<div class="article-content">
<p><strong>បាងកក៖</strong> យោងតាមគេហទំព័រថៃ (បាងកកប៉ុស្ដិ៍) បានឲ្យដឹងនៅថ្ងៃទី១០ ខែមករា នេះ ដោយ ផ្អែកតាម នាយករដ្ឋ មន្រ្តីចាំផ្ទះថៃ លោកស្រី យីងឡាក់ ស៊ីនណាវ៉ាត់ ដែលបានថ្លែង នៅថ្ងៃសុក្រ នេះថា រដ្ឋាភិបាលមានលទ្ធភាព ក្នុង ការគ្រប់គ្រងស្ថានភាព នេះបានក្នុងកំឡុងពេល ដែលមាន គម្រោងបិទទីក្រុងបាងកក នៅថ្ងៃទី១៣ ខែមករា ខាងមុខនេះដោយ ក្រុមបាតុករ។ លោកស្រី បានមានប្រសាសន៍ថា ប្រជាពលរដ្ឋគួរតែប្រកបរបរអាជីវកម្ម ដូចធម្មតា។</p>
<p>មន្រ្តីប៉ូលីស និងកងប្រដាប់អាវុធជាង២០.០០០នាក់ គួរតែដាក់ពង្រាយទៅតាម តំបន់សំខាន់ៗ និងនៅតាម ទីភ្នាក់ងាររដ្ឋ សំខាន់ៗនៅក្នុងទីក្រុង ដើម្បីរក្សាឲ្យបាន នូវសន្ដិភាព និងសណ្ដាប់ ធ្នាប់។ ទោះបីជាយ៉ាណាក៏ដោយ លោកស្រីយីងឡាក់ បានសារភាពថា រូបលោកស្រី ក៏មានការ ព្រួយបារម្ភ ផងដែរចំពោះ ជាក្រុម «បាតដៃទីបី» ដែលនឹងឆ្លៀតយកឱកាសនេះ ដើម្បីញុះញង់ បង្កើត ឲ្យមានអំពើហិង្សាកើតឡើង។</p>
<p>លោកស្រីបានស្នើរសុំឲ្យគ្រប់ភាគី ទាំងអស់សូមកុំប្រឈម មុខដាក់គ្នា ហើយងាកមករកតុចចារ ដើម្បី រិះរកវិធី បញ្ចប់ វិបត្តិនយោបាយនេះ ដោយឆ្លងកាត់ ក្រុមប្រឹក្សាកំណែទម្រង់រដ្ឋាភិបាល ដែលនឹងដំណើរការឡើង ស្រប ពេលជាមួយគ្នា នឹងការបោះឆ្នោតជាតិ នៅថ្ងៃទី០២ កុម្ភះ ខាងមុខ។</p>
<p>លោកស្រី យីង ឡាក់ បាននិយាយថា ការបោះឆ្នោតជាតិពិតជាមានសារៈសំខាន់ខ្លាំងណាស់ ពីព្រោះថា បើគ្មាន សភាតំណាងនោះទេ រដ្ឋាភិបាលរបស់ប្រទេស នឹងត្រូវអាក់ខាន។ លោកស្រី បានទទួចថា លោកស្រីមិនអាច ចុះចេញ ពីតំណែងនោះទេនៅ ក្នុងស្ថានភាពមួយនេះ ដូច្នេះ ហើយគឺតម្រូវ ឲ្យលោកស្រី ធ្វើដូចនេះ ដូចដែលច្បាប់ បានតម្រូវ ឲ្យរូបលោកស្រីបន្ដកាន់តំណែង រហូតដល់រដ្ឋាភិបាលថ្មី ត្រូវបានបង្កើតឡើង។</p>
<p>សេចក្ដីរាយការណ៍មួយបានឲ្យដឹងថា កងកម្លាំងប្រដាប់អាវុធ នឹងឈរនៅលើជំហរ មួយជាអ្នក សម្របសម្រួល កិច្ចពិភាក្សាសន្ដិភាព រវាងរដ្ឋាភិបាល និងគណៈកម្មាធិការកំណែទម្រង់ ប្រជា ធិបតេយ្យ ហើយលោកស្រី នាយករដ្ឋមន្រ្តី ចាំផ្ទះរូបនេះបានបន្តថា លោកស្រីបានត្រៀម ខ្លួនរួច ជាស្រេច ក្នុងកិច្ចពិភាក្សានេះ ៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-078/Lay-133.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-40-26/78981-2014-01-10-08-35-11.html"><span style="color: #0000ff;">ដើមអំពិល</span></a></p>
</div>