CamNews

ទ្រព្យសម្បត្តិតម្លៃ ៧៧០,០០០ ដុល្លារអាមេរិក របស់អតីតមន្ដ្រីសង្ឃសម្បូររឿងអាស្រូវមួយអង្គ ក្នុងនោះមានរថយន្ដទំនើប ម៉ាក Porsche និង Mercedes-Benz ទើបត្រូវបានរាជរដ្ឋាភិបាលថៃ ដកហូត។   <a class="thickbox" title="" href="/FileManager/Commons/2013/9/21/thai-monk-21-09-2013--16-06-45.jpg"><img src="/FileManager/Articles/mce/2013/9/21/thai-monk-21-09-2013--16-06-45.jpg" alt="" /></a> Wiraphon Sukphon សង្ឃមួយអង្គដែលត្រូវបានចាប់ផ្សឹក ដោយសារជាប់ទាក់ទិននឹងរឿងអាស្រូវមួយចំនួន អង្គភាពប្រឆាំងការលាងលុយកខ្វក់របស់ថៃ (AMLO) កាលពីម្សិលមិញ បានរឹបអូសយកទ្រព្យសម្បត្តិតម្លៃ ៧៧០,០០០ ដុល្លារអាមេរិក របស់សង្ឃមួយអង្គ នាម Wiraphon Sukphon ដែលត្រូវបានបណ្ដេញចេញពីក្រុមមន្ដ្រីសង្ឃ ព្រោះតែត្រូវបានគេសង្ស័យថា បានបោកប្រាស់ពុទ្ធបរិស័ទ ក្នុងការប្រមូលវិភាគទាន។ ទ្រព្យសរុបរបស់សង្ឃអង្គនេះ រួមមានអចលនទ្រព្យដែលមានតម្លៃជាង ៤០០,០០០ដុល្លារ រថយន្ដទំនើប ៣គ្រឿង ក្នុងនោះមានរថយន្ដ Porsche និង Mercedes-Benz និង រថយន្ដ Harley Davidson ប្រភេទប្រណិត ម៉ូតូ Vespa មួយគ្រឿង ព្រមទាំងទឹកប្រាក់ជាង ៦,៤០០ ដុល្លារ ក្នុងគណនីធនាគារចំនួន ១៤ ។ AFP ដកស្រង់សំដីមន្ដ្រីនគរបាលម្នាក់ឈ្មោះ Seehanat Prayoonrat ដែលជាអគ្គលេខារបស់អង្គភាពប្រឆាំងការលាងលុយកខ្វក់ បានឱ្យដឹងថា ៖ “សង្ឃទាំងឡាយ អាចប្រមូលប្រាក់វិភាគទាន និងប្រើប្រាស់វាដើម្បីប្រយោជន៍សាធារណៈ គឺមិនមែនសម្រាប់ឯកជននោះទេ” ។ អតីតសង្ឃ Wiraphon កាលនៅជាមន្ដ្រីសង្ឃ មាននាមថា Luang Pu Nen Kham ។ អតីតសង្ឃអង្គនេះ បច្ចុប្បន្ន ប្រហែលជាកំពុងនៅក្រៅប្រទេស ហើយកំពុងត្រូវបាននគរបាលថៃតាមចាប់ខ្លួន ក្រោមបទចោទប្រកាន់ថា បានរួមភេទជាមួយកុមារី បណ្ដាលឱ្យនាងមានកូនកាលពី ១០ឆ្នាំមុន ។ Wiraphon ធ្លាប់បានបង្កឱ្យមានរឿងអាស្រូវមួយកាលពីដើមឆ្នាំនេះ ក្រោយពីមានវីដេអូឃ្លីបមួយ ត្រូវបានបង្ហោះលើអ៊ីនធើរណិត បង្ហាញពីសកម្មភាពរបស់សង្ឃ Wiraphon និងសង្ឃពីរអង្គផ្សេងទៀត ជិះយន្ដហោះឯកជនមួយគ្រឿង ដោយមានពាក់វ៉ែនតាខ្មៅ និងប្រើប្រាស់កាបូបម៉ាកថ្លៃ Louis Vuitton ។ ចាប់តាំងពីពេលនោះមក Wiraphon ត្រូវបាននគរបាលធ្វើការស្រាវជ្រាវចំពោះសកម្មភាពល្មើសមួយចំនួន ដូចជាគេចពន្ធ រក្សាទុកថ្នាំញៀន និងលាងលុយកខ្វក់។ ដោយ ៖ តារា ប្រភព ៖ dailytimes

សង្ឃថៃដែលមានទ្រព្យ ជិតមួយលានដុល្លារ ប្រើកាបូបថ្លៃ ត្រូវតាមចាប់ខ្លួន