឆ្ងាយ ពេជ្រ សេរីរ័ត្ន ត្រូវបានគេមើលឃើញថា នាងមិនដាច់ចិត្ត <br />ជាមួយនឹងការចាកចេញ ពីសង្វៀនសិល្បៈ ព្រោះទំរាំនាងមានកេរ្តិ៍ឈ្មោះ ល្បីមកដល់ពេលនេះ<br /> នាងត្រូវតស៊ូរាប់ឆ្នាំ ហើយមិនត្រូវបោះបង់ ឱកាសនោះដោយ ងាយៗបានឡើយ ។ ទោះបីជា<br />យ៉ាងណា ការចូលមក ពិភពសិល្បៈវិញ ក្នុងនាមជាតារាចម្រៀង នៅពេលនេះ ជាមួយនឹងសំនៀង<br />ភ្លាវៗ ដែលនាងច្រៀង កាលពីថ្ងៃសៅរ៍ មិនដឹងថា ពេជ្រ សេរីរ័ត្ន អាចទាញ យកប្រជាប្រិយ ដូច<br />កាលពីនាង ធ្វើជាពិធីការិនី ឬយ៉ាងណានោះទេ.. ឬមួយ ពេជ្រ សេរីរ័ត្ន សម្រេចចូលមក អុកឡុក<br />ក្នុងពិភព សិល្បៈវិញ គ្រាន់តែចង់ បញ្ឈឺចិត្តសង្សារចាស់ ?</p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-098/S_0260.jpg" alt="Photo by Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-098/S_0261.jpg" alt="Photo by Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-098/S_0262.jpg" alt="Photo by Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-098/S_0263.jpg" alt="Photo by Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>