<p>ព័ត៌មានអន្តរជាតិ ៖ ឧបករណ៍ថតសម្លេង ក្រោមទឹក បានផ្តិតជាប់ នូវខ្សែអាថ៍សម្លែង ប្រៀបបានទៅ នឹងករណីធ្លាក់យន្តហោះ ខណៈចលករនេះ ពិតជាមានតំណភ្ជាប់ទៅនឹងករណីបាត់ខ្លួន យន្តហោះ ម៉ាឡេស៊ី MH370 ។</p>
<p>ក្រុមអ្នកសិក្សាស្រាវជ្រាវ មកពីសកលវិទ្យាល័យ Curtin ទីក្រុង Perth ប្រទេស អូស្រ្តាលី បាននឹងកំ ពុងធ្វើការវិភាគទៅលើខ្សែអាថ៍សម្លេង ដែលបានថតជាប់ ដោយឧបករណ៍ ចាប់សម្លេងក្រោមទឹក ដើម្បីជាតម្រុយ ក្នុងការតាមរក យន្តហោះ ម៉ាឡេស៊ី MH370 ។</p>
<p><a class="thickbox" title="" href="/FileManager/Commons/2014/6/4/070315-a2669140-eb9f-11e3-bb45-046f3d36ad52-04-06-2014--16-45-21.jpg"><img src="/FileManager/Articles/mce/2014/6/4/070315-a2669140-eb9f-11e3-bb45-046f3d36ad52-04-06-2014--16-45-21.jpg" alt="" /></a></p>
<p>គួរបញ្ជាក់ថា ឧបករណ៍ប្រភេទនេះ ត្រូវបានគេផលិតឡើង ដើម្បីជាការតាមដានស្តាប់ ពីវដ្ដជីវិត ជីវ ចម្រុះបាតសមុទ្រ ក៏ដូចជាធ្វើការចាប់រលកសញ្ញា ផ្ទុះនុយក្លេអ៊ែរ ក្រោមទឹក ។ មានករណីចាប់បាន រលកសញ្ញាជាច្រើនលើកច្រើនសា ដោយនៅក្នុងនោះ មានការសង្ស័យថា អាចជាប់ទាក់ទិនទៅនឹង ការធ្លាក់យន្តហោះខាងលើ នេះបើយោងតាមសម្តី អ្នកជំនាញខាងសិក្សា ស្រាវជ្រាវ Alec Duncan មកពី មជ្ឈមណ្ឌល វិទ្យាសាស្រ្ត និងបច្ចេកវិទ្យា ជីវចម្រុះបាតសមុទ្រ នៃសកលវិទ្យាល័យ Curtin ។</p>
<p><a class="thickbox" title="" href="/FileManager/Commons/2014/6/4/160408-679bc9bc-eba5-11e3-bb45-046f3d36ad52-04-06-2014--16-45-32.jpg"><img src="/FileManager/Articles/mce/2014/6/4/160408-679bc9bc-eba5-11e3-bb45-046f3d36ad52-04-06-2014--16-45-32.jpg" alt="" /></a></p>
<p>បន្ថែមពីលើនេះ លោក Duncan បានអះអាងអោយដឹងថា ក្រុមអ្នកសិក្សាស្រាវជ្រាវ ក៏កំពុងតែធ្វើការ វិភាគ និង តាមដាន ទៅលើខ្សែអាថ៍សម្លេង ដែលមានហ្វ្រេកង់ ទាបជាខ្លាំងមួយនេះ ដោយនឹងត្រូវ ចំណាយពេល មួយសប្តាហ៍ ដើម្បីតាមដានអោយដឹងថាតើ វាគឺជាឥទ្ធិពល នៃការប៉ះទង្គិចរវាង ដែន ជលសារ និង យន្តហោះខាងលើ ឬក៏យ៉ាងណា ក៏ប៉ុន្តែ អ្វីដែលមានការលើកឡើង ព្រាលៗអោយដឹង ថា ប្រភពនៃសម្លេង ដែលចាប់បាននោះ វាប្រៀបបាន និង ស្រដៀងទៅនឹង ព្រឹត្តិការធម្មជាតិ ជាធម្ម តានៅក្រោមបាតសមុទ្រ ស្របពេលដែល ទិន្នន័យថ្មី នៃខ្សែអាថ៍សម្លេងនេះ បានបញ្ជូនបន្ត ទៅអា ជ្ញាធរ ប្រទេស អូស្រ្តាលីហើយ ដើម្បីធ្វើការសិក្សាស្រាវជ្រាវ បន្ថែម ៕</p>
<p><a class="thickbox" title="" href="/FileManager/Commons/2014/6/4/malaysia-missing-plane-graphic-04-06-2014--16-45-44.jpg"><img src="/FileManager/Articles/mce/2014/6/4/malaysia-missing-plane-graphic-04-06-2014--16-45-44.jpg" alt="" /></a></p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ិនហួរ</p>