<p>បណ្ដាប្រទេសមួយចំនួន ក្នុងពិភពលោក ពិសេសគឺតំបន់អាស៊ី ការរកបានភរិយាដែលនៅមានព្រហ្មចារី គឺជារឿងដ៏គួរឱ្យមោទនភាព និងសប្បាយរីករាយ ដោយឡែក ជនជាតិ Uganda បែរជាមានការយល់ឃើញផ្ទុយពីនេះ ដោយពួកគេជឿថា កូនក្រមុំដែលមិនទាន់បាត់បង់ព្រហ្មចារី គឺជាប្រការអាក្រក់បំផុត។<br /><br />នៅក្នុងជំនឿរបស់ជនជាតិ Uganda ព្រហ្មចារី គឺជារឿងខ្មៅងងឹត និងជារឿងអាក្រក់ ដោយសារនារីដែលនៅមានព្រហ្មចារី គឺជាស្ដ្រីដែលត្រូវបានគេចាត់ទុកថា ជាប្រការមិនល្អ អាចនាំវិញ្ញាណអាក្រក់តាមធ្វើបាបស្វាមីរបស់ខ្លួន ហើយស្ដ្រីដែលនៅមានព្រហ្មចារី ក៏ត្រូវបានគេយល់ថា ជាមនុស្សមិនទាន់ពេញលក្ខណៈ។</p>
<p style="text-align: center;"><a class="thickbox" title="" href="/FileManager/Commons/2013/9/30/uganda-30-09-2013--21-06-54.jpg"><img src="/FileManager/Articles/mce/2013/9/30/uganda-30-09-2013--21-06-54.jpg" alt="" /></a></p>
<p style="text-align: center;"><em>បណ្ដានារីជនជាតិ Uganda ត្រូវបង្ខំចិត្តលះបង់ព្រហ្មចារីទៅឱ្យបុរសផ្សេង ដើម្បីរកបានស្វាមី</em></p>
<p>ជំនឿខាងលើនេះហើយ បាននាំឱ្យជនជាតិ Uganda មានទំនៀមទម្លាប់ខុសគេមួយ គឺ “ពឹង” បុរសចម្លែកម្នាក់ ដើម្បីបញ្ចប់ភាពបរិសុទ្ធរបស់កូនក្រមុំ មុនពេលផ្សំដំណេកជាមួយស្វាមីទើបរៀបការ។ មានតែនារីដែលបាត់បង់ព្រហ្មចារីប៉ុណ្ណោះទេ ទើបត្រូវគេចាត់ទុកថាល្អ បរិសុទ្ធបំផុត។<br /><br />ដោយសារតែមានជំនឿយ៉ាងមុតមាំ ស្ដីអំពីបញ្ហាអាក្រក់ដែលអាចកើតមានលើខ្លួន ទើបបានជាបុរសជនជាតិ Uganda ភាគតិចណាស់ ដែលហ៊ានស៊ូទ្រាំ ជួយ “បំផ្លាញព្រហ្មចារី” ឱ្យនារីម្នាក់។ ដូច្នេះហើយ ប្រសិនកូនកម្លោះណាមួយ រកបានប្រពន្ធដែលនៅមានព្រហ្មចារី នោះត្រូវគេចាត់ទុកថា ជាប្រការគួរឱ្យអាមាសជាទីបំផុតចំពោះកុលសម្ព័ន្ធខ្លួន។<br /><br />កុលសម្ព័ន្ធមួយចំនួនផ្សេងទៀត នៅ Australia ក៏បានចាត់ព្រហ្មចារី ថាជា តំណាងនៃប្រការមិនល្អ និងសាហាវព្រៃផ្សៃ។ ពួកគេយល់ថា លោហិតរបស់នារីនៅមានព្រហ្មចារីក្នុងរាត្រីផ្សំដំណេក នឹងក្លាយជាថ្នាំពុល បំផ្លាញដល់កូនចៅរបស់ពួកគេ នៅថ្ងៃអនាគត។ ដូច្នេះ ដើម្បីរកបានស្វាមី ពួកនារីបរិសុទ្ធទាំងឡាយ ត្រូវបង្ខំចិត្ត បំផ្លាញព្រហ្មចារីរបស់ខ្លួន។<br /><br />ប៉ុន្ដែ ខុសពី Uganda នៅក្នុងបណ្ដាកុលសម្ព័ន្ធខ្លះនៅ Australia ស្ដ្រីគឺជាអ្នកទទួលខុសត្រូវ ក្នុងការបំផ្លាញព្រហ្មចារី ហើយជាទូទៅ ស្ដ្រីវ័យចំណាស់ដែលមានបទពិសោធច្រើន គឺជាអ្នកប្រារព្ធពិធីមួយប្រកបដោយភាពមឹងម៉ាត់។ ក្នុងពិធីបំផ្លាញព្រហ្មចារីនោះ ស្ដ្រីវ័យចំណាស់ នឹងប្រើប្រាស់វត្ថុនានា ដូចជាកាំបិត ឬថ្មជាដើម ដើម្បីជួយឱ្យនារីនៅបរិសុទ្ធ ក្លាយជានារីអស់ព្រហ្មចារី មុនថ្ងៃជួបស្វាមីរបស់ខ្លួន។ <br /><br />ចំណុចសំខាន់មួយទៀត គឺថា នៅពេលរៀបការ លុះត្រាតែស្ដ្រីវ័យចំណាស់នោះ បង្ហាញសញ្ញាថា ព្រហ្មចារីត្រូវបានបំផ្លាញរួចហើយ ទើបនារីជាកូនក្រមុំនោះ មានសិទ្ធិចូលនៅផ្ទះខាងប្ដីរបស់នាងបាន។</p>
<p style="text-align: right;"><br /><br />ដោយ ៖ តារា<br />ប្រភព ៖ SH<br /><br /></p>