<div class="article-content">
<p><strong>ភ្នំពេញៈ</strong> បុរសម្នាក់ ដែលបម្រើការងារ នៅក្នុងហាង ភីហ្សាខមផេនី ត្រូវបាន កម្លាំងអធិការដ្ឋាន<br /> នគរបាល ខណ្ឌទួលគោក ឃាត់ខ្លួន ដោយចោទថាបាន ធ្វើសកម្មភាព គាស់ទូដែកដាក់លុយ <br />របស់ក្រុមហ៊ុន Piza Company (ភីហ្សាខមផេនី) សាខាកម្ពុជាក្រោមលួចយកលុយជាង១៥០០០<br />ដុល្លារ កាលពីថ្ងៃទី៥ ខែសីហា ឆ្នាំ២០១៣ កន្លងទៅ ។</p>
<p>ការឃាត់ខ្លួនជនសង្ស័យ ខាងលើ បានធ្វើឡើង នៅថ្ងៃទី០៦ ខែសីហា ឆ្នាំ២០១៣ នៅចំណុច<br /> លូប្រាំ ភូមិទ្រា៣ ផ្លូវលំ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ក្រោយពេលស្រាវ<br />ជ្រាវ អស់រយៈពេល ពេញមួយថ្ងៃ ។</p>
<p>ប្រភពព័ត៌មានពីសមត្ថកិច្ច បានឱ្យដឹងថាជនសង្ស័យមានឈ្មោះស៊ាប ចន្ធី អាយុ២៧ឆ្នាំ មុខរបរ<br /> បុគ្គលិក Piza Company ( ភីហ្សាខាំផានី ) ផ្នែក ដឹកជញ្ជូនតាមម៉ូតូ ស្នាក់នៅផ្ទះជួលគ្មានលេខ <br />ផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ ។</p>
<p>តាមប្រភពដដែលបានបញ្ជាក់ថាកាលពីថ្ងៃទី០៥ ខែសីហា ឆ្នាំ២០១៣ វេលាម៉ោង៧ព្រឹកអធិការ<br />ដ្ឋាន នគរបាល ខណ្ឌទួលគោក បានទទួល ពាក្យបណ្តឹងពីតំណាង ក្រុមហ៊ុន Piza Company <br />( ភីហ្សាខមផេនី ) ពីករណីចោរគាស់ទូដែក លួចយកលុយចំនួន ១៥.៨៦៤.៣៤ដុល្លារ (មួយម៉ឺន<br />ប្រាំពាន់ប្រាំបី រយហុកសិបបួនដុល្លារ និង សាមសិបបួនសេន) ។ ក្រោយពីទទួល ពាក្យបណ្តឹង<br />នេះ សមត្ថកិច្ច បានធ្វើការ ស្រាវជ្រាវ ដោយសហការ ជាមួយ ការិយាល័យបច្ចេកទេស និង <br />កោសល្យវិច័យ នៃស្នងការដ្ឋាននគរបាល រាជធានីភ្នំពេញ ដោយពិនិត្យ កន្លែងកើតហេតុ និង<br />ស្រាវជ្រាវ លើបុគ្គលិក ដែលសមត្ថកិច្ចមាន ការសង្ស័យ រហូតកំណត់ បានអត្តសញ្ញាណ ជន<br />សង្ស័យ ហើយបានស្រាវជ្រាវដឹងពីកន្លែងលាក់ខ្លួន របស់ជន សង្ស័យឈ្មោះ ស៊ាប ចន្ធី សមត្ថ<br />កិច្ចក៏បាន ធ្វើការឃាត់ខ្លួន និងចាប់យកវត្ថុតាងតែម្តង ។</p>
<p>ក្នុងប្រតិបត្តិការនេះ សមត្ថកិច្ច បានរកឃើញ ប្រាក់ ១៥.៤៣៦ដុល្លារ (មួយម៉ឺនប្រាំពាន់បួនរយ<br /> សាមសិប ប្រាំមួយដុល្លារ សហរដ្ឋអាមេរិក ) នៅជាមួយជនសង្ស័យ ព្រមទាំងបាន ប្រគល់ជូន <br />ក្រុមហ៊ុនវិញផងដែរ ។</p>
<p>ដោយឡែក ជនសង្ស័យឈ្មោះ ស៊ាប ចន្ធី កំពុងឃាត់ខ្លួនជាបណ្តោះអាសន្ន នៅអធិការដ្ឋាន<br />នគរបាលខណ្ឌទួលគោក ដើម្បីកសាងសំណុំរឿង បញ្ជូនទៅសាលាដំបូងរាជធានីភ្នំពេញ ៕</p>
<p style="text-align: center;"><img src="http://111.92.240.170:81/dap-news/dap-images/2013/August/id-037/S4469.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/August/id-037/S4468.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/August/id-037/S4470.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>