<p><span style="color: #000000;">ព័ត៌មានអន្តរជាតិ ៖ រដ្ឋមន្រ្តីក្រសួងអប់រំ ធ្វើសេចក្តីថ្លែងការណ៍ កាលពីល្ងាចថ្ងៃអាទិត្យនេះអោយដឹង ថា សាកសពសិស្ស ៥ នាក់ ក្នុងនោះ រួមមាន សពគ្រូបង្រៀនម្នាក់ផ្សេងទៀត ពី សាលាបឋមសិក្សា Tanjong Katong Primary School ក៏ដូចជា សពមគ្គុទេស ទេសចរណ៍ ជន ជាតិ សឹង្ហបុរី ម្នាក់ទៀត នឹងធ្វើមាតុភូមិនិវត្ត មកកាន់ ប្រទេសសឹង្ហបុរី វិញ តាមរយៈយន្តហោះ ទ័ព អាកាស សឹង្ហបុរី C-130 Republic of Singapore Airforce (RSAF) ។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/8/20-08-06-2015--10-04-16.jpg"><img src="/FileManager/Articles/mce/2015/6/8/20-08-06-2015--10-04-16.jpg" alt="" /></a><br /></span></p>
<p><span style="color: #000000;">ទន្ទឹមនឹងគ្នានេះដែរ ការស្រាវជ្រាវរុករក សិស្សឈ្មោះ Navdeep Singh Jaryal S/O Raj Kumar និង លោកគ្រូម្នាក់ឈ្មោះ Mohammad Ghazi Bin Mohamed កំពុង តែបន្តស្រាវជ្រាវ រក យ៉ាងសស្រាក់ សស្រាំនៅឡើយ ។ ថ្លែង នៅក្នុងសន្និសិទសារព័ត៌មាន នារសៀល ថ្ងៃអាទិត្យ រដ្ឋមន្រ្តី នាយកដ្ឋាន ទេសចរណ៍ វប្បធម៌ និង បរិស្ថាន ស្រុក Sabah រដ្ឋ <span class="st">Selangor ប្រទេស ម៉ាឡេស៊ី លោក Masidi Manjun អោយដឹងថា សាកសពមនុស្ស ៣ នាក់ ត្រូវបាននាំចុះពីភ្នំ តាមរយៈ ជើងហោះហើរ ឧទ្ធម្ភា គចក្រ ក្នុងនោះ សពមនុស្ស ២ នាក់ កំពុងតែមានវត្តមាននៅឡើយ នៅលើភ្នំ ។ </span></span></p>
<p><span style="color: #000000;"><span class="st"><a class="thickbox" title="" href="/FileManager/Commons/2015/6/8/21-08-06-2015--10-04-27.jpg"><img src="/FileManager/Articles/mce/2015/6/8/21-08-06-2015--10-04-27.jpg" alt="" /></a><br /></span></span></p>
<p class="st"><span style="color: #000000;"><span class="st">គួរបញ្ជាក់ថា ជនរងគ្រោះស្លាប់បាត់បង់ជីវិតទាំងអស់ ក៏ដូចជា ជនរងគ្រោះ គឺ ជា សមាជិកនៃក្រុម ក្មេងៗទាំង ២៤ នាក់ ក៏ដូចជា គ្រូ ៨ នាក់ ពីប្រទេស សឹង្ហបុរី ដែលបានធ្វើដំណើរកំសាន្ត ដើរឡើងភ្នំ តាមបណ្តោយផ្លូវឡើងភ្នំ មានឈ្មោះថា "Walk the Torq" នៅព្រឹកព្រលឹមថ្ងៃសុក្រ ម៉ោង ៤ និង ៣០ នាទីទាបភ្លឺ </span>។ សមាជិកសរុប នៃក្រុមក្មេងៗ ត្រូវបានបែងចែក ជា ៥ ក្រុម ក្នុង នោះ ពួកគេបានមាន វត្តមាននៅទីចាប់ផ្តើមនៅម៉ោង ៦ និង ៤៥ នាទីព្រឹក ខណៈចាប់ផ្តើមធ្វើការឡើងភ្នំ នៅម៉ោង ៧ និង ០០ នាទី ។ ក្នុងរយៈពេលដ៏ខ្លី ពោលនៅម៉ោង ៧ និង ១៥ នាទី ក៏ មាន ហេតុការណ៍ គ្រោះអាក្រក់ បានកើតមានឡើង ពោល គ្រោះធម្មជាតិ រញ្ជួយដី ស្រុក Sabah ផ្ទាល់ តែម្តង ដែលបានបណ្តាល អោយមានការរអិលបាក់ដី ក៏ដូចជា រអិលថ្មភ្នំ សម្លាប់ មនុស្សច្រើននាក់ ជាក្រុមសិស្សសាលាតូចៗ និងជាគ្រូបង្រៀន ក៏ដូចជា មគ្គុទេស ទេសចរណ៍ ពី ប្រទេស សឹង្ហបុរី ។ ទង់ជាតិ ប្រទេស សឹង្ហបុរី នៅក្នុងប្រទេស ត្រូវបានគេមើលឃើញថា ហូតត្រឹម ពាក់ កណ្តាលដង ស្របពេលដែល រដ្ឋាភិបាល ប្រទេសនេះ ប្រកាសជាផ្លូវការ ថ្ងៃទី ៨ មិថុនា គឺជា ថ្ងៃ កាន់ទុក្ខ ក៏ដូចជា គោរពវិញ្ញាណក្ខ័ន្ធជនរង គ្រោះ ៕</span></p>
<p class="st"><span style="color: #000000;"><a class="thickbox" title="" href="/FileManager/Commons/2015/6/8/22-08-06-2015--10-04-41.jpg"><img src="/FileManager/Articles/mce/2015/6/8/22-08-06-2015--10-04-41.jpg" alt="" /></a><br /></span></p>
<p class="st" style="text-align: right;"><span style="color: #000000;">ប្រែសម្រួល ៖ កុសល</span></p>
<p class="st" style="text-align: right;"><span style="color: #000000;">ប្រភព ៖ CNA</span></p>