<p><strong>ភ្នំពេញៈ</strong>បន្ទាប់ពីមានសារព័ត៌មាន ក្នុងស្រុកជាច្រើនបាន ចុះផ្សាយបន្តកន្ទុយគ្នា ពីភាពរកាំរកូស<br />ក្នុងជីវិតគូរបស់ អ្នកនាង សោម ម៉ាល័ក្ខ និងអតីតស្វាមីរហូតឈានដល់ផ្លូវបំបែក ដោយគ្មានអ្នក<br />ណាម្នាក់ ដឹងច្បាស់ពីមូលហេតុដែលគូស្វាមីភរិយាទាំងពីរនាក់ ជួបស្នេហ៍ប្រះស្រាំបែបនេះទេ ។<br /> តារាសម្តែងរូបនេះ បានចេញមុខមកបកស្រាយជុំវិញ ព័ត៌មាននេះ និងសុំចិត្តដក់គ្រប់អង្គភាពសារ<br />ព័ត៌មាន មេត្តាកុំសរសេរ និងចុះផ្សាយពីរឿងស្នេហារបស់នាង និងអតីតស្វាមីបន្តទៀត ព្រោះអ្វីគ្រប់<br />យ៉ាងបានបញ្ចប់អស់ហើយ គ្មានថ្ងៃវិលវិញទេ។</p>
<p>គេហទំព័រ Looking TODAY ធ្លាប់បានចុះផ្សាយពីរឿងរ៉ាវស្នេហា របស់នាង និងអតីតស្វាមីក្រោយ<br />លែងលះ ដោយដាក់ចំណងជើងថា “សោម ម៉ាល័ក្ខ ធ្វើខួបកំណើតជម្រះ ក្តីឈឺចាប់ ក្រោយលែងប្តី<br />ហេងសយ” នាថ្ងៃទី១៩ ខែកក្កដា ឆ្នាំ ២០១៣ រួចមក អ្នកនាង សោម ម៉ាល័ក្ខ បានធ្វើដំណើរមកដល់<br /> មជ្ឈមណ្ឌលព័ត៌មានដើមអម្ពិល ដោយផ្ទាល់ នៅព្រឹកថ្ងៃទី៧ ខែសីហា ឆ្នាំ២០១៣នេះ ដោយនាង<br />បានប្រាប់ឲ្យដឹងថាចំពោះរឿង ដែលចុះផ្សាយទាក់ទងជាមួយ អតីតស្វាមីរបស់នាងនោះ គឺនាងស្នើ<br />សុំឲ្យបញ្ចប់ត្រឹមនេះតែម្តងទៅកុំ ឲ្យមានការចុះផ្សាយបន្តទៀត ព្រោះថារវាងនាង និងអតីតស្វាមីបាន<br />លែងលះគ្នា ចប់សព្វគ្រប់ហើយ មិនចង់ឲ្យសារព័ត៌មាន រំលឹកបើកកកាយ មកចុះផ្សាយទៀតទេ។</p>
<p>អ្នកនាង ម៉ាល័ក្ខ បានរៀបរាប់ជាមួយទឹកមុខ ញញឹមស្ងួតទៀតថា កន្លងមកធ្លាប់មានសារព័ត៌មាន<br /> មិនតិចទេ ដែលផ្សាយជុំវិញបញ្ហានេះ ដោយមានសារព័ត៌មានមួយចំនួន និយាយថាការបែកបាក់<br />របស់នាង គឺបណ្តាលមកពីម្តាយក្មេក អ្នកស្រី ពាន់ ភួងបុប្ផា តែដើម្បីបកស្រាយឲ្យអស់ ចម្ងល់<br />ហើយកុំឲ្យមានការ លើកឡើងបែបនោះទៀត “ខ្ញុំសូមបកស្រាយថា នេះមិនមែនជារឿងពិតទេ <br />សម្រាប់អតីតម្តាយក្មេកខ្ញុំ គាត់មិនបានចូលមកពាក់ព័ន្ធ និងជីវិតប្តីប្រពន្ធពួកខ្ញុំទេ ផ្ទុយទៅវិញ<br />ចំពោះការបែកបាក់ របស់ពួកខ្ញុំដោយសារតែជីវិតគូរបស់ពួកខ្ញុំ រស់នៅមិនចុះសម្រុងជាមួយគ្នា<br /> និងមិនអាចបន្តទៀត ទើបសម្រេចចិត្តបែកផ្លូវគ្នាតែម្តងទៅមិនមានពាក់ព័ន្ធជាមួយអ្នកទី៣ ឬក៏<br />អតីតម្តាយក្មេកឡើយ ” ។</p>
<p>តារាសម្តែងដែលទស្សនិកជន ធ្លាប់ស្គាល់តាមរយៈការសម្តែងរឿង “បេះដូងអ្នកការពា” រូបនេះបាន<br />ប្រាប់ឲ្យដឹងទៀតថា រាល់ពេលសារព័ត៌មាន ចុះផ្សាយរឿងរ៉ាវពាក់ព័ន្ធនាងជាមួយ អតីតស្វាមីគឺនាង<br />មិន ដែលដឹងនិងផ្តល់បទសម្តាសន៍ជុំវិញ ព័ត៌មាននោះទេ តែការផ្សាយព័ត៌មាននោះ គឺគា្រន់តែជា<br />ការយល់ឃើញរបស់អ្នកកាសែត ជាអ្នកផ្សាយ អត់បានទទួលការ ផ្តល់បទសម្ភាសន៍ពីនាងឡើយ។</p>
<p>ម៉ាល័ក្ខ បានប្រាប់ទៀតថា “ខ្ញុំសុំស្នើរសុំបញ្ចប់រឿងជីវិតគូរបស់ខ្ញុំ និងអតីតស្វាមីត្រឹមនេះ ចុះខ្ញុំមិន<br />ចង់ជីកកកាយមកនិយាយម្តង ហើយម្តងទៀត មិនចេះចប់មិនចេះហើយទេ ព្រោះថាពួកខ្ញុំទាំងពីរ<br />នាក់ បានដើរដល់ផ្លូវបំបែកគ្រប់យ៉ាង ចប់អស់ហើយគ្មានអ្វីត្រូវ និយាយឬក៏ចុះផ្សាយទៀតទេ។ តែ<br />ខ្ញុំសូមស្វាមគមន៍ ចំពោះបទសម្ភាសន៍ទាំងអស់ ពាក់ព័ន្ធនឹងការងារសិល្បៈរបស់ខ្ញុំ តែចំពោះរឿង<br />ចាស់ (រៀបការ) ខ្ញុំមិននិយាយឬក៏ទទួលស្គាល់ការ ចុះផ្សាយនោះទេ ដោយសារតែកន្លងមកមាន<br />ការ ចុះផ្សាយខ្លះមិនបានសម្ភាសន៍ខ្ញុំ តែបែរជាចុះផ្សាយថា ខ្ញុំជាអ្នកនិយាយទៅវិញ”៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0157.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0158.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0159.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0160.jpg" alt="Looking Today" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>