<p>ព័ត៌មានអន្តរជាតិ ៖ យោងតាមការដកស្រង់ អត្ថបទផ្សាយ អាប់ដេត ពីគេហទំព័រសារព័ត៌មានបរ ទេសស៊ីអិនអិន អោយដឹងថា ក្រុមជួយសង្គ្រោះ បានជួយសង្គ្រោះ កម្មករអណ្តូងរ៉ែ ៨ នាក់បាន ហើយ បន្ទាប់ពីពួកគេបានជាប់គាំង នៅក្នុងអណ្តូងរ៉ែមាស មួយកន្លែង បន្ទាប់ពីវាបានផ្ទុះឆេះកាល ពីពេលកន្លងទៅ ដើមសប្តាហ៍នេះ នេះបើតាមការអោយដឹងពី ក្រុមហ៊ុនផ្ទាល់តែម្តង។</p>
<p><a class="thickbox" title="" href="/FileManager/Commons/2014/2/6/gold-mine-fire-06-02-2014--13-30-13.jpg"><img src="/FileManager/Articles/mce/2014/2/6/gold-mine-fire-06-02-2014--13-30-13.jpg" alt="" /></a></p>
<p>គួរបញ្ជាក់ផងដែរថា អណ្តូងរ៉ែមាស មួយកន្លែងនេះ មានទីតាំងស្តិតនៅ តំបន់ Doornkop បានផ្ទុះ ឆាបឆេះ កាលពីដើមសប្តាហ៍នេះ ពោលគឺ នៅថ្ងៃអង្គារ ។ យោងតាមសេចក្តីថ្លែងការណ៍ ពីក្រុម ហ៊ុន Harmony Gold Mining Co អោយដឹងថាប្រតិបត្តិការរុករកនៅតែបន្តមាន ក៏ព្រោះតែព្យាយាម តាមស្វែងរក កម្មករទាំង ៩ នាក់ ដែលបានជាប់នៅក្រោមនោះ ។</p>
<p>ជាលទ្ធផល បន្ទាប់ពីមានការខិតខំ ប្រឹងប្រែង បំពេញភារកិច្ច ពីសំណាក់ ក្រុមការងារ សង្គ្រោះ បន្ទាន់ហើយនោះ កម្មករ ៨ នាក់ ត្រូវបានគេជួយសង្គ្រោះ ខណៈម្នាក់ផ្សេងទៀត នៅតែបន្តបាត់ ខ្លួននៅឡើយ ។ កន្លែងកើតហេតុ មានទីតាំងស្ថិតនៅ ភាគខាងលិចក្រុង Johannesburg ប្រទេស អាហ្វ្រិកខាងត្បូង ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ីអិនអិន</p>