<p><strong>ភ្នំពេញៈ</strong> កំពូលតារាចម្រៀងស្រី លេចធ្លោក្នុងផលិតកម្ម ហង្សមាស កញ្ញា ឱក សុគន្ធកញ្ញា ត្រូវបានទស្សនិកជនរិះគន់ចំៗ ដោយមិនសំចៃដៃ ខណៈដែលនាងបានដើរតួជា គ្រួបង្វឹក (Coach) ក្នុងកម្មវិធីលំដាប់ពិភពលោក The Voice Cambodia ហើយបានបញ្ចេញកាយវិការ និងការបញ្ចូលអារម្មណ៍ ទៅលើបេក្ខជន-បេក្ខនារី ប្រកួតប្រជែង ជ្រួលហួសហេតុពេក មើលទៅកាយវិការនោះ ហាក់ដូចមិនសមថា នាងជាតារាស្រីមួយដួង ដែលមានឈ្មោះបោះសំឡេងទាល់តែសោះ។</p>
<p>ជាទូទៅទស្សនិកជនធ្លាប់ តែបានឃើញវត្តមានរបស់ តារាចម្រៀង ឱក សុគន្ធកញ្ញា នៅតាមការប្រគំតន្ត្រី និងកញ្ចក់ទូរទស្សន៍នានាគឺ នាងរមែងតែងតែបង្ហាញពីអត្តចរិកសុភាព ស្រគត់ស្រគំ ធម្មតាៗ ដោយនាងមិនដែលបាន បង្ហាញពីកាយវិការរំភើប ជ្រុលហួសហេតុ នោះទេ ។ ដោយឡែក នៅក្នុងកម្មវិធី “The Voice Cambodia” គេសង្កេតឃើញថា តារាស្រីរូបនេះ ហាក់ដូចជាបង្ហាញពី ភាពសប្បាយរីករាយ រំភើបចិត្តខ្លាំង និងដាក់អារម្មណ៍ហួសហេតុ ខុសពីចរិករបស់នាងពីមុន។</p>
<p>តាមរយៈការបង្ហាញកាយវិការបែបនេះ ត្រូវបានទស្សនិកជន និងអ្នកគាំទ្រនាង មួយចំនួន លើកឡើងថា ប្រសិនបើនាងនៅតែបន្ត បញ្ចេញកាយវិការបែបនោះទៀតនោះ នាងអាចបាត់បង់ប្រជាប្រិយភាព ជាពិសេសមិនត្រូវធ្វើអ្វី ដែលប៉ះពាល់ភ្នែកមហាជន ត្រូវតែគិត មុននឹងបញ្ចេញវាមកក្រៅ ព្រោះថារាល់ទង្វើរបស់នាង ត្រូវបានមហាជន តាមដាន ហេតុដូច្នេះនាងគួរតែ កាត់បន្ថយកាយវិការ មួយចំនួនដែលគិតថា មិនសមរម្យ ម្យ៉ាងទៀត ប្រសិនបើអាច កុំចម្លងយកស្ទីល ឬវប្បធម៌បរទេសខ្លាំងពេក។</p>
<p>ទាក់ទងនឹងការបញ្ចេញ មតិរិះគន់ពីទស្សនិកជននេះ គេហទំព័រ Looking TODAY មិនអាចទាក់ទងទៅ តារាចម្រៀងស្រីល្បីឈ្មោះរូបនេះ ដើម្បីសាកសួរនាងជុំវិញ ការលើកឡើងបានទេ នារសៀលថ្ងៃទី០៧ ខែសីហា ឆ្នាំ២០១៤៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-098/S_0065.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-098/S_0066.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-098/S_0067.jpg" alt="" width="600" /></p>
<p style="text-align: center;"><object width="500" height="428" data="http://www.youtube.com/v/AmHfrOp1mZI&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/AmHfrOp1mZI&rel=1" /></object></p>
<p style="text-align: center;"><object width="480" height="411" data="http://www.youtube.com/v/sLZCYWprMo0&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/sLZCYWprMo0&rel=1" /></object></p>
<p style="text-align: right;"><a href="http://lookingtoday.com/index.php/entertainment-general-news/33046--qthe-voiceq.html" target="_blank">ផ្តល់សិទ្ធដោយ ៖ ដើមអម្ពិល</a></p>