<p>អន្តរជាតិ ៖ ក្រុមមន្រ្តីប៉ូលីសរបស់ប្រទេសថៃ ក៏កំពុងតែតាមរកម្ចាស់ឡានទំនើបទាំង ៤<br />គ្រឿង ដែលបានឆាបឆេះម៉ត់ កាលពីថ្ងៃពុធកន្លងទៅនៅក្នុងស្រុក Nakhon Ratchasima's<br /> Pak Chong អំឡុងពេលនៃការមានការដឹកជញ្ជូនតាមរថយន្តដឹកទំនិញធន់ធំមួយគ្រឿង។<br />មកទល់នឹងពេលនេះ គ្មាននរណាម្នាក់ បានចេញមុខមកអះអាងថាខ្លួន ជាម្ចាស់រថយន្ត<br />ទំនើបទាំង ៤ គ្រឿងនោះនៅឡើយទេ នេះបើយោងតាមការដកស្រង់អត្ថបទផ្សាយ ពីគេ<br />ហទំព័រសារព័ត៌មានបរទេស អាស៊ីវ័ន ដែលទើបតែបាន ធ្វើការចេញផ្សាយកាលពីប៉ុន្មាន<br />ម៉ោងមុននេះ។</p>
<p><a class="thickbox" title="" href="/FileManager/Commons/2013/5/31/burnt600-31-05-2013--14-05-08.jpg"><img src="/FileManager/Articles/mce/2013/5/31/burnt600-31-05-2013--14-05-08.jpg" alt="" width="437" height="284" /></a></p>
<p>គួរបញ្ជាក់ផងដែរថា រថយន្តទំនើប ៦ គ្រឿងត្រូវបានដឹកជញ្ជូន តែដោយឡែក អំឡុង<br />ពេលនៃការកើតមានឡើងនូវការឆាបឆេះមិនដឹងមូលហេតុមួយនេះ បានធ្វើអោយរថយន្ត<br />ទំនើប ៤ គ្រឿង ដែលនៅក្នុងនោះ រួមមានដូចជា ៖ Lamborghini, a Bentley, BMW និង<br /> a Mercedes-Benz ដែលរថយន្តទំនើបទាំង ៤ គ្រឿងនេះ បើតាមការអះអាង សរុបទាំង<br />អស់វាមានតម្លៃដល់ទៅ ១០០ លានបាត។</p>
<p><a class="thickbox" title="" href="/FileManager/Commons/2013/5/31/45-31-05-2013--14-06-15.jpg"><img src="/FileManager/Articles/mce/2013/5/31/45-31-05-2013--14-06-15.jpg" alt="" width="432" height="345" /></a></p>
<p>លើសពីនេះ ប្រភពសារព័ត៌មានដដែល ក៏បានបន្ថែមអោយដឹងផងដែរថា មកទល់នឹង<br />ពេលនេះ យុទ្ធនាការតាមដានស៊ើបអង្កេត ក៏កំពុងចេញប្រតិបត្តិការរបស់ខ្លួន ដោយធ្វើ<br />ការស្រាវជ្រាវអោយដឹងថាតើ រថយន្តទាំងអស់នេះ គឺជាការនាំចូលខុសច្បាប់ ឬក៏រថយន្ត<br />គេចពន្ធ ។ ក្រុមមន្រ្តីប៉ូលីសជឿថា រថយន្តទាំងនេះ គឺជាម្ចាស់កម្មសិទ្ធិរបស់បុគ្គលអ្នក<br />មានទ្រព្យសម្បត្តិស្តុក នាភាគខាងកើតឆៀងខាងជើង ប្រទេសថៃ។</p>
<p><a class="thickbox" title="" href="/FileManager/Commons/2013/5/31/85-31-05-2013--14-06-32.jpg"><img src="/FileManager/Articles/mce/2013/5/31/85-31-05-2013--14-06-32.jpg" alt="" width="429" height="343" /></a></p>
<p>យ៉ាងណាមិញ កាលពីម្សិលមិញនេះ បើយោងតាមសម្តីលោកអគ្គមេបញ្ជាការថៃ Pol Col<br /> Panu Bunarasiri បានគូសបញ្ជាក់អោយដឹងថា ក្រុមហ៊ុន A-ngoon Jeungsaengmanee<br /> Co Ltd ដែលមានការិយាល័យក្នុងទីក្រុងបាងកក ជាអ្នកទទួលបន្ទុកក្នុងការដឹកជញ្ជូនរថ<br />យន្តទំនើបទាំងនេះ ទៅកាន់ស្ថានីយប្រេងឥន្ទនៈមួយកន្លែង ក្នុងខេត្ត Si Sa Ket ។ ក្រុម<br />មន្រ្តីប៉ូលីស ក៏កំពុងតែធ្វើការតាមដានស៊ើបអង្កេត ដើម្បីរកតំរុយ អាចកំណត់បាននូវមុខ<br />សញ្ញានៃការឆាបឆេះ ដោយគ្មានមូលហេតុមួយនេះ។</p>
<p>ដោយឡែក ក៏មានការចូលរួមសហការពីមន្រ្តីជំនាញខាងរថយន្តទំនើបផងដែរ ដោយធ្វើ<br />ការវិភាគទៅលើរថយន្តទាំងនេះថាតើវាគឺជាការនាំចូលខុសច្បាប់ឬក៏យ៉ាងណា? មិនត្រឹម<br />តែប៉ុណ្ណោះ នាយកដ្ឋានប្រាក់ចំណូលជាតិឯណោះវិញ ក៏បានធ្វើការតាមដានស៊ើបអង្កេត<br />របស់ខ្លួន ដើម្បីឈានទៅកំណត់ម្ចាស់រថយន្តទំនើបទាំងនេះ៕</p>
<p style="text-align: right;">ដោយ ៖ រិទ្ធី<br />ប្រភព ៖ អាស៊ីវ័ន</p>