<p><strong>ក្រុងឡុងដ៍ៈ</strong> លោក Rafael Benitez គ្រូបង្វឹកបណ្តោះអាសន្ន របស់ក្រុមតោខៀវ Chelsea បាន<br />ឈ្នះពានជាគ្រូបង្វឹក ល្អបំផុតក្នុងក្របខណ្ឌកំពូល Barclays-Premier League ប្រចាំខែមេសាឆ្នាំ<br />២០១៣ ជាមួយនឹងខ្សែប្រយុទ្ធ ជាតិហូឡង់របស់ ក្លឹបបិសាចក្រហម Manchester United, Rovin<br /> van Persie ក៏បានជាប់ឈ្មោះជា កីឡាករល្អបំផុតផងដែរនោះ ។</p>
<p>ប្រភពព័ត៌មានពីគេហទំព័រ Skysport បានឱ្យដឹងថា គ្រូបង្វឹកជាតិអេស្ប៉ាញ វ័យ៥៣ឆ្នាំរូបនេះ បាន<br />ក្លាយជាអ្នកចាត់ការ ទីមួយរបស់ Chelsea ដែលឈ្នះពានរង្វាន់នេះ ចាប់តាំងពីលោក Carlo Ance<br />lotti ឈ្នះកាលពីខែមេសា ឆ្នាំ២០១១មក ។</p>
<p>អ្នកចាត់ការដែលធ្លាប់ ឈ្នះរង្វាន់ដូចគ្នានេះ ៥ដង កាលនៅដឹកនាំ Liverpool រូបនេះ រំពឹងថានឹងចាក<br />ចេញ ពីក្លឹបតោខៀវ ខណៈក្រុមអ្នកគាំទ្រ នៅតែចង់ឲ្យលោក Jose Mourinho ត្រលប់មកវិញ។ ទោះ<br />បីជាលោក បានដឹកនាំតោខៀវ មិនឲ្យចាញ់សោះក្នុងខែមេសា ពោលគឺឈ្នះ៣ ស្មើ១ រហូតឈ្នះពាន<br />រង្វាន់នេះក្ដី ក៏អ្នកគាំទ្រមួយភាគធំនៅ Stamford Bridge នៅតែមិនពេញចិត្តលោកដដែល។</p>
<p>Benitez បានដឹកនាំ Chelsea ឡើងដល់វគ្គផ្តាច់ព្រ័ត្រ ក្នុងព្រឹត្តិការណ៍ UEFA Europa League ដោយ<br />ជួបជាមួយក្រុម Benfica របស់ព័រទុយហ្គាល់ថ្ងៃទី១៥ ឧសភា ២០១៣ខាងមុខនេះ នៅទឹកដីកណ្តាល<br />ស្ថិតក្នុង ពហុកីឡដ្ឋាន Amsterdam Arena ប្រទេសហូឡង់ ។</p>
<p>ដោយឡែកសម្រាប់ Robin van Persie វិញនេះជាលើកទី២ ហើយដែលខ្សែប្រយុទ្ធរូបនេះ ឈ្នះពាន<br />កីឡាករល្អបំផុតប្រចាំខែ ក្នុងរដូវកាលនេះ ពោលគឺ Persie ធ្លាប់ឈ្នះម្ដងរួចមកហើយ កាលពីខែធ្នូ ឆ្នាំ<br />២០១២ ។ ការឈ្នះពានរង្វាន់កីឡាករ ល្អបំផុតប្រចាំខែមេសា គឺដោយសារក្នុងខែនោះ កីឡាករវ័យ<br />២៩ឆ្នាំ បានស៊ុតបញ្ចូលទី៦គ្រាប់ បូករួមការធ្វើបាន ហ៊ែតទ្រីកពេលប៉ះ Aston Villa ផងដែរ ។ ក្រៅពី<br />ពានរង្វាន់នេះ Van Persie ក៏រំពឹងថានឹងឈ្នះ ស្បែកជើងមាសនៅ Premier League ទៀតដែរជាមួយ<br />នឹង រកគ្រាប់ស៊ុតបញ្ចូលទីបាន ២៥គ្រាប់ច្រើនជាងគេ ។</p>
<p>វីដេអូឃ្លីប Robin van Persie រកគ្រាប់ហែកទ្រីកឱ្យ Man Utd ពេលជួបជាមួយក្រុមភ្ញៀវ Aston Villa៖</p>
<p style="text-align: center;"><object width="500" height="400" data="http://www.youtube.com/v/NmzeCtnQyTI&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/NmzeCtnQyTI&rel=1" /></object></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-030/Kosal-0058.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-030/Kosal-0059.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>