<div class="article-content">
<p><strong>ភ្នំពេញ ៖</strong> លោកឧត្តមសេនីយ៏ត្រី ផាន់ សុផេង ស្នងការនគរបាល ខេត្តកំពង់ធំ បានឲ្យដឹងថា តាមការ សន្និដ្ឋាន របស់សមត្ថកិច្ច ដែលសំអាងលើភស្តុតាងគ្រាប់គ្រាន់ សំរាប់ដាក់បន្ទុក រឿងនេះ គឺជាករណី គំនុំ ដោយក្នុងហេតុ ការណ៍នេះ សមត្ថកិច្ចបានធ្វើការឃាត់ខ្លួន លើមុខ សញ្ញាសង្ស័យបានម្នាក់ និង កំពុងធ្វើការសាកសួរនៅអធិការ នគរបាលស្រុក ប្រាសាទសំបូរ នេះបើយោងតាមតាមការផ្សព្វផ្សាយ ពី គេហទំព័ររបស់អគ្គស្នងការដ្ឋាន នគរជាតិ។</p>
<p>ប្រភពខាងលើបន្តថា កន្លងមកជនសង្ស័យម្នាក់នេះ មានមុខរបជាយោធានៅព្រំដែន និងបានសំរាក មកលេងផ្ទះ បងប្អូននៅក្នុងភូមិ មុនថ្ងៃកើតហេតុប៉ុន្មានថ្ងៃជន សង្ស័យធ្លាប់បានផឹកស៊ីនៅផ្ទះ ជនរង គ្រោះជាកូនកំលោះ រហូត មានទំនាស់ជាមួយគ្នា ដោយសារជនសង្ស័យបានឡកឡឺយលែបខាយ ដាក់កូនក្រមុំ ប៉ុន្តែជំលោះត្រូវ បានដោះ ស្រាយដោយអាជ្ញាធរមូលដ្ឋាន ដែលតំរូវឲ្យជនរងគ្រោះជា កូនកំលោះសង ២០ម៉ឺនរៀលជាការបញ្ចប់រឿង ។</p>
<p>ប្រភពដដែលបន្ថែមថា អ្វីដែលគេស្មានមិនដល់រៀងរ៉ាវទាំងនេះ មិនបានធ្វើ ជនសង្ស័យស្ងប់ចិត្តឡើយ រហូតដល់ ថ្ងៃជនរងគ្រោះរៀបការ ខណៈកំពុងមានពិធីរាំរែក ជនសង្ស័យបានបោកបំផ្ទុះគ្រាប់បែកជា ការសងសឹក និងមាន ចេតនារំខានដល់កម្មវិធី មង្គលការរបស់ជនរងគ្រោះតែម្ដង ។</p>
<p>ដោយឡែកយោងប្រភពពត៌មាននៅកន្លែងកើតហេតុ ប្រជាពលរដ្ឋបានចាត់ ទុកថានេះជាករណី សំលាប់រង្កៀល មួយដែលមិនធ្លាប់មាន បើទោះជាក្នុងជំនាន់ពេល មានសង្គ្រាមក៏គ្មានការសំលាប់ មនុស្ស គរជើងលើគ្នាបែប នេះ ដែr ព្រោះថាទាំងកូន កំលោះ កូនក្រមុំ និងភ្ញៀវកំពុងនាំគ្នារាំរែក ស្រាប់តែជនសង្ស័យបានបន្លំខ្លួននៅពី ក្រោយ ធុងបាស់ និងបានកាច់គន្លឹះគ្រាប់បែកបោកចូលពីលើ ពិដានដំបូលធ្វើឲ្យគ្រាប់ ផ្ទុះឡើង និងមានអ្នកស្លាប់ និង របួសរណូករតែលលើគ្នា ។ ព័ត៌មានបន្តថា បន្ទាប់ពីកើតហេតុ ប្រមាណជាជាងមួយម៉ោងទើបឃើញមានរថយន្ត សង្គ្រោះរបស់មន្ទីពេទ្យរដ្ឋ ឯកជន និងរថយន្តសង្គ្រោះរបស់ស្នងការរដ្ឋាន បានមកដឹកជញ្ជូនអ្នករបួសទៅធ្វើការ ព្យាបាល ប៉ុន្តែដោយផ្អែកលើកត្តាផ្លូវ កន្លែងកើតហេតុនៅឆ្ងាយពីទីប្រជុំជនទើប បណ្ដាលឲ្យស្ថានភាពអ្នករបួស ធ្ងន់ត្រូវស្លាប់បន្តបន្ទាប់ ។</p>
<p>សូមបញ្ជាក់ថា នៅយប់ថ្ងៃកើតហេតុ មានពិធីរៀបមង្គលការរវាងកូនកំលោះ ឈ្មោះ ជា ចក់ អាយុ ២៤ឆ្នាំ និង កូនក្រមុំ ឈ្មោះភឿន សុផល អាយុ២២ឆ្នាំ នៅក្នុងភូមិ ជាំ ហើយនៅយប់ថ្ងៃកើតហេតុ ជាថ្ងៃចូលរោងការ និង មានពិធីរាំកំសាន្តពេលយប់ ដែលជាឱកាសឲ្យជនសង្ស័យបោកបំផ្ទុះគ្រាប់ បែក ចូលក្នុងរោង និងបណ្ដាលឲ្យមាន អ្នកស្លាប់ក្នុងចំណោម៩នាក់ ក្នុងនោះមានឈ្មោះ វ៉ែន លឹម អាយុ៥៧ឆ្នាំ ជាមេភូមិរង ក៏បានស្លាប់ភ្លាមៗ ។ ដោយឡែកកូនកំលោះរបួសធ្លាយដៃ ចំណែកកូនក្រមុំ របួសធ្ងន់ខ្ទេចជើង ក្រៅពីនោះអ្នកស្លាប់ និងអ្នករបួស ផ្សេងៗ ជាអ្នកស្រុកភូមិមកចូលរួមក្នុងពិធី ។ បន្ទាប់ពីមានហេតុការណ៍កើតឡើង ពិធីមង្គលការទាំងមូល ត្រូវ បានបិតទាំងស្រុង ដែលមុននេះគេ បានលឺសំលេងភ្លេងការ ប៉ុន្តែលុះព្រឹកឡើងគេបានលឺសំលេងបុណ្យខ្មោច ទ្រហឹងពេញភូមិ គួរឲ្យ សង្វេក ដោយឡែកអ្នកភ្នួងរត់ចោលកូនក្រមុំ ម្ចាស់បាស់ រត់ចោលធុងបាស់ អ្នកភ្លេងត្រូវវេចបង្វិច ទាំងមិនទាន់បានទូទាត់លុយ ព្រោះអ្វីដែល កើតឡើងគ្មានអ្នកណាម្នាក់ស្មានដល់ ៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-010/chanroth014-jan-219.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-010/chanroth014-jan-218.jpg" alt="" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-078/Layposthp-049.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-078/Layposthp-050.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-078/Layposthp-052.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-078/Layposthp-051.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-078/Layposthp-048.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-078/Layposthp-047.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-078/Layposthp-046.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-078/Layposthp-045.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-078/Layposthp-044.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-078/Layposthp-043.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-078/Layposthp-042.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-078/Layposthp-041.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-078/Layposthp-040.jpg" alt="www.lookingtoday.com" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/79854-2014-01-26-08-20-19.html"><span style="color: #0000ff;">ដើមអំពិល</span></a></p>
</div>