<p><span style="color: #000000;">ព័ត៌មានកីឡា៖ ស្ងាត់ៗស្រាប់តែបណ្ដាញគេហទំព័រព័ត៌មានអន្ដរជាតិឈ្មោះ offthepost បានលេចចេញដំណឹងថា Manchester United ក៏មានចំណាប់អារម្មណ៍នឹងពាក្យសម្ដីចុងក្រោយរបស់ Messi ផងដែរ ដែលបានដាសអារម្មណ៍ Chelsea និង Man City កាលពីថ្ងៃប្រគល់រង្វាន់បាល់មាសដល់ Ronaldo ។ </span></p>
<p><span style="color: #000000;">Manchester United ត្រូវបានក្រុមអ្នកសារព័ត៌មានរាយការណ៍ថាក្រុម មានចំណាប់អារម្មណ៍នឹងពាក្យសម្ដីបកស្រាយចុងក្រោយរបស់ Messi ដោយលើកឡើងថា គោលដៅពិតប្រាកដ គាត់ក៏មិនដឹងថាត្រូវទៅណាឲ្យប្រាកដ ថាតើ គាត់ត្រូវត្រលប់ទៅកាន់អតីតក្លឹបកុមារភាពរបស់គាត់ ឈ្មោះថា Newell’s Old Boys នៅថ្ងៃណាមួយក៏មិនដឹងផង ដូច្នោះគាត់ក៏មិនប្រាកដនោះទេ ។ ប៉ុន្ដែកន្លងមកគាត់តែងតែទទួចថា គាត់និងមិនចេញពី Barcelona នោះទេ ប៉ុន្ដែដូចអ្វី Ronaldo បាននិយាយចឹងថា មានតែព្រះទេទើបអាចមើលឃើញពី អនាគត ពិតប្រាកដ ។ រឿងរ៉ាវជាច្រើនអាចនិងប្រែប្រួលត្រឹមតែមួយយប់។ </span></p>
<p><span style="color: #000000;">Chelsea មិនដែលបានគេងលក់ស្កប់ស្កល់ក្នុងមួយយប់ណានោះទេ ចាប់តាំងពី ដំណឹងកីឡាករម្នាកនេះបានលេចធ្លាយជាបន្ដបន្ទាប់។ ស្របពេលមួយរយៈពេលខ្លីចុងក្រោយបំផុតនេះ ថ្នាក់ដឹកនាំក្រុម គឺលោក Jose Mourinho បានក្រវីក្បាលធ្វើមុខយ៉ាប់ប្រកាសជាសាធារណៈថា ដំណើរចាកចេញរបស់ Messi ចំពោះ Chelsea សូមទំលាក់អាវុធចុះហើយ ដោយហេតុ សម្ពាធកញ្ចប់ថវិការត្រូវមានកម្រិត មិនអាចស៊ូទ្រាំបាននោះទេ ។ រីឯ Manchester City វិញក៏ទំនងមិនខុសអីនិង ស្ថានភាព Chelsea នៅពេលនេះ ដែរ ក្រុមទាំង ២ ត្រូវប្រឈមមុខនឹងបញ្ហាដូចគ្នា ។ ប៉ុន្ដែស្របនិងការលើកឡើងរបស់ គេហទំព័របានបង្ហាញថា Messi ធ្លាប់បានបដិសេធច្រាបចោល ការជួបសំណេះសំណាលជាមួយក្រុមទាំង ២ កាលពីថ្ងៃអាទិត្យ មុនការរៀបចំកម្មវិធី ជ្រើសរើសម្ចាស់តំណែងបាល់មាស ប្រចាំឆ្នាំ ២០១៤។ </span></p>
<p><span style="color: #000000;">Messi បាននិយាយប្រាប់អ្នកសារព័តមានទូរទស្សន៍ប្រចាំនៅទីក្រុង Barcelona ថា គាត់មិនដែលទាមទាអ្វីសម្រាប់ខ្លួនរបស់គាត់ឡើយ ពីព្រោះគាត់គ្មានចំណាប់អារម្មណ៍និងចាកចេញពីកន្លែងចាស់របស់គាត់ ហើយម្យ៉ាងវិញទៀត គាត់ក៏បានឮនូវរឿងរ៉ាវជាច្រើន ទាក់ទងនឹងការចាកចេញនេះ ហើយគាត់ក៏បានបកស្រាយត្រលប់ទៅក្រុមទាំង ២ វិញថាគ្រប់យ៉ាងគ្រាន់តែជាការកុហក់តែប៉ុណ្ណោះ។ ប៉ុន្ដែ បើយោងតាមពាក្យសម្ដីមនុស្សនៅក្បែខ្លួនកីឡាករម្នាក់បានបង្ហើបឲ្យដឹងថា កីឡាករបានលើកឡើងនូវពាក្យសម្ដីខ្លះទាក់ទងនិងការចាកចេញថា មានតែ Manchester United ទេទើបអាចមានលទ្ធភាព និង កក់ក្ដៅចំពោះការចាកចេញនេះ ។ </span></p>
<p><span style="color: #000000;">សូមបញ្ជាកឡើងវិញថា Messi ធ្លាប់ស្រែកប្រកាសពីតម្លៃខ្លួនដល់ទៅ ៥០០ លានផោន កាលពីសប្ដាហ៍មុន ។ </span></p>
<p><span style="color: #000000;"><a class="thickbox" title="" href="/FileManager/Commons/2015/1/13/1-13-2015-3-21-51-pm-13-01-2015--15-26-06.png"><span style="color: #000000;"><img src="/FileManager/Articles/mce/2015/1/13/1-13-2015-3-21-51-pm-13-01-2015--15-26-06.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/1/13/1-13-2015-3-23-34-pm-13-01-2015--15-27-26.png"><span style="color: #000000;"><img src="/FileManager/Articles/mce/2015/1/13/1-13-2015-3-23-34-pm-13-01-2015--15-27-26.png" alt="" /></span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ offthepost </span></p>