<p>មិនត្រឹមតែមានផ្ដល់សេវាកម្មទេសចរណ៍នោះទេ ប៉ុន្ដែសណ្ឋាគារអាវកាសដែលក្រុមហ៊ុន<br />មួយរបស់រុស្ស៊ីនឹងសាងសង់ឡើង ក៏នឹងអនុញ្ញាតអោយក្រុមអ្នកវិទ្យាសាស្ដ្រធ្វើការ<br />ពិសោធផងដែរ។<br /><a class="thickbox" title="" href="/FileManager/Commons/2012/4/18/spaceadventures1-18-04-2012--08-22-33.jpg"><img src="/FileManager/Articles/mce/2012/4/18/spaceadventures1-18-04-2012--08-22-33.jpg" alt="" /></a></p>
<p style="text-align: center;"><em>ក្នុងសណ្ឋាគារអាវកាស មនុស្សនឹងធ្វើដំណើរដោយហោះហើរបែបនេះ</em></p>
<p class="Normal">កាលពីឆ្នាំ ២០១០ ក្រុមហ៊ុនរុស្ស៊ីមួយដែលមានឈ្មោះថា Orbital Technologies ធ្លាប់<br />ប្រកាស់ពីគម្រោងសាងសង់សណ្ឋាគារមួយនៅលើអាកាស។ តាមគម្រោង module ដំបូង<br />របស់សណ្ឋាគារនេះនឹងត្រូវបានគេបញ្ជូនចូលទៅក្នុងគន្លងតារាវិថីនៅឆ្នាំ ២០១៦។ Module <br />ដែលរួមមានបន្ទប់ចំនួន ៤ និងអាចផ្ទុកមនុស្សបាន ៧នាក់នេះនឹងត្រូវសាងសង់ដោយ<br />ក្រុមហ៊ុន Energia។ Energia គឺជាក្រុមហ៊ុនផលិតកាំជ្រួច និងឧបករណ៍អាវកាសរបស់<br />ប្រទេសរុស្ស៊ី។</p>
<p class="Normal">ទំព័រ <em>RIA Novosti </em>ដកស្រង់សំដីរបស់លោក Sergei Kostenko អគ្គនាយកប្រតិបត្តិរបស់<br />Orbital Technologies បានអោយដឹងថា ៖ "យើងខ្ញុំក៏កំពុងមានគម្រោងអភិវឌ្ឍ protein ក្នុង<br />បរិស្ថានគ្មានទម្ងន់"។ </p>
<p class="Normal">Protein គឺជា<span id="result_box" class="short_text" lang="en"><span class="hps">ជីវគីមីដែលបង្កើតបានជាសាច់ដុំ ឆ្អឹង និងគ្រឿងក្នុងរបស់មនុស្ស និងសត្វ។<br />វាក៏ជួយជំរុញអោយប្រព័ន្ធការពាររាងកាយដំណើរការបានល្អ ផ្ដល់នូវវត្ថុធាតុការពាររាង<br />កាយ និងថាមពល។<br /></span></span></p>
<p class="Normal" style="text-align: left;">Space Adventures(ក្រុមហ៊ុនមួយដែលមានមូលដ្ឋាននៅអាមេរិក)គឺជាក្រុមហ៊ុនតែមួយគត់<br />ដែលមានសេវាកម្មបញ្ជូនភ្ញៀវទេសចរណ៍ទៅកាន់អាវកាស។ រហូតមកទល់នឹងពេលនេះ<br />ក្រុមហ៊ុននេះបានបញ្ជូនភ្ញៀវទៅកាន់ ISS(ស្ថានីយអាវកាសអន្ដរជាតិ)បានចំនួន ៧នាក់។<br />លោក Kostenko គឺជាប្រធានអ្នកតំណាងរបស់ការិយាល័យ Space Adventures ប្រចាំ<br />ប្រទេសរុស្ស៊ី៕</p>
<p class="Normal" style="text-align: right;"><br />ដោយ ៖ សូរីយ៉ា<br />ប្រភព ៖ VE</p>