<div class="article-content">
<p><strong>ភ្នំពេញ ៖</strong> កម្លាំងសន្តិសុខ ផ្សារធំថ្មី បានឃាត់ខ្លួន ជនសង្ស័យ លួចទូរស័ព្ទម្នាក់ បន្ទាប់ពីជន សង្ស័យរូបនេះ បានបន្លំលួចយក ទូរស័ព្ទ ដៃម៉ាក IPhone5 នៅពេលដែលជនរងគ្រោះ ទុកសាក ថ្មចោល ប៉ុន្តែភ្លាមៗនោះ ជនរងគ្រោះឃើញទាន់ ក៏ស្រែឆោឡោ នាំឲ្យតាមចាប់បានតែម្តង។ ការចាប់ខ្លួនជនសង្ស័យរូបនេះ បានធ្វើឡើង កាលពីវេលាម៉ោង៣រសៀល ថ្ងៃទី១២ ខែមករា ឆ្នាំ២០១៤ នៅតូបលេខ H2-053 ក្នុងផ្សារធំថ្មី ក្នុងសង្កាត់ផ្សារថ្មីទី១ ខណ្ឌដូនពេញ ។</p>
<p>ជនសង្ស័យ ដែលត្រូវបាន ចាប់ខ្លួន ខាងលើនេះ ត្រូវបាន សមត្ថកិច្ច ប្រាប់ថា មានឈ្មោះ ញឹម សីហា ភេទប្រុស អាយុ២៣ ឆ្នាំ មុខរបរ មិនពិតប្រាកដ និងទីលំនៅ ពិតប្រាកដឡើយ ។</p>
<p>ក្រោយការចាប់ខ្លួន សមត្ថកិច្ច បានដកហូតទូរស័ព្ទ របស់ជនរងគ្រោះមកវិញ។ ចំណែកជនរង គ្រោះ ឈ្មោះ ស អាហ្សឺហ្សាន ភេទស្រី អាយុ១៨ឆ្នាំ មុខរបរ លក់ដូរ នៅតូបកើតហេតុ និងមាន ទីលំនៅសង្កាត់ច្រាំងចំរេះ ខណ្ឌឫស្សីកែវ។</p>
<p>សមត្ថកិច្ចបានបន្តទៀតថា នៅមុនពេលកើតហេតុ ជនរងគ្រោះ បានទុកទូរស័ព្ទ របស់ខ្លួនម៉ាក IPhone5 ពណ៌ស សាកថ្ម នៅតូបរបស់ខ្លួន កំពុងរវល់លក់ដូរភ្លេចខ្លួន ក៏ជនសង្ស័យដើរ មកដល់ ឃើញលួចយកបាន សម្រេចហើយព្យាយាមរត់គេចខ្លួន ពេលនោះអ្នកលក់ដូរ ជិតខាងឃើញទាន់ ស្រែកឆោឡោ ក៏ត្រូវបានសមត្ថកិច្ចប្រចាំកា រផ្សារចាប់បានភ្លាមៗ ដកហូតទូរស័ព្ទមកវិញផងដែរ ដើម្បីកសាងសំណុំរឿងបញ្ជូនទៅ តុលាការ៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-067/CH-00316.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/79080--iphone5-.html"><span style="color: #0000ff;">ដើមអំពិល</span></a></p>
</div>